跳到內容

跳到副菜單

跳到目錄

上帝嘅王國統治嘞!

 第​1​章

願你嘅王國降臨

願你嘅王國降臨

本​章​概要

探討​耶穌​所​教​嘅​王國​真理

1,2. (甲)耶穌​嘅​三位​使徒​親耳​聽​到​耶和華​講​咗​啲​乜嘢?(乙)佢哋​有​乜嘢​反應​呢?

如果​耶和華​上帝​吩咐​你​做​一​啲​事,你​會​有​乜嘢​反應​呢?無論​上帝​要​你​做​乜嘢,你​都​樂意​照​佢​講​嘅​去​做,係咪​呢?當然​係​啦!

2 公元​32​年​逾越節​結束​冇幾耐,彼得、雅各​同埋​約翰​三位​使徒​就​有​過​噉​嘅​經歷。 (請​讀​馬太福音​17:1-5佢哋​同​主​耶穌​一齊“上​去​高山”。三位​使徒​喺​異象​裏面​睇​到​耶穌​將來​喺​天上​作​王​嘅​輝煌​景象。異象​睇嚟​好​真實,彼得​提​出​要​幫​異象​裏面​嘅​人​搭​帳幕。但​佢​嘅​話​都​未​講​完,就​有​雲​遮住​佢哋。跟住,彼得​同​另外​兩​位​使徒​清晰​噉​聽​到​耶和華​同​佢哋​講​話,呢個​係​幾​咁​難得​嘅​殊榮!世上​冇​幾多​個​人​可以​好似​佢哋​噉,親耳​聽​到​耶和華​嘅​聲音。耶和華​明確​表示​耶穌​係​佢​嘅​仔,然後​吩咐​三位​使徒:“要​聽從​佢”。使徒​就​照住​做​嘞。佢哋​唔單止​自己​聽從​耶穌​嘅​教導,仲​勸​其他​人​都​噉樣​做。(使徒行傳​3:19-23;4:18-20

耶穌​講論​上帝​嘅​王國​比​任何​話題​都​要​多

3. (甲)點解​耶和華​要​我哋​聽從​耶穌?(乙)我哋​會​探討​乜嘢​題目?

3 聖經​將“要​聽從​佢”呢​句​話​記錄​落嚟,係​為咗​令​我哋​得益。(羅馬書​15:4)點解​噉​講​呢?因為​耶穌​係​耶和華​嘅​代言人。耶穌​每​次​教導​人,講​嘅​都​係​天父​想​我哋​知道​嘅​事。(約翰福音​7:16) 耶穌​經常​傳講​上帝​嘅​王國,亦​即​係​彌賽亞​所​領導​嘅​天上​政府(彌賽亞​王國)。喺​呢個​政府​裏面,除咗​君王​耶穌​基督​之外,仲​有​14萬4000​人​同​耶穌​一齊​作​王。既然​耶穌​講論​上帝​嘅​王國​比​任何​話題​都​要​多,我哋​唔​係​好​應該​仔細​探討​下​呢個​重要​嘅​題目​咩?(啟示錄​5:9,10;14:1-3;20:6)等​我哋​嚟​睇​下​耶穌​點解​經常​傳講​上帝​嘅​王國。

“心​所​充滿​嘅,口​就​講​出”

4. 我哋​點樣​睇​得​出​上帝​嘅​王國​喺​耶穌​心目​中​非常​重要?

4 喺​耶穌​心​裏面,上帝​嘅​王國​非常​重要。我哋​點​知​呢?言談​就​好似​一​扇​窗​噉,可以​將​人​内心​嘅​諗法​顯露​出嚟。換 句​話​嚟​講,通過​我哋​嘅​言談,其他​人​可以​睇​出​我哋​心​裏面​重視​嘅​係​乜嘢。耶穌​話:“心​所​充滿​嘅,口​就​講​出。”(馬太福音​12:34) 耶穌​一​有​機會​就​傳講​上帝​嘅​王國。喺​四​福音​原文​裏面,譯​做“王國”或“國”嘅​呢個​詞​出現​咗​百​幾​次,其中​大部分​都​係​耶穌​講​嘅。耶穌​傳道​嘅​主題​就​係​上帝​嘅​王國,佢​話:“我​亦​要​喺​其他​城鎮​傳​上帝​國​嘅​福音,因為​我​正​係​為​呢啲​工作​受​差遣​嚟​嘅。”(路加福音​4:43)耶穌​復活​之後,繼續​向​門徒​講論​上帝​嘅​王國。(使徒行傳​1:3)從​呢​一​點​睇​出,耶穌​好​重視​上帝​嘅​王國。佢​心​裏面​充滿​嘅,一​定​要​講。

5-7. (甲)我哋​點​知道,喺​耶和華​心​裏面​佢​嘅​王國​非常​重要?請​解釋。(乙)我哋​點樣​做,就​表明​自己​重視​上帝​嘅​王國​呢?

