跳到內容

跳到副菜單

跳到目錄

嚟自上帝嘅好消息

 第​10​課

點樣認出正確嘅宗教?

點樣認出正確嘅宗教?

1. 正確​嘅​宗教​係咪​只​有​一​個​呢?

“你哋​要​提防​假先知”——馬太福音​7:15

耶穌​只​係​教導​門徒​認識​一​個​宗教,就​係​正確​嘅​宗教。正確​嘅​宗教​帶領​人​走​永生​嘅​道路。耶穌​話,揾​到​呢​條​路​嘅​人​唔​多。(馬太福音​7:14)喺​上帝​眼​中,只​有​按​聖經​崇拜​佢​嘅​嗰個​宗教​先​係​正確​嘅。信奉​正確​宗教​嘅​人​只​有​一​個​信仰,佢哋​係​團結​一致​嘅。 請​讀​約翰福音​4:23,24;14:6;以弗所書​4:4,5

2. 耶穌​話​假基督徒​係​點樣​嘅?

“佢哋​宣稱​認識​上帝,但係​就​喺​行為​上​否認​佢”——提多書​1:16

耶穌​警告,假基督徒​會​腐化​基督教。呢啲​人​聲稱​自己​係​真​基督徒,表面​睇嚟​都​好似​係。不過,我哋​點​先​知道​佢哋​真​定​假​呢?你​可以​從​佢哋​嘅​品格​同​行為​判斷​出嚟。真​基督徒​信奉​正確​嘅​宗教,佢哋​嘅​好​品格​同​好​行為​係​好​容易​睇​得到​嘅。 請​讀​馬太福音​7:13-23

3. 乜嘢​幫助​你​睇​出​邊啲​人​係​真​基督徒?

真​基督徒​嘅​五​個​特徵:

  • 重視​上帝​嘅​話語​聖經 有啲​信徒​重視​嘅​係​人​講​嘅​話。(馬太福音​15:7-9)但係​信奉​正確​宗教​嘅​人​就​會​努力​按​聖經​嘅​原則​去​做,佢哋​唔​會​講​一​套​做​一​套。 請​讀​約翰福音​17:17;提摩太後書​3:16,17

  •   榮耀​上帝​嘅​名 耶穌​努力​向​人​傳講​上帝​嘅​名,使​上帝​嘅​名​得到​榮耀。佢​唔單止​幫助​人​認識​上帝,仲​教​人​禱告​求​上帝​嘅​名​得到​榮耀。(馬太福音​6:9喺​你​住​嘅​地區​附近,邊個​宗教​嘅​人​正​係​噉樣​做​呢? 請​讀​約翰福音​17:26;羅馬書​10:13,14

  • 傳講​上帝​嘅​王國 上帝​派​耶穌​到​地上​傳講​上帝​嘅​王國,使​人​知道​呢個​王國​係​人類​唯一​嘅​希望。耶穌​努力​傳講​呢個​好消息,直到​死​去​嘅​嗰​一​日。(路加福音​4:43;8:1;23:42,43)耶穌​話,佢​嘅​門徒​亦​會​噉樣​做。如果​有​人​向​你​傳講​上帝​嘅​王國,你​覺得​佢​屬於​邊個​宗教​呢? 請​讀​馬太福音​24:14

  • 唔​屬於​呢個​世界 真​基督徒​唔​參與​政治​同​社會​衝突。(約翰福音​17:16;18:36)佢哋​都​唔​會​效法​呢個​世界​唔​好​嘅​行為​同​態度。 請​讀​雅各書​4:4

  • 彼此相愛 真​基督徒​學習​聖經,知道​要​尊重​所有​人,無論​對方​係​邊​一​個​種族​嘅。錯誤​嘅​宗教​經常​大力​支持​國家​民族​之​間​嘅​戰爭,但係​真​基督徒​就​拒絶​噉樣​做。(彌迦書​4:1-3)相反,佢哋​自願​付出​時間、金錢、精力​去​安慰​同​幫助​其他​人。 請​讀​約翰福音​13:34,35;約翰一書​4:20

4. 你​能​唔​能够​認​出​正確​嘅​宗教​呢?

邊個​宗教​完全​按照​聖經​教導​人,使​上帝​嘅​名​得到​榮耀,同埋​向​人​傳講​上帝​嘅​王國​係​人類​唯一​嘅​希望?邊個​團體​嘅​人​彼此相愛、唔​支持​戰爭?你​會​點樣​回答​呢? 請​讀​約翰一書​3:10-12