跳到內容

跳到副菜單

跳到目錄

嚟自上帝嘅好消息

 第​9​課

你嘅家庭點樣先至能够快樂呢?

你嘅家庭點樣先至能够快樂呢?

1. 點解​婚姻​要​合法,家庭​先至​會​快樂?

好消息​嚟自​快樂​嘅​上帝​耶和華,佢​希望​每​個​家庭​都​幸福​快樂。(提摩太前書​1:11)耶和華​創立​咗​婚姻。家庭​要​幸福​快樂,合法​嘅​婚姻​係​好​重要​嘅,噉樣​大人​同​小朋友​都​可以​感受​到​愛、有​安全感。所有​願意​服從​上帝​嘅​人​都​應該​尊重​法律,登記​結婚。 請​讀​路加福音​2:1,4,5

上帝​對​婚姻​有​咩​睇法?佢​希望​丈夫​同​妻子​一齊​生活,謹守​一生一世​嘅​婚誓。耶和華​希望​丈夫​對​妻子​忠心,妻子​亦​都​對​丈夫​忠心。(希伯來書​13:4)佢​討厭​人​離婚。(瑪拉基書​2:16)但係,丈夫​同​妻子​當中​如果​有​一​個​通姦,上帝​就​容許​清白​嘅​一​方​離婚,同埋​再婚。 請​讀​馬太福音​19:3-6,9

2. 丈夫​同​妻子​應該​點樣​彼此​相​待?

耶和華​創造​男人​同​女人,等​佢哋​結婚​之後,可以​互​為​補足。(創世記​2:18)上帝​俾​丈夫​做​一​家​之​主,所以​丈夫​應該​負​起​養家​嘅​責任,帶頭​教導​家人​認識​耶和華。丈夫​要​愛​妻子,甚至​願意​為​妻子​作出​犧牲。丈夫​同​妻子​應該​彼此相愛,互相​尊重。人人​都​係​唔​完美​嘅,所以​婚姻​幸福​嘅​秘訣​係,丈夫​同​妻子​都​要​學識​寬恕。 請​讀​以弗所書​4:31,32;5:22-25,33;彼得前書​3:7

3. 婚姻​生活​唔​快樂​嘅​話,應​唔​應該​放棄​呢?

如果​婚姻​出現​難題,夫妻​雙方​都​需要​付出​努力​用​愛心​相​待。(哥林多前書​13:4,5)聖經​唔​鼓勵​夫妻​一​遇​到​婚姻​問題,就​用​分居​呢個​方法​解決。 請​讀​哥林多前書​7:10-13

 4. 做​仔女​嘅,上帝​希望​你​有​點樣​嘅​人生​呢?

耶和華​上帝​希望​你​快樂。佢​俾​最好​嘅​指引​你,使​你​知道​點樣​先至​能够​享受​你​嘅​青春。佢​希望​你​從​父母​嘅​智慧​同​經驗​得益。(歌羅西書​3:20)創造主​耶和華​希望​你​聽從​佢​同​耶穌​嘅​話,從中​體驗​快樂。 請​讀​傳道書​11:9-12:1;馬太福音​19:13-15;21:15,16

5. 做​父母​嘅,你​點樣​做​先至​能够​使​仔女​快樂​呢?

你​要​努力​工作,為​仔女​提供​住​嘅、食​嘅​同​着​嘅。(提摩太前書​5:8)想​仔女​快樂,你​仲​要​教​佢哋​愛​上帝、向​上帝​學習。(以弗所書​6:4)你​愛​上帝,為​仔女​立​下​好​榜樣,就​能够​深深​打動​佢哋​嘅​心。你​按照​聖經​教導​仔女,佢哋​就​能够​養​成​正確​嘅​態度,有​良好​嘅​行為。 請​讀​申命記​6:4-7;箴言​22:6

你​鼓勵​同​稱讚​仔女,可以​使​佢哋​得益。你​亦​需要​管教​同​糾正​仔女,噉​佢哋​就​受​到​保護,唔​會​因為​做​錯​事​而​失去​快樂。(箴言​22:15)不過,管教​嗰時​唔​應該​太​嚴厲​同​苛​刻。 請​讀​歌羅西書​3:21

耶和華見證人​出版​咗​一啲​書,呢啲​書​都​係​根據​聖經,特别​為​父母​同​小朋友​寫​嘅。 請​讀​詩篇​19:7,11