本​章​概要

上帝​嘅​子民​忠於​王國,決心​唔​屬於​世界

1,2. (甲)從​古​到​今,乜嘢​聖經​原則​一直​指引​住​耶穌​嘅​門徒?(乙)敵人​想​迫​我哋​點​做?(丙)佢哋​有​冇​成功​呢?請​解釋。

耶穌​企​喺​管​治​猶太人​嘅​最​高​審判​官​彼拉多​面前,講​出​一​個​原則,呢個​原則​一直​指引​住​真正​跟從​佢​嘅​人。耶穌​話:“我​嘅​王國​唔​屬於​呢個​世界。如果​我​嘅​王國​屬於​呢個​世界,我​嘅​臣​下​就​要​戰鬥,等​我​唔​致​於​被​交俾​猶太人。但係,我​嘅​王國​實在​唔​係​源​於​呢個​世界​嘅。”(約翰福音​18:36)後來,彼拉多​處​決​咗​耶穌。不過,反對者​嘅​勝利​係​好​短暫​嘅,因為​耶穌​冇幾耐​就​復活​咗。强大​嘅​羅馬​帝國​企圖​消滅​基督​嘅​門徒,不過,都​係​白費​心機​嘅,因為​基督徒​已經​將​王國​嘅​信息​傳遍​當時​嘅​天下。(歌羅西書​1:23

2 上帝​嘅​王國​喺​1914​年​建立​之後,歷史​上​一啲​最​有​勢力​嘅​軍事​强國​妄​圖​消滅​上帝​嘅​子民,但係​冇​一​個​成功。好多​政府​同​政治​黨派​試​圖​迫​我哋​支持​佢哋,但係​我哋​冇​屈服​而​分裂。今日,上帝​嘅​子民​幾乎​遍布​世界​唔同​嘅​國家。不過,我哋​依然​團結​合​一,組​成​咗​一​個​名副其實​嘅​國際​弟兄​團體,喺​政治​方面​嚴守​中立。我哋​嘅​團結​有力​噉​表明,上帝​嘅​王國​正​喺​度​統治​緊,亦​都​證明​君王​耶穌​基督​一直​指引​我哋,不斷​熬煉​同埋​保護​我哋。等​我哋​懷​住“唔​屬於​世界”嘅​決心,一齊​睇​吓​耶穌​喺​現代​點樣​指引、熬煉​同​保護​我哋,同時​回顧​一下,耶穌​幫​我哋​得到​嘅​一啲​振奮​人心​嘅​勝​訴。(約翰福音​17:14

眼前​重大​嘅​爭論

3,4. (甲)上帝​嘅​王國​誕生​之後​發生​咗​咩​事?(乙)對於​中立​嘅​問題,上帝​嘅​子民​係咪​一​向​都​有​清晰​嘅​了解​呢?請​解釋。

3 上帝​嘅​王國​誕生​之後,天上​跟住​就​爆發​咗​一​場​戰爭,撒但​被​掟​到​地上。(請​讀​啟示錄​12:7-10,12地上​亦 都​爆發​咗​戰爭,呢​場​戰爭​考驗​到​上帝​嘅​子民​保持​中立​嘅​決心,但係​佢哋​下​定​決心​要​跟從​耶穌​嘅​榜樣​唔​屬於​世界。不過​最初,佢哋​唔​係​好​清楚​應該​點樣​做,先至​係​唔​屬於​世界。

4 例如,1904​年​出版​嘅​第​六​卷《千禧年​黎明》 *鼓勵​基督徒​避免​參戰,但係​如果​一​個​基督徒​被​徵召​入​伍,就​應該​盡力​申請​做​一啲​非戰鬥​性​嘅​工作。如果​佢​申請​唔​成功,俾​人​派​去​打仗,都​唔​可以​殺人。英國​嘅​赫伯特·西尼爾​喺​1905​年​受浸,佢​講​起​嗰時​嘅​情況​話:“當時​啲​弟兄​唔​係​好​清楚,一​個​基督徒​當​兵,淨係​做​非戰鬥​性​嘅​工作,究竟​啱​唔啱​呢?”

5. 關於​當​兵​嘅​問題,《守望台》1915​年​9​月​1​日​刊(英語)點樣​解釋?

5 關於​基督徒​當​兵,《守望台》1915​年​9​月​1​日​刊(英語)進一步​解釋​咗​呢個​問題。就《聖經​嘅​研討》提​出​嘅​建議,呢​期《守望台》指​出:“基督徒​當​兵,就算​淨係​做​非戰鬥​性​嘅​工作,噉​唔​算​妥協​咩?呢​一​點​值得​探討。”但係,如果​基督徒​唔​着​軍裝,唔​服​兵​役,就​會​被​槍​斃,佢​應該​點​做​呢?文章​話:“我哋​可以​選擇​向​人​表明​自己​忠於​和平​嘅​君王​耶穌,拒絶​違反​佢​嘅​命令,亦​都​可以​選擇​效​忠​世上​嘅​君主,支持​佢哋,等​人​以為​我哋​離​棄​咗​天上​君王​嘅​教​誨。其實​兩​者​嘅​結果​都​可能​係​死​於​槍​下。噉​我哋​寧​願​選擇​前​者,選擇​為​忠於​天上​嘅​君王​而​死。”雖然​呢​番​話​講​得​好​有力,但​文章​最後​嘅​結論​係:“我哋​只係​提​出​建議,而​唔​係​夾硬​要​人​噉樣​做。”

6. 你​從​赫伯特·西尼爾​嘅​例子​學​到​乜嘢?