5 喺​耶和華​心​裏面,王國​非常​重要。點解​噉​講​呢?耶和華​差​派​佢​嘅​獨生子​耶穌​嚟​到​地上,耶穌​所​講​所​教​嘅,全部​都​嚟自​耶和華。(約翰福音​7:16;12:49,50)福音書​記述​咗​耶穌​嘅​生平​事迹​同埋​傳道​工作,四​位​執筆者​所​寫​嘅,亦​都​出於​耶和華。不妨​諗下,呢個​意味​住​乜嘢​呢?

每​個​人​都​應該​問​下​自己:“喺​我​心​裏面,上帝​嘅​王國​有​幾​重要​呢?”

6 假設​你​正​喺​度​準備​緊​一​本​家庭​相簿,你​想​放​入去​嘅​相​太​多​嘞,相簿​放​唔​落。你​會​點​做​呢?你​一​定​會​精心​挑選,淨係​將​自己​覺得​重要​嘅​相​放​入去。 喺​某​個​意義​上​嚟​講,四福音​就​好似​一​本​相簿,等​我哋​可以​清楚​認識​耶穌。耶和華​冇​啟示​四福音​嘅​執筆者​將​耶穌​喺​地上​嘅​一切​言行​都​寫​落嚟。(約翰福音​20:30;21:25)喺​耶和華​嘅​聖靈​引導​下,四​位​執筆者​只​係​將​重要​嘅​細節​記錄​喺​福音​書​裏面,可以​令​我哋​明白​耶穌​嚟​到​地上​傳道​嘅​目的,亦​都​俾​我哋​知道​耶和華​最​重視​嘅​係​乜嘢。(提摩太後書​3:16,17;彼得後書​1:21)既然​福音​書​記載​嘅,大部分​都​係​耶穌​教導​嘅​王國​真理,噉樣​可以​睇​出​喺​耶和華​心​裏面,佢​嘅​王國​非常​重要。耶和華​係​幾​咁​希望​我哋​全面​認識​佢​嘅​王國​呢!

7 每​個​人​都​應該​問​下​自己:“喺​我​心​裏面,上帝​嘅​王國​有​幾​重要​呢?”如果​我哋​重視​上帝​嘅​王國,就​會​樂意​學習​耶穌​所​教​嘅​王國​真理,努力​了解​下面​問題​嘅​答案:上帝​嘅​王國​點解​非常​重要?王國​嘅​降臨​意味​住​乜嘢?王國​幾時​降臨​呢?

“願​你​嘅​國​降臨”意味​住​乜嘢?

8. 耶穌​喺​模範​禱告​當中,概述​咗​上帝​會​通過​王國​成就​邊啲​重要​嘅​事?

8 喺​模範​禱告​裏面,耶穌​簡潔​有力​噉​概述​咗​上帝​王國​要​成就​嘅​事,等​我哋​明白​呢個​王國​有​幾​咁​重要。耶穌​喺​禱告​裏面​祈求​嘅​七​件​事,頭​三​件​係​同​耶和華​嘅​旨意​有關​嘅:願 人​都​尊​上帝​嘅​名​為​聖;願​上帝​嘅​王國​降臨;願​上帝​嘅​旨意​喺​地上​實現,就​好似​天上​一樣。(請​讀​馬太福音​6:9,10呢​三​件​事​密切​相關。 呢​三​件​事​密切​相關。耶和華​會​通過​彌賽亞​所​統治​嘅​王國​嚟​彰顯​自己​嘅​聖名,同埋​實現​自己​嘅​旨意。

9,10. (甲)上帝​嘅​王國​降臨​意味​住​乜嘢?(乙)你​期待​聖經​嘅​邊個​應許​實現?

