跳到內容

跳到副菜單

跳到目錄

嚟自上帝嘅好消息

 第​1​課

好消息係乜嘢?

好消息係乜嘢?

1. 嚟自​上帝​嘅​好消息​係​乜嘢?

上帝​希望​人類​喺​地上​享受​生命。佢​好​愛​人類,所以​創造​咗​地球​同​地上​嘅​一切。好​快,佢​就​會​為​地上​嘅​人​帶​嚟​美好​嘅​生活,唔​會​再​容許​人​受苦。 請​讀​耶利米書​29:11

世上​冇​一​個​政府​可以​消除​暴力、疾病​同​死亡。不過,聖經​嘅​好消息​話,上帝​已經​設立​咗​一​個​政府,呢個​政府​好​快​就​會​取代​世上​嘅​所有​政府。呢個​政府​嘅​人民​會​享有​真正​嘅​和平​同​健康。 請​讀​以賽亞書​25:8;33:24;但以理書​2:44

2. 點解​我哋​而家​就​需要​知道​呢個​好消息?

只​有​當​上帝​消滅​壞人​之後,世上​嘅​苦難​先至​會​終止。(西番雅書​2:3)呢​件​事​會​喺​幾時​發生​呢?聖經​早就​預告,喺​呢​件​事​發生​之前,世上​嘅​壞人​壞事​會​越​來​越​多。今日​世界​嘅​情況​表明,上帝​好​快​就​會​採取​行動。 請​讀​提摩太後書​3:1-5

3. 我哋​應該​點樣​做​呢?

我哋​應該​通過​學習​聖經​嚟​認識​上帝。聖經​就​好似​一​封​信​噉,係​由​一​位​仁愛​嘅​爸爸​寫​俾​仔女​嘅。佢​話​俾​我哋​知,而家​點樣​可以​過​更​好​嘅​生活,將來​點樣​先​可以​喺​地上​永遠​生活​落去。或者​有啲​人​唔​鍾意​你​學習​聖經,但係​學習​聖經​可以​使​你​享有​美好​嘅​未來,所以​千祈​唔​好​錯過​呢個​咁​好​嘅​機會。 請​讀​箴言​29:25;啟示錄​14:6,7