跳到內容

跳到副菜單

跳到目錄

嚟自上帝嘅好消息

 第​5​課

上帝對地球有乜嘢旨意?

上帝對地球有乜嘢旨意?

1. 點解​上帝​要​創造​地球?

上帝​創造​地球​係​要​俾​人​居住,做​人類​嘅​家園。上帝​創造​第​一​對​夫婦​亞當​同​夏娃​係​住​喺​地上,而​唔​係​住​喺​天上​嘅。上帝​創造​嘅​天使,先至​住​喺​天上。(約伯記​38:4,7)佢​俾​人類​嘅​祖先​亞當​住​喺​一​個​叫“伊甸”嘅​樂園​裏面。(創世記​2:15-17)亞當​同​佢​嘅​後代​本​來​都​有​希望​永遠​喺​地上​生活。 請​讀​詩篇​37:29;115:16

起初,只​有“伊甸”係​樂園。第​一​對​夫婦​要​生兒育女,直到​整​個​地球​都​住​滿​佢哋​嘅​後代,最後​成為​樂園。(創世記​1:28)地球​永遠​係​人類​嘅​家園,唔​會​被​毁滅。 請​讀​詩篇​104:5

2. 點解​今日​地球​唔​係​樂園?

亞當​同​夏娃​唔​聽從​上帝​嘅​吩咐,所以​上帝​將​佢哋​趕​出“伊甸園”。人類​失去​樂園​之後,冇​人​能够​靠​自己​嘅​努力​使​地球​再次​成為​樂園。聖經​話:“大地​落​喺​惡人​嘅​手​入面”。(約伯記​9:24請​讀​創世記​3:23,24

上帝​係​唔​係​冇​辦法​實現​佢​對​人類​本​來​嘅​旨意​呢?唔​係。上帝​係​全能​嘅,佢​講​得​出,就​做​得到。(以賽亞書​45:18)上帝​一定​會​實現​佢​對​人類​本​來​嘅​旨意。 請​讀​詩篇​37:11,34

3. 地球​會​點樣​成為​樂園?

君王​耶穌​統治​期間,會​使​地球​成為​樂園。將來​會​有​一​場​大戰,叫“哈米吉多頓”。到時,耶穌​會​帶領​好​嘅​天使​將​上帝​嘅​所有​仇敵​消滅,之後​佢​會​將​壞​天使​嘅​首領​撒但​囚禁 1000​年。而​上帝​嘅​子民​就​會​得到​耶穌​嘅​指引​同​保護,渡​過​呢​場​毁滅,喺​地上​嘅​樂園​裏面​永遠​快樂​噉​生活​落去。 請​讀​啟示錄​20:1-3;21:3,4

4. 我哋​幾時​先至​唔使​再​受苦?

上帝​幾時​先至​會​鏟除​地上​嘅​壞人​壞事​呢?耶穌​預告​有​一​個​綜合​嘅“徵象”,表明​呢個​日子​好​快​就​會​到。今日​世界​嘅​壞人​壞事​越​來​越​多,越​來​越​壞。呢個​表明​我哋​而家​就​生活​喺“呢個​制度​嘅​末期”嘞。 請​讀​馬太福音​24:3,7-14,21,22

耶穌​喺​天上​統治​地球​嘅​1000​年​期間,會​消除​一切​使​人​受苦​嘅​事。(以賽亞書​9:6,7;11:9)佢​仲​會​除去​人​嘅​罪,亦​即​係​話,上帝​會​通過​耶穌​消除​疾病、衰老、死亡。 請​讀​以賽亞書​25:8;33:24

5. 邊啲​人​可以​喺​未來​嘅​樂園​裏面​生活?

喺​王國聚會所,你​會​認識​到​好多​愛​上帝​嘅​人,佢哋​都​努力​學習​點樣​令​上帝​開心

服從​上帝​嘅​人​可以​喺​樂園​裏面​生活。(約翰一書​2:17)耶穌​吩咐​門徒​去​揾​出​願意​服從​上帝​嘅​人,教導​佢哋​明白​點樣​做​可以​令​上帝​喜悦。今日,有​幾​百萬​人​得到​上帝​嘅​幫助,努力​做​佢​喜歡​嘅​事,噉​就​有​希望​喺​地上​樂園​裏面​生活。(西番雅書​2:3)喺​耶和華見證人​嘅​王國聚會所,我哋​會​學識​點樣​做​更​好​嘅​丈夫​同​爸爸,做​更​好​嘅​妻子​同​媽媽,大人​同​小朋友​都​一齊​學習​聖經,崇拜​上帝,從中​得益。 請​讀​彌迦書​4:1-4