9 上帝​嘅​王國​降臨​意味​住​乜嘢?我哋​祈求​上帝​嘅​王國​降臨,就​等於​求​呢個​王國​採取​行動,解決​一切​問題。上帝​嘅​王國​一​到,就​會​鏟除​目前​嘅​邪惡​制度,包括​世上​嘅​所有​政府,而且​全權​接管​大地,帶​嚟​正義​嘅​新世界。(但以理書​2:44;彼得後書​3:13)喺​上帝​王國​嘅​統治​之下,全球​會​變​成​樂園。(路加福音​23:43)凡​係​蒙​上帝​記念​嘅​人,都​會​復活,同​親友​重聚。(約翰福音​5:28,29)服從​上帝​嘅​人​會​恢復​完美,得​享​永生。(啟示錄​21:3-5)最終,地上​嘅​一切​會​同​天上​嘅​完全​配合,徹底​實現​耶和華​上帝​嘅​旨意。你​係咪​好​期待​聖經​嘅​應許​實現​呢?請​記住,你​每​次​祈求​上帝​嘅​王國​降臨,就​等於​喺​度​求​呢啲​應許​實現​嘞。

10 好​明顯,模範​禱告​當中“願​你​嘅​國​降臨”呢​句​話​仲​未​完全​實現。世上​嘅​政府​依然​喺​度​統治​緊,正義​嘅​新世界​仲​未​嚟​到。不過​好消息​係,上帝​嘅​王國​已經​建立​咗​嘞,呢​本​書​第​2​章​會​討論​呢​一​點。噉樣,上帝​嘅​王國​係​幾時​建立​嘅​呢?會​喺​幾時​降臨​呢?等​我哋​嚟​睇​下​耶穌​點​講。

上帝​嘅​王國​係​幾時​建立​嘅​呢?

11. 關於​上帝​王國​幾時​建立,耶穌​嘅​話​表明​乜嘢?

11 耶穌​表明,上帝​嘅​王國​唔​會​喺​公元​1​世紀​建立,呢個​同​當時​門徒​所​期待​嘅​唔​一樣。(使徒行傳​1:6)下面​會​分析​兩​個​比喻,耶穌​講​出​呢​兩​個​比喻​嘅​時間​相隔​唔​到​兩​年。

12. 麥​同​稗​嘅​比喻​點樣​表明,上帝​嘅​王國​唔​會​喺​公元​1​世紀​建立?

12 麥​同​稗​嘅​比喻 (請​讀​馬太福音​13:24-30公元​31​年​春天,耶穌​對​群衆​講​咗​麥​同​稗(《聖經​新世界​譯本》作“毒麥”)嘅​比喻。後嚟,佢​對​門徒​解釋​比喻​嘅​含意。(馬太福音​13:36-43)下面​係​呢個​比喻​嘅​要​點​同​含意:使徒​去世​之後,魔鬼​就​喺​麥(“天國​嘅​人”,即​受膏基督徒)當中​撒​落​稗(假基督徒)。麥​同​稗​會​一齊​成​長,直到​收割​嘅​時候,亦​即​係“世界​嘅​末日”——呢個​制度​嘅​末期。收割​時期​開始​之後,首先​會​將​稗​收集​起嚟,然後​再​將​麥​收入​倉庫​裏面。呢個​比喻​表明,上帝​嘅​王國​唔​會​喺​公元​1​世紀​建立,而​係​喺​成長​時期​結束​之後​先至​會​建立。事情​嘅​發展​顯示,1914​年​莊稼​已經​成熟,收割​時期​開始​嘞。

13. 耶穌​用​乜嘢​比喻​講​明,佢​返翻​天上​之後​唔​會​馬​上​登基​成為​彌賽亞​王國​嘅​君王?

13 金幣​嘅​比喻 (請​讀​路加福音​19:11-13公元​33​年, 耶穌​最後​一​次​去​耶路撒冷,喺​途中​講​咗​金幣​嘅​比喻。聽​耶穌​講​話​嘅​人​當中,有啲​人​以​為​耶穌​一​到​耶路撒冷​就​會​建立​王國。為咗​糾正​呢個​錯誤​嘅​觀點,耶穌​用​比喻​解釋,仲​有​一​段​好​長​嘅​時間​上帝​嘅​王國​先至​會​建立。佢​將​自己​比喻​成​一​個​要​去​遠方“被​封​為​王”嘅“貴族”。 * 耶穌​所​講​嘅“遠方”係​指​天上,意思​係​佢​會​到​天父​嗰度​領受​王權。不過,耶穌​知道​自己​返​到​天上​之後,唔​會​即刻​登基​做​彌賽亞​王國​嘅​君王,而​係​會​坐​喺​上帝​嘅​右邊,直到​指​定​嘅​時候​嚟​到。事實​表明,耶穌​等​咗​千​幾​年。(詩篇​110:1,2;馬太福音​22:43,44;希伯來書​10:12,13

上帝​嘅​王國​會​喺​幾時​降臨​呢?

