跳到內容

跳到副菜單

跳到目錄

上帝嘅王國統治嘞!

左圖:上​世紀​30​年代​末, 喺​美國​亞拉巴馬州,一​個​姊妹​正​喺​度​播放​盧述福​嘅​錄音​演講;右圖: 瑞士

 第​一​篇

王國嘅真理——分發靈糧

王國嘅真理——分發靈糧

 你​同​聖經​學生​啱啱​睇完​一​節​經文。 跟住, 你​睇​到​佢​雙眼​好似​發光​噉, 佢​似乎​明白​咗​經文​嘅​意思。 然之後, 佢​慢慢​反應​過​嚟, 問: “你​嘅​意思​係, 聖經​話​我哋​可以​喺​樂園​裏面​永遠​噉​生活​落去, 樂園​就​喺​地球​度?” 你​嘅​傳道​同伴​微笑​咗​一​下, 對​佢​講: “你​啱啱​睇​過​嘅​經文​係咪​噉​講​嘅​呢?” 學​生​好​驚訝​噉​擰​一​擰​頭, 話: “真​係​唔敢​相信, 我​從來​都​冇​聽講​過!” 你​諗​翻​幾​個​星期​之前, 佢​學​到​上帝​嘅​名​係​耶和華​嗰時, 都​係​噉​講​嘅。

你​係咪​都​有​過​噉​嘅​經歷​呢? 好多​基督徒​都​有。 睇​到​學​生​對​聖經​真理​嘅​反應​咁​好, 我哋​好​自然​就​會​諗,可以​確切​噉​認識​真理, 係​一​份​幾​咁​寶貴​嘅​禮物​啊! 不妨​停​落嚟​諗下, 當初​你​係​點樣​收到​呢​份​禮物​嘅。 喺​呢​一​篇​會​講​下​呢個​問題。 過​去​一​百​年​期間, 上帝​王國​嘅​君王​耶穌​基督​一直​積極​噉​教導​上帝​嘅​子民, 幫助​佢哋​認識​真理。 上帝​嘅​子民​逐步​得到​屬靈​嘅​啟迪, 唔​係​已經​清晰​噉​證明​咗​上帝​嘅​王國​係​真實​嘅​咩?

呢部分嘅內容包括……

第3章

耶和華透露佢嘅旨意

建立一個彌賽亞王國係唔係上帝原本嘅旨意呢?耶穌點樣幫助人明白上帝嘅王國?

第4章

耶和華彰顯自己嘅名

上帝嘅王國點樣彰顯上帝嘅名?你點樣做就係尊上帝嘅名“耶和華”為聖?

第5章

君王使人明白王國嘅真理

關於上帝嘅王國,邊啲人會統治呢個王國,邊啲人會成為王國嘅子民,以及忠於上帝嘅王國意味住乜嘢,你讀下呢一章就會有更清晰嘅理解。