跳到內容

跳到副菜單

跳到目錄

嚟自上帝嘅好消息

 第​8​課

點解上帝容許世上有罪惡同苦難?

點解上帝容許世上有罪惡同苦難?

1. 罪惡​係​點嚟​嘅​呢?

上帝​俾​人​有​足够​嘅​時間​統治​自己,係​要​證明​人​唔​能够​靠​自己​解決​各​種​難題

地球​點解​會​有​罪惡​呢?因為​撒但​講​咗​第​一​個​大話。撒但​本​來​係​個​完美​嘅​天使,但係​後​來​就​冇​按照​真理​去​做。(約翰福音​8:44)雖然​只​有​上帝​先​配受​人​崇拜,但係​撒但​想​人​崇拜​佢,就​好似​崇拜​上帝​噉。佢​向​世上​第​一​個​女人​夏娃​講​大話,仲​説服​夏娃​聽從​佢​而​唔​聽從​上帝。亞當​亦​跟住​夏娃​唔​聽​上帝​話,由於​亞當​嘅​錯誤​決定,結果​人​就​開始​受苦,仲​會​死​去。 請​讀​創世記​3:1-6,19

上帝​嘅​地位​係​最​高​嘅。不過​撒但​暗示,夏娃​可以​唔使​聽​上帝​嘅​話。佢​噉樣​做​就​等於​反叛​上帝,對抗​上帝​嘅​統治權。大部分​人​都​跟從​撒但​拒絶​接受​上帝​嘅​統治。結果,撒但​就​成為“統治​全​世界​嘅​王”。 請​讀​約翰福音​14:30;約翰一書​5:19

2. 上帝​所​創造​嘅​有​冇​缺陷​呢?

上帝​所​造​嘅​一切​都​係​完美​嘅,佢​所​造​嘅​天使​同​人​都​有​能力​照​佢​嘅​話​做​到​最好,可以​完全​忠於​上帝。(申命記​32:4,5)上帝​創造​人​嗰時,俾​人​有​自由​意志,可以​選擇​做​啱​嘅​事​或者​做​錯​嘅​事。呢​種​自由​使​我哋​有​機會​表明​自己​愛​上帝。 請​讀​雅各書​1:13-15;約翰一書​5:3

3. 點解​上帝​到​而家​仲​容許​人​受苦?

點解​上帝​容許​叛​徒​反叛​佢​嘅​至高統治權​一​段​時間​呢?噉​係​為咗​證明,人​如果​唔​接受​上帝​嘅​統治,就​點​努力​都​唔​能够​為​自己​帶​嚟​真正​嘅​快樂。(傳道書​7:29;8:9)六千​年​來,人類​嘅​歷史​清楚​表明,人間​嘅 統治者​係​唔​能够​消除​罪惡、戰爭、疾病​同​唔​公平​呢​一切​難題​嘅。 請​讀​耶利米書​10:23;羅馬書​9:17

上帝​嘅​統治​就​完全​唔​同​嘞,能够​為​接受​佢​統治​嘅​人​帶​嚟​快樂。(以賽亞書​48:17,18)上帝​好​快​就​會​消滅​世上​嘅​所有​政府。到時,只​有​選擇​接受​上帝​統治​嘅​人​先至​能够​喺​地上​生活。(以賽亞書​11:9請​讀​但以理書​2:44

4. 上帝​有​耐心,令​到​我哋​有​機會​點樣​做?

撒但​聲稱,人​崇拜​上帝​唔​係​因為​愛​上帝,而​係​為咗​自己​嘅​好處。你​想​唔​想​證明​撒但​係​講​大話​呢?如果​你​想,就​一定​能够​做​到。上帝​表現​耐心,令​我哋​有​機會​表明​自己​係​喜歡​上帝​嘅​統治,抑或​係​人​嘅​統治。通過​我哋​選擇​嘅​生活​方式,就​可以​表明​自己​支持​邊​一​方。 請​讀​約伯記​1:8-12;箴言​27:11

5. 我哋​點樣​選擇​就​表明​自己​接受​上帝​嘅​統治?

我哋​喺​生活​上​嘅​選擇,可以​表明​自己​願唔願意​接受​上帝​嘅​統治

我哋​選擇​學習​聖經,按照​聖經​所​講​嘅​噉樣​崇拜​上帝,就​表明​我哋​接受​上帝​嘅​統治。(約翰福音​4:23)我哋​好似​耶穌​噉樣​唔​參與​政治​同​戰爭,就​表明​我哋​拒絶​撒但​嘅​統治。 請​讀​約翰福音​17:14

撒但​用​佢​嘅​能力​引誘​人​做​各​種​壞事,包括​性不道德​同​其他​惡習。如果​我哋​選擇​唔​做​呢啲​事,家人​同​朋友​可能​會​取笑​我哋,反對​我哋。(彼得前書​4:3,4)我哋​會​選擇​點樣​做​呢?會​唔​會​選擇​同​愛​上帝​嘅​人​做​朋友​呢?會​唔​會​謹守​上帝​充滿​智慧​同​愛心​嘅​聖經​原則​呢?撒但​講​過,人​如果​面對​壓力,就​唔​會​聽​上帝​嘅​話。如果​我哋​面對​壓力​仍然​選擇​做​啱​嘅​事,就​可以​證明​撒但​係​錯​嘅。 請​讀​哥林多前書​6:9,10;15:33

上帝​好​愛​我哋,佢​保證​會​消除​罪惡,唔​會​俾​我哋​再​受苦。如果​我哋​相信​上帝,接受​佢​嘅​統治,就​可以​永遠​喺​地上​快樂​噉​生活。 請​讀​約翰福音​3:16