跳到內容

跳到副菜單

跳到目錄

嚟自上帝嘅好消息

 第​13​課

宗教最後會點樣?

宗教最後會點樣?

1. 係咪​所有​宗教​都​係​好​嘅​呢?

每​個​宗教​都​有​虔誠​嘅​信徒,上帝​都​留意​到​呢啲​人,而且​好​關心​佢哋。但係,有啲​信徒​就​利用​宗教​去​做​壞事。(哥林多後書​4:3,4;11:13-15)根據​新聞​報道,有啲​信徒​甚至​虐待​兒童、參與​戰爭​同​恐怖​活動,或者​參與​種族​屠殺。呢啲​事​令​到​誠心​相信​上帝​嘅​人​好​失望! 請​讀​馬太福音​24:3-5,11,12

正確​嘅​宗教​使​上帝​得到​榮耀。錯誤​嘅​宗教​就​令​上帝​討厭,因為​佢哋​冇​按​聖經​正確​噉​教導​人,冇​幫助​人​真正​認識​上帝,例如​冇​話​俾​人​知​上帝​係​個​點樣​嘅​神、人​死​後​會​點樣。 請​讀​傳道書​9:5,10;提摩太前書​2:3-5

2. 宗教​最後​會​點樣?

有啲​宗教​嘅​信徒​話​自己​愛​上帝,但係​實際​上​愛​嘅​係​撒但​所​控制​嘅​世界。上帝​唔​鍾意​呢啲​宗教。(雅各書​4:4)聖經​將​所有​錯誤​嘅​宗教​叫​做“大巴比倫”。點解​呢?因為​所有​錯誤​嘅​宗教​都​嚟自​古代​一​座​叫“巴别”嘅​城,呢​座​城​喺​挪亞​日子​嘅​大洪水​之後​建立,後​來​改​叫“巴比倫”。今日,好多​宗教​都​欺騙​人、迫害​人。但係​好​快,喺​人​意想​唔​到​嘅​時候,上帝​就​會​消滅​所有​錯誤​嘅​宗教。呢個​真​係​一​個​好消息! 請​讀​啟示錄​17:1,2,5,16,17;18:8

仲​有​冇​其他​好消息​呢?有。喺​世界​各​地​嘅​錯誤​宗教​當中,有​唔​少​虔誠​嘅​人。上帝​關心​佢哋,教​佢哋​認識​聖經​嘅​真理,使​佢哋​同​心​崇拜​佢。 請​讀​彌迦書​4:2,5

 3. 虔誠​嘅​人​應該​點樣​做?

正確​嘅​宗教​使​人​同心​崇拜​上帝

耶和華​好​關心​熱愛​真理​嘅​人,留意​到​佢哋​好​想​做​啱​嘅​事。上帝​促請​佢哋​快啲​離開​錯誤​嘅​宗教。由於​愛​上帝,佢哋​願意​作出​改變,離開​以前​嘅​宗教,亦​都​唔​再​做​錯​嘅​事,希望​令​上帝​開心。 請​讀​啟示錄​18:4

喺​1​世紀,有啲​虔誠​嘅​人​聽​咗​基督徒​所​傳講​嘅​好消息,就​歡​歡喜​喜​噉​接受。佢哋​按照​上帝​嘅​吩咐​過​一​種​新​生活,唔單止​有​咗​人生​目標​同​希望,亦​都​生活​得​更加​快樂。呢啲​人​接受​好消息​之後,就​將​上帝​睇​得​比​任何​事​都​重要。今日,所有​希望​取悦​上帝​嘅​人​應該​向​佢哋​學習。 請​讀​帖撒羅尼迦前書​1:8,9;2:13

世界​各​地​都​有​崇拜​上帝​嘅​人,佢哋​係​個​大家庭。上帝​請​虔誠​嘅​人​離開​錯誤​嘅​宗教,加入​佢​嘅​大家庭。你​噉樣​做​嘅​話,就​可以​同​上帝​做​朋友,亦​可以​感受​到​呢個​大家庭​嘅​温暖,而且​有​希望​永遠​生活​落去。 請​讀​馬可福音​10:29,30;哥林多後書​6:17,18

4. 上帝​會​點樣​為​地上​嘅​人​帶​嚟​喜樂?

上帝​會​消滅​所有​錯誤​嘅​宗教。呢個​唔​係​個​好消息​咩?到時,人類​唔​會​再​受​到​錯誤​宗教​嘅​欺壓,亦​唔​會​再​因為​錯誤​宗教​而​四分五裂。人人​都​會​同心​崇拜​獨一​嘅​真神​耶和華。 請​讀​啟示錄​18:20,21;21:3,4