跳到內容

跳到副菜單

跳到目錄

守望台(研讀版)  |  2017年10月

亞利馬太人約瑟擁護真理

亞利馬太人約瑟擁護真理

亞利馬太人​約瑟​連​自己​都​唔​知​點解​有​勇氣​去​見​羅馬​總督。因為​本丢​·​彼拉多​出​咗​名​好​頑固。如果​想​耶穌​有​一​個​體面​嘅​葬禮,就​需要​有​人​去​問​彼拉多,將​耶穌​嘅​遺體​領​返嚟。結果,約瑟​發覺​同​彼拉多​見面​並​唔​係​佢​想像​中​咁​難。彼拉多​向​軍官​查證,證實​耶穌​死​咗​之後,就​答應​約瑟​嘅​請求。雖然​約瑟​心情​好​沉重,佢​仲係​趕​返去​耶穌​被​處決​嘅​地方。(馬可福音​15:42-45

  • 亞利馬太人​約瑟​係​邊個​呢?

  • 佢​同​耶穌​有​咩​關係?

  • 我哋​通過​佢​嘅​故事​學​到​乜嘢?

 一​個​公議會​嘅​成員

受​上帝​啟示​嘅​馬可福音​稱​約瑟​為“公議會​嘅​成員”。公議會​係​猶太​最​高​法庭​同​最​高​行政​中心。(馬可福音​15:1,43)約瑟​係​猶太人​嘅​其中​一​個​領袖,所以​佢​可以​同​羅馬​總督​見面,而且​佢​又​係​個​富翁。(馬太福音​27:57

你​有​冇​勇氣​承認​自己​係​基督徒?

公議會​大部分​人​都​好​憎​耶穌,佢哋​策劃​謀害​耶穌,想​將​佢​處死。約瑟​唔​似​公議會​嘅​大部分​成員,聖經​話​佢“為人​良善​正義”。(路加福音​23:50)約瑟​為人​誠實,過​住​道德​高尚​嘅​生活,同埋​盡力​聽從​上帝​嘅​吩咐,而且“向​來​等待​上帝​嘅​王國”,可能​因為​噉​佢​都​成為​耶穌​嘅​門徒。(馬可福音​15:43;馬太福音​27:57)另​一​個​可能​係​佢​熱愛​真理​同​正義,所以​受​到​耶穌​嘅​信息​吸引。

暗​中​做​門徒

約翰福音​19:38​話​約瑟“係​耶穌​嘅​門徒,不過​佢​怕​猶太人,所以​係​暗​中​做​門徒​嘅”。到底​約瑟​擔心​乜嘢​呢?佢​知道​猶太人​好​憎​耶穌,決意​要​將​跟隨​耶穌​嘅​人​逐​出​猶太​會堂。(約翰福音​7:45-49;9:22)被​逐​出​猶太​會堂​意味​住​會​受​到​同胞​鄙視、排斥、抛棄。如果​約瑟​公開​表明​佢​跟從​耶穌,就​會​失去​名譽​同​地位。所以,約瑟​一直​猶疑​不​決。

約瑟​唔​係​唯一​一​個​面對​呢​種​情況​嘅​人。約翰福音​12:42​話:“就算​連​官長​亦​都​有​好多​人​信從​佢,只係​由於​法利賽派,就​唔敢​公開​承認,免得​被​開除,逐​出​會堂。”尼哥德慕​都​係​公議會​成員,佢​面對​同樣​嘅​情況。(約翰福音​3:1-10;7:50-52

雖然​約瑟​係​門徒,但係​佢​唔敢​公開​承認​自己​嘅​信仰。噉樣​做​後果​好​嚴重,因為​耶穌​公開​講​過:“凡​喺​人​面前​承認​同​我​聯合​嘅,我​喺​我​天父​面前​亦​會​承認​同​佢​聯合;凡​喺​人​面前​唔​認​我​嘅,我​喺​我​天父​面前​亦​唔​認​佢。”(馬太福音​10:32,33)約瑟​冇​話​否認​耶穌,不過​佢​冇​勇氣​承認​自己​跟從​耶穌。噉​你​呢?

約瑟​唔​支持​公議會​謀害​耶穌,呢​一​點​係​值得​稱讚​嘅。(路加福音​23:51)有啲​人​覺得,耶穌​受​審判​嗰陣,約瑟​可能​唔​在場。無論​約瑟​在​唔​在場​都​好,佢​見到​公議會​嘅 人​顛倒​是非,一定​覺得​好​難​受,因為​佢​咩​都​做​唔​到!

