跳到內容

跳到副菜單

跳到目錄

嚟自上帝嘅好消息

 第​7​課

上帝嘅王國係乜嘢?

上帝嘅王國係乜嘢?

1. 上帝​嘅​王國​係​乜嘢?

點解​話​耶穌​係​最​好​嘅​君王​呢?——馬可福音​1:40-42

上帝​嘅​王國​係​指​上帝​喺​天上​設立​嘅​政府,呢個​政府​將​會​取代​世上​嘅​所有​政府,使​上帝​嘅​旨意​喺​天上​同​地上​實現。人人​都​渴望​有​一​個​好​嘅​政府,好​快​上帝​嘅​王國​就​會​滿足​我哋​呢個​需要,到時​人人​都​可以​和睦共處,呢個​真​係​一​個​大​好消息! 請​讀​但以理書​2:44;馬太福音​6:9,10;24:14

王國​係​需要​統治者​嘅。耶和華​任命​佢​嘅​獨生子​耶穌​基督,做​上帝​王國​嘅​君王。 請​讀​啟示錄​11:15

2. 點解​耶穌​係​最好​嘅​君王?

上帝​嘅​兒​子​耶穌​係​最好​嘅​君王,因為​佢​好​仁慈,而且​總​係​做​啱​嘅​事。(約翰福音​1:14)耶穌​將​會​喺​天上​統治​整​個​地球,佢​大​有​能力,可以​幫助​人​過​幸福​嘅​生活。耶穌​復活​之後,返​到​天上,坐​喺​耶和華​嘅​右邊​等候。(希伯來書​10:12,13)最終,上帝​會​賜​權柄​俾​佢,施行​統治。 請​讀​但以理書​7:13,14

3. 邊啲​人​會​同​耶穌​一齊​作​王?

有​一啲​叫​做“聖民”嘅​人​會​同​耶穌​一齊​喺​天上​作​王。(但以理書​7:27)第​一​批​由​耶和華​揀選​嘅​聖民​係​耶穌​喺​地上​嗰陣​嘅​忠心​門徒。直到​而家,上帝​仍然​繼續​揀選​忠心​嘅​人​做​聖民。呢啲​聖民​有男有女,佢哋​同​耶穌​一樣,復活​之後​會​成為​好似​天使​一樣​嘅​個體。 請​讀​約翰福音​14:1-3;哥林多前書​15:42-44

 有​幾多​人​被​揀選​呢?14萬4000​人。耶穌​話​佢哋​係“小群​羊”。(路加福音​12:32)佢哋​會​同​耶穌​一齊​喺​天上​統治​地球。 請​讀​啟示錄​14:1

4. 耶穌​開始​作​王​嗰時​有​乜嘢​事​發生?

上帝​嘅​王國​喺​1914​年​開始​統治。 * 耶穌​作​王​之後,首先​將​撒但​同​佢​手下​嘅​壞​天使​趕​到​地上。所以​撒但​好​嬲,使​地上​充滿​苦難。(啟示錄​12:7-10,12)從​嗰​一​年​開始,世上​嘅​苦難​就​越​來​越​多。世界​各​地​都​有​戰爭、饑荒、瘟疫、地震。呢啲​事​構成​一​個​綜合​嘅​徵象,表明​上帝​嘅​王國​就​快​統治​地球​嘞。 請​讀​路加福音​21:7,10,11,31

5. 上帝​嘅​王國​會​做​啲​乜嘢?

而家,上帝​嘅​王國​使​好消息​傳遍​世界​各​地,結果​好多​唔​同​國家​民族​嘅​人​能够​團結​起嚟。呢啲​人​接受​耶穌​嘅​統治,成為​佢​嘅​子民。將來,上帝​嘅​王國​會​消滅​地上​嘅​壞人​壞事,但​就​會​保護​耶穌​嘅​子民。如果​我哋​想​得到​上帝​王國​帶​嚟​嘅​福分,就​要​聽​耶穌​嘅​話,成為​佢​嘅​子民。 請​讀​啟示錄​7:9,14,16,17

上帝​嘅​王國​會​用​1000​年​時間​實現​上帝​對​人類​原本​嘅​旨意,使​整​個​地球​成為​樂園。最後,耶穌​會​將​呢個​王國​交還​俾​天父。(哥林多前書​15:24-26)你​會​想​將​上帝​王國​嘅​好消息​分享​俾​邊個​呢? 請​讀​詩篇​37:10,11,29

 

^ 6段 想​了解​多​啲​聖經​入面​關於​1914​年​嘅​預言,請​睇《辨明​聖經​的​真理》215-218​頁