14. (甲)耶穌​點樣​回答​四​位​使徒​嘅​問題​呢?(乙)關於​耶穌​嘅​臨在​同埋​上帝​嘅​王國,我哋​睇​到​預言​陸續​應驗,可以​明白​啲​乜嘢​呢?

14 耶穌​俾​人​處死​嘅​前​幾​日,四​位​使徒​嚟​問​佢:“你​嘅​來臨​[​臨在]​同​世界​嘅​終局​有​乜​預兆​呢?” *馬太福音​24:3;馬可福音​13:4)為咗​回答​佢哋​嘅​問題,耶穌​講​咗​個​預言。呢個​預言​包含​好多​細節,記載​喺馬太福音​24同 25​章。耶穌​詳細​噉​描述​咗​末期​嗰時​地上​會​有​乜嘢​大​事​發生,呢啲​事​構成​咗​佢​臨在​嘅​綜合​徵象。喺​耶穌​臨在​嘅​開始,上帝​嘅​王國​就 會​建立;到​佢​臨在​嘅​高潮,上帝​嘅​王國​就​會​降臨。有​大量​嘅​證據​顯示,自從​1914​年​以​來,耶穌​預告​嘅​事​正​喺​度​陸續​應驗。 *所以,1914​年​係​耶穌​臨在​嘅​開始,亦​都​係​上帝​王國​建立​嘅​年份。

15,16. “呢​一​代​嘅​人”係​指​邊啲​人​呢?

15 噉​上帝​嘅​王國​會​喺​咩​時候​降臨​呢?耶穌​並​冇​透露​具體​嘅​時間。(馬太福音​24:36)不過,佢​嘅​話​令​我哋​深信,上帝​嘅​王國​好​快​就​會​降臨。耶穌​表明,“呢​一​代​嘅​人”一​定​會​先​睇​到​末世​嘅​徵象​應驗,然後​上帝​嘅​王國​先至​會​降臨。(請​讀​馬太福音​24:32-34“呢​一​代​嘅​人”係​指​邊啲​人​呢?等​我哋​嚟​仔細​睇​下​耶穌​點樣​講。

16 “呢​一​代​嘅​人”耶穌​提​到“呢​一​代​嘅​人”嗰時,諗​到​嘅​係​唔​係​嗰啲​仲​未​歸信​嘅​人​呢?唔​係。當時​聽​耶穌​講​話​嘅​係​邊啲​人​呢?係​幾​位​使徒。佢哋​私底下​嚟​見​耶穌,耶穌​就​講​咗​關於​末世​徵象​嘅​預言。(馬太福音​24:3)之後​冇幾耐,使徒​就​要​受​聖靈​膏立。請​再​留意​經文​嘅​上下文。耶穌​提​到“呢​一​代​嘅​人”之前,話:“你哋​要​從​無花果樹​學​教訓。當​樹枝​呈現​嫩綠​嘅​顔色,長​出​新葉​時,你哋​知道​夏天​快​到​咯。同樣,你哋​睇見​呢​一切​現象​就​知​時候​快​到​咯,就​喺​門口​咯。”既然​係​噉,睇​到​耶穌​預告​嘅​事,而且​明白​其中​嘅​含意,又​知道​耶穌“快​到……就​喺​門口”嘅,會​係​邊啲​人​呢?就​係​耶穌​嘅​受膏​門徒,而​唔​係​嗰啲​仲​未​歸信​嘅​人。所以,耶穌​提​到“呢​一​代​嘅​人”嗰時,諗​到​嘅​係​佢​嘅​受膏​門徒。

17. “一​代​嘅​人”同“呢​一切​事”係​指​乜嘢?

