跳到內容

跳到目錄

 第​4​課

耶穌基督係邊個?

耶穌基督係邊個?

1. 耶穌​係​從​邊度​嚟​嘅​呢?

耶穌​有​乜嘢​特質​吸引​人​親近​佢​呢?——馬太福音​11:29;馬可福音​10:13-16

耶穌​同​地上​嘅​人​唔​一樣,佢​係​個​天使,本​來​住​喺​天上,後​來​降世​為​人。(約翰福音​8:23)耶穌​係​上帝​最​先​創造​嘅,只​有​佢​係​上帝​親手​創造,其餘​萬物​都​係​耶穌​按照​上帝​嘅​吩咐​創造​出嚟,所以​聖經​話​耶穌​係​上帝​嘅“獨生子”;耶穌​係​上帝​嘅​首要​代言人,所以​佢​亦​都​稱​為“話語”。(約翰福音​1:14請​讀​箴言​8:22,23,30;歌羅西書​1:15,16

2. 點解​耶穌​要​嚟​到​地上?

上帝​派​耶穌​嚟​到​地上,將​耶穌​嘅​生命​由​天上​轉移​到​猶太​處女​馬利亞​嘅​腹​中,使​佢​降​生​為​人。所以,耶穌​嘅​爸爸​唔​係​地上​嘅​任何​人。(路加福音​1:30-35)耶穌​嚟​到​地上,係​要(1)教​人​認識​上帝​嘅​真理;(2)為​我哋​立​下​榜樣,就算​面對​困難,依然​遵行​上帝​嘅​旨意;(3)獻​出​完美​嘅​生命​作為“贖價”。 請​讀​馬太福音​20:28

3. 點解​我哋​需要​贖價?

贖價​係​為咗​救​人​脱離​死亡​而​付出​嘅​代價。(出埃及記​21:29,30)人​衰老​死亡​唔​係​上帝​原本​嘅​旨意。我哋​點​知​呢?上帝​話​俾​人類​嘅​始祖​亞當​知,如果​佢​犯“罪”,就​會​死。即​係​話,如果​當初​亞當​唔​犯罪,佢​就​唔​會​死。(創世記​2:16,17;5:5)聖經​話​死亡​係​通過​亞當“進入​世間”嘅。因為​亞當​犯​咗​罪,而​罪​嘅​代價​就​係​死亡,亞當​將​罪 同​死​遺傳​俾​佢​所有​後代,所以​我哋​需要​贖價​先​可以​擺脱​死亡。 請​讀​羅馬書​5:12;6:23

邊個​可以​付出​贖價,救​我哋​脱離​死亡​呢?既然​人人​都​係​唔​完美,都​有​罪,所以​一​個​人​死,只​係​為​自己​嘅​罪​付出​代價,而​唔​能够​為​其他​人​嘅​罪​付出​代價。 請​讀​詩篇​49:7-9

4. 點解​耶穌​需要​死?

耶穌​同​人​唔​一樣,佢​係​完美​嘅,從來​冇​犯​過​罪,所以​唔使​為​自己​嘅​罪​而​死。上帝​派​佢​嘅​獨生子​耶穌​嚟​到​地上,係​要​為​我哋​犧牲​生命,噉​表明​上帝​好​愛​我哋。耶穌​聽​天父​嘅​話,甘願​獻​出​生命,為​我哋​嘅​罪​付出​贖價,噉​表明​佢​亦​都​好​愛​我哋。 請​讀​約翰福音​3:16;羅馬書​5:18,19

5. 耶穌​而家​做​緊​乜嘢​呢?

耶穌​喺​地上​嗰時,醫​好​有​病​嘅​人,復活​死​咗​嘅​人,又​幫助​受苦​嘅​人。呢​一切​表明,將來​佢​可以​點樣​造益​所有​服從​上帝​嘅​人。(馬太福音​15:30,31;約翰福音​5:28)耶穌​死​咗​之後,上帝​使​佢​復活,成為​大能​嘅​天使。(彼得前書​3:18)之後,佢​就​坐​喺​上帝​嘅​右邊,等候​上帝​賜​王權​俾​佢,統治​地球。(希伯來書​10:12,13)今日,耶穌​已經​喺​天上​作​王,而​佢​嘅​門徒​就​喺​世界​各​地​傳講​呢個​好消息。 請​讀​但以理書​7:13,14;馬太福音​24:14

好​快,君王​耶穌​就​會​消滅​壞人,唔​會​再​有​苦難​嘞。如果​人​對​耶穌​表現​信心,服從​佢,就​可以​喺​地上​嘅​樂園​裏面​享受​生命。 請​讀​詩篇​37:9-11