跳到內容

跳到目錄

 第​2​課

上帝係邊個?

上帝係邊個?

1. 點解​我哋​應該​崇拜​上帝​呢?

上帝​係​創造​萬物​嘅​真神。佢​一直​存在,永遠​存在,冇​開始,亦​都​冇​結束。(詩篇​90:2)聖經​嘅​好消息​就​係​嚟自​上帝​嘅。(提摩太前書​1:11)上帝​賜​生命​俾​我哋,所以​我哋​應該​惟獨​崇拜​佢。 請​讀​啟示錄​4:11

2. 上帝​係​個​點樣​嘅​神?

上帝​係​個​靈體,靈體​同​地上​嘅​生​物​唔​一樣,係​我哋​睇​唔​到​嘅,而且​力量​比​我哋​强大。(約翰福音​1:18;4:24) 雖然​我哋​睇​唔​到​上帝,但係​就​可以​通過​佢​所​創造​嘅​萬物​認識​佢,了解​佢​嘅​特質。譬如,我哋​觀察​各​種​各​樣​嘅​生果​同​花朵,就​可以​睇​出,上帝​充滿​愛心​同​智慧;觀察​天上​無數​嘅​星星,我哋​可以​睇​出,佢​大​有​能力。 請​讀​羅馬書​1:20

另外,通過​睇​聖經,我哋​可以​更加​認識​上帝,更加​了解​佢​嘅​特質。例如,我哋​可以​知道​上帝​鍾意​乜嘢、唔​鍾意​乜嘢、點樣​行事、點樣​對待​人。 請​讀​詩篇​103:7-10

3. 上帝​有​冇​名​呢?

係​有​嘅。耶穌​話:“我哋​喺​天上​嘅​父親,願​你​嘅​名​彰顯​為​聖。”(馬太福音​6:9)雖然​上帝​有​好多​唔​同​嘅​頭銜,但係​佢​嘅​名​就​只​有​一​個。呢個​名​喺​唔​同​嘅​語言​裏面,有​唔​同​嘅​譯音,喺​漢語​通常​譯​做“耶和華”,亦​有啲​人​譯​做“雅威”。 請​讀​詩篇​83:18

好多​聖經​譯本​用“主”或者“神”嚟​代替​上帝​嘅​名。不過​喺​聖經​原文​裏面,上帝​嘅​名​就​出現​超過​7000​次。耶穌​教導​人​認識​上帝​嗰陣,好​重視​幫助​人​認識​上帝​嘅​名。 請​讀​約翰福音​17:26

 4. 上帝​關唔關心​我哋​呢?

好似​圖片​呢​位​仁愛​嘅​爸爸​噉,上帝​所​做​嘅​一切,都​係​為咗​我哋 長遠​嘅​益處​着想

有啲​人​見​到​好多​人​受苦,就​覺得​上帝​唔​關心​我哋;有啲​人​仲​話,上帝​用​苦難​嚟​考驗​我哋,但係​呢啲​講法​都​係​錯​嘅。 請​讀​雅各書​1:13

其實​上帝​好​尊重​我哋,佢​賜​俾​我哋​選擇​嘅​自由。我哋​唔​係​應該​好好​珍惜​呢​種​自由,選擇​事奉​上帝​咩?(約書亞記​24:15)但係​好多​人​就​選擇​做​壞事,結果​令​到​其他​人​受苦。上帝​睇​到​呢啲​唔​公平​嘅​事,佢​覺得​好​痛心。 請​讀​創世記​6:5,6

耶和華​上帝​好​關心​我哋,希望​我哋​過​得​幸福​快樂。佢​好​快​就​會​鏟除​壞人​壞事,唔​會​再​俾​人​受苦。而家​佢​容許​人​受苦​一​段​時間,係​有​充分​理由​嘅。第​8​課​會​話​俾​我哋​知​理由​係​乜嘢。 請​讀​彼得後書​2:9;3:7,13

5. 我哋​點樣​先至​可以​親近​上帝?

耶和華​上帝​好​關心​我哋​每​一​個​人,邀請​我哋​通過​禱告​親近​佢。(詩篇​65:2;145:18)上帝​好​樂意​寬恕​人。佢​知道​我哋​付出​努力​做​佢​認為​啱​嘅​事,就算​有時​失敗​咗,佢​都​願意​原諒​我哋。即使​我哋​唔​完美,但係​我哋​都​可以​同​上帝​有​親密​嘅​關係。 請​讀​詩篇​103:12-14;雅各書​4:8

耶和華​上帝​賜​俾​我哋​生命,所以​我哋​最​愛​嘅​應該​係​佢。(馬可福音​12:30)我哋​努力​加深​對​上帝​嘅​認識,同埋​服從​佢,噉​就​表明​自己​愛​上帝,可以​更加​親近​佢。 請​讀​提摩太前書​2:4;約翰一書​5:3