跳到內容

跳到副菜單

跳到目錄

嚟自上帝嘅好消息

 第​6​課

死去嘅人有乜嘢希望?

死去嘅人有乜嘢希望?

1. 死​去​嘅​人​可唔可以​再​活​過嚟​呢?

當​耶穌​去​到​耶路撒冷​嘅​伯大尼​嗰陣,佢​嘅​朋友​拉撒路​已經​死​咗​四​日​嘞。耶穌​跟住​拉撒路​嘅​姐妹​馬大​同​馬利亞,嚟​到​拉撒路​嘅​墳墓。過​咗​一​陣,群衆​就​聚集​起嚟。你​可唔可以​想像​到​耶穌​復活​拉撒路​嗰陣,馬大​同​馬利亞​係​幾​咁​開心​呢? 請​讀​約翰福音​11:21-24,38-44

馬大​早就​聽​過​同​死​去​嘅​人​有關​嘅​好消息。佢​知道​耶和華​會​復活​死​去​嘅​人,俾​佢哋​喺​地上​再次​活​過嚟。 請​讀​約伯記​14:14,15

2. 人​死​之後​會​點樣​呢?

上帝​同​亞當​講:“你​既然​係​塵土​之​身,就​要​歸回​塵土。”——創世記​3:19

人​係​用​塵土​造​嘅。(創世記​2:7;3:19)我哋​身體​裏面​冇​靈魂​存在。所以​人​死​之後,唔​會​有​不​死​嘅​靈魂​繼續​生存,身體​嘅​所有​部分​都​會​停止​活動,頭腦​亦​唔​能够​繼續​思想。所以​拉撒路​復活​之後,從來​冇​提及​佢​死亡​期間​經歷​過​咩​事,因為​人​死​後​就​再​冇​知覺。 請​讀​詩篇​146:4;傳道書​9:5,6,10

上帝​會​唔​會​喺​人​死​後​用​火​折磨​人​呢?既然​聖經​話​死​咗​嘅​人​係​冇​知​覺​嘅,佢哋​又​點會​受苦​呢?好​明顯,人​死​咗​之後​喺​熊熊烈火​嘅​地獄​入面​受苦,呢個​教義​係​錯​嘅。事實​上,耶和華​非常​憎恨​用​殘忍​嘅​手段​去​折磨​人,地獄永火​呢個​講法​簡直​係​破壞​上帝​嘅​名聲。 請​讀​耶利米書​7:31

 3. 死​去​嘅​人​可唔可以​同​我哋​溝​通​呢?

死​咗​嘅​人,聽​唔​到,亦​講​唔​到。(詩篇​115:17)但係​有啲​邪惡​嘅​天使​會​假扮​死​去​嘅​人,同​人​講​説話。(彼得後書​2:4)耶和華​禁止​我哋​求問​死​去​嘅​人。 請​讀​申命記​18:10,11

4. 邊啲​人​會​再次​活​過嚟?

億萬​死​去​嘅​人​會​喺​地上​再次​活​過嚟,包括​生前​唔​認識​上帝、做​過​壞事​嘅​人。 請​讀​路加福音​23:43;使徒行傳​24:15

呢啲​人​復活​之後,有​機會​學習​真理,認識​上帝;亦​有​機會​對​耶穌​表現​信心,服從​佢。(啟示錄​20:11-13)如果​佢哋​再次​活​過嚟​之後​做​啱​嘅​事,就​可以​喺​地上​永遠​快樂​噉​生活​落去。 請​讀​約翰福音​5:28,29

5. 關於​耶和華,你​從​復活​呢​件​事​睇​出​乜嘢​呢?

耶和華​派​佢​嘅​獨生子​到​地上​為​我哋​而​死,死​去​嘅​人​先​有​希望​再次​活​過嚟。上帝​仁慈​噉​賜​俾​我哋​復活​嘅​希望,呢​件​事​令​我哋​睇​出,佢​好​愛​我哋。當​死​去​嘅​人​復活​嗰時,你​最​想​見​到​邊個​呢? 請​讀​約翰福音​3:16;羅馬書​6:23