17 “呢​一​代​嘅​人[​仲​未​全​去世​以前,呢​一切​事​都​要​發生。”呢​句​話​會​點樣​實現​呢?要​回答​呢個​問題,我哋​就​需要​明白“一​代​嘅​人”同“呢​一切​事”係​指​乜嘢。喺​聖經​裏面,“一​代​嘅​人”通常​係​指​某​個​時期​唔​同​日子​出生​嘅​人,佢哋​雖然​年紀​唔​一樣,不過​就​有​一​段​時間​同時​存在。“一​代​嘅​人”存在​時間​唔​會​延續​太​耐,一​定​會​結束。(出埃及記​1:6)經文​講​嘅“呢​一切​事”,係​指​耶穌​預告​佢​臨在​期間​所​發生​嘅​一切​事,就​係​從​佢​臨在​嘅​開始(1914​年)到​佢​臨在​嘅​高潮(“大災難”)呢​段​時間​之内​發生​嘅​事。(馬太福音​24:21

18,19. (甲)我哋​應該​點樣​理解​耶穌​所​講​嘅“呢​一​代​嘅​人”呢?(乙)我哋​可以​得​出​乜嘢​結論?

18 噉​我哋​應該​點樣​理解​耶穌​所​講​嘅“呢​一​代​嘅​人”呢?“呢​一​代​嘅​人”包括​兩​群​受膏基督徒。第​一​群​受膏基督徒​睇​到​末世​徵象​喺​1914​年​開始​應驗。第​二​群​受膏基督徒​同​第​一 群​喺​末世​嘅​一​段​時間​同時​存在,係​同​時代​嘅​人。大災難​爆發​嗰時,第​二​群​受膏基督徒​當中​仲​會​有啲​人​喺​地上。呢​兩​群​基督徒​都​屬於“呢​一​代​嘅​人”,佢哋​受膏​之後,有​一​段​時間​同時​喺​地上​生活。 *

19 我哋​可以​得​出​乜嘢​結論​呢?表明​耶穌​臨在​執掌​王權​嘅​徵象,喺​世界​各​地​都​已經​清楚​睇​得​出嚟。“呢​一​代​嘅​人”當中,仲​喺​地上​嘅​受膏基督徒​都​已經​上​咗​年紀。大災難​爆發​嗰時,佢哋​當中​有啲​人​仲​會​喺​地上。所以,我哋​可以​肯定,上帝​嘅​王國​好​快​就​會​降臨,統治​全​地。到時,模範​禱告​裏面“願​你​嘅​國​降臨”呢​句​話​就​會​完全​實現。將來​可以​親眼​睇見​呢​件​事​發生,係​幾​咁​振奮​人心​呢!

20. (甲)呢​本​書​主​要​論述​乜嘢?(乙)下​一​章​會​講​乜嘢?

20 千祈​唔​好​忘記​耶和華​嘅​吩咐。乜嘢​吩咐​呢?就​係​要​聽從​耶穌。耶和華​從​天上​表明​耶穌​係​佢​嘅​仔​之後,就​吩咐​話:“要​聽從​佢”。身​為​真​基督徒,我哋​樂意​按照​耶和華​嘅​指示​去​做。關於​上帝​王國​嘅​真理,耶穌​所​講​所​教​嘅​到底​係​乜嘢,我哋​唔​係​好​想​知道​咩?呢​本​書​主​要​論述​上帝​嘅​王國​已經​成就​同埋​將​要​成就​嘅​事。下​一​章​會​講​下,上帝​嘅​王國​喺​天上​建立​前後​有​乜嘢​事​發生。

^ 13段 耶穌​嘅​比喻​可能​令​在場​嘅​人​諗​起​希律​大帝​嘅​仔​亞基老。希律​大帝​去世​之前​已經​將​亞基老​立為​繼承人,統治​猶太​同​其他​地區。不過,亞基老​接替​父親​做​王​之前,一​定​要​長途跋涉​去​到​羅馬,得到​皇帝​亞古士督(奧古斯都)嘅​認可。

^ 14段 呢​節​經文​裏面,譯​做“來臨​[臨在]”嘅​希臘語詞“帕露西阿”,字面​意思​係“喺​身邊”,亦​即​係“臨在”嘅​意思。呢個​詞​喺《希臘語​經卷》原文​裏面​出現​咗​24​次,通常​指​基督​以​彌賽亞​王國​君王​嘅​身份​臨在。

^ 14段 詳見《辨明​聖經​的​真理》(普通話​版本)第​9​章。

^ 18段 第​一​群​受膏基督徒​睇​見​好似“臨産​陣痛”一樣​嘅​苦難​喺​1914​年​開始。(馬太福音​24:8)呢​群​基督徒​嘅​最後​一​位​去世​之後​先至​受​聖靈​膏立​嘅​基督徒,都​唔​屬於“呢​一​代​嘅​人”。