跳到內容

跳到副菜單

跳到目錄

嚟自上帝嘅好消息

 第​14​課

點解上帝要人組織起嚟崇拜佢?

點解上帝要人組織起嚟崇拜佢?

1. 點解​上帝​將​古代​嘅​以色列人​組織​起嚟?

古代​有​個​人​叫​亞伯拉罕,佢​係​個​族長。上帝​將​亞伯拉罕​嘅​後代​組織​起嚟,成為​一​個​國家,叫​做​以色列國,仲​為​呢個​國家​定​下​一​套​法律。上帝​令​以色列人​有​機會​認識​佢​嘅​話語,知道​點樣​正確​噉​崇拜​佢。所以,以色列國​有​責任​帶頭​尊重​上帝​嘅​話語。(詩篇​147:19,20)上帝​噉樣​做,係​為咗​使​其他​國家​民族​嘅​人​都​可以​因為​以色列國​而​得益。 請​讀​創世記​22:18

上帝​揀選​古代​以色列人​做​佢​嘅​見證人。其他​國家​民族​嘅​人​可以​通過​以色列國​睇​出,服從​上帝​嘅​命令​有​乜嘢​益處。(申命記​4:6)佢哋​睇​到​以色列人​點樣​生活​同​崇拜​上帝,就​可以​認識​上帝。 請​讀​以賽亞書​43:10,12

2. 點解​上帝​將​真​基督徒​組織​起嚟?

後​來,以色列人​冇​珍惜​同​上帝​嘅​友誼,上帝​就​將​真​基督徒​組織​起嚟,成為​會衆,代替​以色列人。(馬太福音​21:43;23:37,38)從此​之後,真​基督徒​就​取代​以色列人​成為​耶和華​嘅​見證人​嘞。 請​讀​使徒行傳​15:14,17

耶穌​將​佢​嘅​門徒​組織​起嚟,吩咐​佢哋​向​所有​國家​民族​嘅​人​傳道,幫助​人​成為​基督徒。(馬太福音​10:7,11;24:14;28:19,20)末日​就​快​到​嘞,傳道​工作​不斷​擴展,去​到​一​個​前所未有​嘅​規模。幾​百萬​嚟自​唔​同​國家​民族​嘅​人​組織​起嚟,同​心​崇拜​耶和華。(啟示錄​7:9,10)佢哋​組織​起嚟,亦​都​係​為咗​互相​鼓勵,互相​幫助。喺​世界​各​地,佢哋​參加​聚會,學習​聖經,受​到​同樣​嘅​教導。 請​讀​希伯來書​10:24,25

 3. 喺​現代,耶和華見證人​呢個​組織​係​點樣​開始​嘅?

喺​19​世紀​70​年代,有​一啲​人​開始​仔細​研讀​聖經,結果​發現​一啲​俾​人​歪曲​或者​忽略​咗​好多​年​嘅​聖經​真理。佢哋​睇​出,耶穌​曾經​將​門徒​組織​起嚟​去​傳道,於是​佢哋​組織​起嚟,開始​一​個​遍​及​全球​嘅​傳道​工作。1931​年,呢個​組織​採用​咗“耶和華見證人”呢個​名稱。 請​讀​使徒行傳​1:8;2:1,4;5:42

4. 耶和華見證人​係​點樣​組織​起嚟​嘅?

喺​1​世紀,各​地​嘅​基督徒​會衆​都​受​一​個​管理​中心​指導,呢個​管理​中心​承認​佢哋​嘅​首領​係​耶穌​基督。各​地​嘅​會衆​都​從​呢個​中心​嘅​管理​得益。(使徒行傳​16:4,5)今日,耶和華見證人​當中​一啲​經驗​豐富​嘅​長老​亦​都​組​成​一​個​管理​中心,叫​做​中央長老團。世界​各​地​嘅​耶和華見證人​都​從​呢個​中央長老團​嘅​管理​得益。中央長老團​直接​管理​世界​各​地​嘅​分部,呢啲​分部​嘅​工作​包括​翻譯、印刷、分發​聖經​書刊(已​翻譯​成​超過​七​百幾​種​語言)。噉樣,世界​各​地​超過​十一萬​群​會衆,就​可以​得到​中央長老團​按照​聖經​所​俾​嘅​指導​同​鼓勵​嘞。每​一​群​會衆​都​有​長老,亦​都​叫​監督。呢啲​基督徒​男子​都​必須​達到​聖經​所​講​嘅​要求。佢哋​懷​住​愛心​照顧“上帝​嘅​羊群”。 請​讀​彼得前書​5:2,3

耶和華見證人​組織​起嚟​傳講​上帝​王國​嘅​好消息,幫助​人​成為​基督徒。佢哋​好似​1​世紀​嘅​基督徒​噉​逐家逐户​傳道,亦​都​幫助​熱愛​真理​嘅​人​學習​聖經。(使徒行傳​20:20)耶和華見證人​唔單止​係​個​組織,亦​都​係​個​大家庭。佢哋​有​仁愛​嘅​父親​耶和華​上帝,有​相親相愛​嘅​弟兄​姊妹。(帖撒羅尼迦後書​1:3)耶和華見證人​組織​起嚟​係​為咗​崇拜​上帝,使​上帝​歡喜,亦​都​係​為咗​幫助​其他​人,所以​呢個​組織​係​世上​最​快樂​嘅​大家庭。 請​讀​詩篇​33:12;使徒行傳​20:35