跳到內容

跳到副菜單

跳到目錄

守望台(研讀版)  |  2017年6月

你知唔知道?

你知唔知道?

點解​耶穌​話​喺​聖殿​賣​祭牲​嘅​商人​係“强盜”呢?

根據​馬太福音​嘅​記載,“耶穌​入​咗​聖殿,將​聖殿​裏面​做​買賣​嘅​人​全部​趕​晒​出去,又​推​冧​兑錢商​嘅​檯​同埋​賣​鴿​嘅​人​啲​凳。耶穌​同​佢哋​講:‘聖經​話:“我​嘅​聖殿​要​稱​為​禱告​嘅​殿。”但係​你哋​就​將​佢​變​成​强盜​嘅​巢穴!’”(馬太福音​21:12,13

猶太​歷史​顯示,聖殿​裏面​嘅​兑錢商​坐地​起價,向​需要​購買​動物​祭牲​嘅​人​牟取​暴利。比如​話,白鴿​本來​係​好​平​嘅,窮人​可以​買​得​起,用​嚟​獻​俾​上帝。不過,古代​猶太​文獻​記載,喺​公元​1​世紀,如果​人​想​買​兩​隻​白鴿,就​要​俾​一​個​金​第納流斯。當時​一般​工人​要​做​25​日​先​賺​到​咁​多​錢。但係​啲​白鴿​賣​到​咁​貴,窮人​根本​買​唔​起。(利未記​1:14;5:7;12:6-8)一​個​叫​西緬·本·迦瑪列​嘅​猶太教​拉比​大發義憤,減少​咗​猶太人​要​獻​嘅​祭物​數量。結果,兩​隻​白鴿​嘅​價錢,即刻​跌​到​原價​嘅​百​分​之​一。

呢​班​喺​聖殿​做​買賣​嘅​商人​貪得無厭,靠​剝削​窮人​嚟​謀利,耶穌​話​佢哋​係“强盜”,的確​係​好​啱​嘅。