戰勝​恐懼

耶穌​死​嗰時,約瑟​好​明顯​已經​克服​咗​恐懼,甚至​決定​公開​承認​自己​係​耶穌​嘅​門徒。馬可福音​15:43 表明​呢​一​點,經文​話:“佢​鼓​起​勇氣​入去​見​彼拉多,請​求​領取​耶穌​嘅​遺體。”

睇嚟​耶穌​死​嘅​時候​約瑟​都​在場,因為​佢​比​彼拉多​更​早​知道​耶穌​死​咗,所以,當​佢​向​彼拉多​請​求​領取​遺體​嗰陣,彼拉多“聽到​耶穌​已經​死​咗​覺得​好​驚訝”。(馬可福音​15:44)如果​約瑟​親眼​睇​住​耶穌​喺​苦刑柱​上​痛苦​噉​死​去,佢​睇到​咁​慘​嘅​場面​會​唔​會​自我​省察,同埋​受​到​推動​有​勇氣​擁護​真理​呢?可以​肯定​嘅​係,約瑟​而家​鼓​起​勇氣​採取​行動,唔​再​暗中​做​耶穌​嘅​門徒。

約瑟​埋葬​耶穌

按照​猶太人​嘅​律法,判處​死刑​嘅​人​要​喺​日落​之前​埋葬。(申命記​21:22,23)不過,對​羅馬人​嚟​講,被​處決​罪犯​嘅​屍體,一​係​留​喺​木柱​上​腐爛,一​係​就​全部​揼​晒​喺​一​個​亂葬崗​度。所以,約瑟​唔​想​耶穌​嘅​遺體​好似​嗰啲​罪犯​嘅​屍體​噉樣​處置,約瑟​喺 靠近​行刑​嘅​地方​有​一​個​新​墓穴。呢個​墓穴​係​喺​岩石​裏面​鑿​出嚟​嘅,而且​從來​都​冇​用​過,表明​約瑟​係​啱啱​從​亞利馬太 *搬​到​耶路撒冷,佢​希望​呢個​墓地​可以​作為​家族​嘅​墓地。(路加福音​23:53;約翰福音​19:41)約瑟​將​耶穌​埋葬​喺​自己​將來​嘅​墓穴,佢​噉樣​做​非常​慷慨,同時​亦​都​應驗​咗​聖經​嘅​預言,彌賽亞“死​去​嘅​時候​就​同​富翁​喺​一齊”。(以賽亞書​53:5,8,9

有​乜嘢​比​你​同​耶和華​嘅​關係​更加​重要​呢?

四福音書​都​記載​咗​耶穌​嘅​遺體​俾​人​從​柱​上面​搬​落嚟​之後,約瑟​就​用​上等​細麻布​將​耶穌​嘅​遺體​包​好,放​喺​自己​嘅​墓穴​裏面。(馬太福音​27:59-61;馬可福音​15:46,47;路加福音​23:53,55;約翰福音​19:38-40)聖經​特别​提​到​尼哥德慕​帶​咗​安葬​嘅​香料​嚟​幫助​約瑟。按照​佢哋​嘅​身份,應該​唔使​自己​搬​耶穌​嘅​遺體,好​可能​佢哋​係​叫​僕人​去​搬運​同​埋葬​遺體。無論​點​都​好,佢哋​兩​個​所​做​嘅​唔​係​微不足道​嘅。按照​摩西​律法,任何​人​接觸​過​屍體​都​會​不潔​七​日,而且​佢哋​接觸​嘅​任何​嘢​都​會​不潔。(民數記​19:11;哈該​書​2:13)任何​接觸​過​屍體​嘅​人,喺​逾越節​期間,就​唔​可以​同​其他​人​接觸,仲​會​錯過​所有​紀念​同​慶祝​活動。(民數記​9:6)約瑟​為咗​耶穌​可以​有​一​個​體面​嘅​葬禮,就算​會​俾​公議會​嘅​其他​成員​嘲笑,佢​都​好​願意​噉樣​做,亦​都​公開​承認​自己​係​耶穌​嘅​門徒。

故事​嘅​尾聲

除咗​四福音書​記載​約瑟​埋葬​耶穌​之外,聖經​冇​再​提過​亞利馬太人​約瑟​嘞。我哋​可能​會​諗:“佢​後來​點​呢?”我哋​唔​知道。不過​按照​故事​嘅​發展,佢​好​可能​已經​公開​承認​自己​係​基督徒。我哋​點​知道​呢?佢​喺​面對​考驗​同​緊急​關​頭​之下,不斷​表現​出​信心​同​勇氣,由此可見,佢​已經​有​所​改變。

呢個​故事​引起​一​個​值得​我哋​思考​嘅​問題:無論​係​地位、事業、物質​財富、親情,定係​個人​自由,有​乜嘢​會​比​我哋​同​耶和華​嘅​關係​更​重要​呢?

^ 18段 亞利馬太​好​可能​係​聖經​時代​嘅​拉瑪,就係​而家​嘅​蘭提斯,位​於​耶路撒冷​西​北​約​35​公里(22​英里),呢度​亦​都​係​先知​撒母耳​嘅​故鄉。(撒母耳記上​1:19,20