6 有啲​弟兄​了解​到​應該​採取​咩​立場,佢哋​決定​點​都​唔​服​兵​役。前面​提過​嘅​赫伯特·西尼爾​話:“我​認為,將​彈藥​喺​船​上​搬​落嚟[非戰鬥​性​嘅​工作]同​上​子彈​冇​咩​分别。”(路加福音​16:10)赫伯特​因為​良心​拒絶​服​兵​役,結果​要​坐​監。佢​同​另外​四​個​弟兄​一齊​韞​咗​喺​英國​嘅​里士滿​監獄,嗰度​一共​有​16​個​依​良心​拒服​兵​役​嘅​人,包括​其他​教​派​嘅​信徒。呢啲​人​後來​被​稱​為“里士滿​十​六​傑”。赫伯特​同​其他​拒絶​服​兵​役​嘅​人​俾​人​秘密​送​到​法國​前線,喺​嗰度​被​判​槍​決。當​佢哋​排​成​一​排​準備​犧牲​嗰陣,行​刑隊​冇​開​槍,軍​方​仲​下令​將​佢哋​嘅​刑罰​減​為​10​年​有​期​徒刑。

“我​睇​出,上帝​嘅​子民​應該​要​同​所有​人​和平​共​處,即使​戰爭​期間​都​唔​例外。”——西​蒙·克拉克(見​第​7​段)

7. 二​戰​爆發​嗰時,上帝​嘅​子民​已經​清楚​了解​到​乜嘢​呢?

 7 第二次世界大戰​爆發​嗰時,耶和華​嘅​子民​已經​清楚​保持​中立​意味​住​乜嘢,同埋​效法​耶穌​嘅​榜樣​就​應該​點樣​做。(馬太福音​26:51-53;約翰福音​17:14-16;彼得前書​2:21)例如,1939​年​11​月​1​日​刊​嘅《守望台》(英語)刊登​咗​一​篇​重要​嘅​文章,題​為《中立》。文章​指​出:“今日,同​耶和華​立約​嘅​子民​必須​遵守​一​項​規定,就係​喺​各​國​嘅​戰爭​當中​嚴守​中立。”西蒙·克拉克​後來​喺​紐約​布魯克林​總部​服務,佢​提​到​呢​篇​文章​話:“我​睇​出,上帝​嘅​子民​應該​要​同​所有​人​和平​共​處,即使​戰爭​期間​都​唔​例外。”呢​篇​文章​真​係​好​合時,幫助​上帝​嘅​子民​做​好​準備,面對​前所未有​嘅​攻擊​嗰陣,都​能够​忠於​上帝​嘅​王國。

反對​嘅“河​水”湧​埋​嚟

8,9. 使徒​約翰​嘅​預言​點樣​應驗?

8 使徒​約翰​預告,上帝​嘅​王國​喺​1914​年​誕生​之後,大龍​魔鬼​撒但​會​從​口​裏​吐​出​水​嚟,好似​洪水​咁​猛, 企圖​消滅​所有​擁護​上帝​王國​嘅​人。 *(請​讀​啟示錄​12:9,15約翰​嘅​預言​點樣​應驗​呢?由​上​世紀​20​年代​開始,反對​好似​浪潮​噉​向​上帝​嘅​子民​湧​埋​嚟。第二次世界大戰​期間,克拉克​弟兄​同​好多​北美洲​嘅​弟兄​一樣,因為​忠於​上帝​嘅​王國​而​坐​監。喺​戰爭​期間,因為​信仰​拒絶​參戰​俾​人​韞​喺​美國​聯邦​監獄​嘅​人​當中,有​超過​三​分​之​二​係​耶和華見證人。

9 無論​上帝​王國​嘅​子民​住​喺​邊個​國家,魔鬼​同埋​佢​啲​爪牙​都​諗​盡​辦法​迫​佢哋​捨棄​忠義。無論​喺​非洲、歐洲​定​係​美國,都​有​弟兄​被​告​上​法庭,或者​俾​人​帶​到​去​假​釋​裁決​委員會。由於​堅決​保持​中立,佢哋​俾​人​捉​去​坐​監、俾​人​打,或者​虐待​到​殘廢。喺​德國,上帝​嘅​子民​唔​肯​嗌“救​星​希特勒​萬​歲”,亦​都​拒絶​參戰,所以​面對​極大​嘅​壓力。喺​納​粹​時代,估計​有​6000​個​耶和華見證人​俾​人​韞​喺​集中​營,超過​1600​個​德裔​同​非德裔​嘅​耶和華見證人​被​虐待​致​死。即使​係​噉,魔鬼​絶對​冇​可能​對​上帝​嘅​子民​造成​永久​嘅​傷害。(馬可福音​8:34,35

“地”將“河​水”吞​咗

10. (甲)“地”象徵​乜嘢?(乙)“地”點樣​幫助​上帝​嘅​子民?

10 使徒​約翰​嘅​預言​透露,“地”會​幫助​上帝​嘅​子民,將​反對​嘅“河​水”吞​咗。“地”象徵​世上​比較​明白​事​理​又​有​權勢​嘅​人​或者​團體。預言​點樣​應驗​呢?二​戰​結束​之後​嘅​幾十​年​期間,好多​時“地”會​採取​行動,保護​忠於​彌賽亞​王國​嘅​人。(請​讀​啟示錄​12:16例如,有啲​好​有​影響​力​嘅​法院​維護​咗​耶和華見證人​嘅​權利,容許​佢哋​唔​服​兵​役,同埋​唔​參加​國家​主​義​有關​嘅​活動。關於​拒絶​服​兵​役,等​我哋​嚟​睇​吓​耶和華​點樣​幫助​佢​嘅​子民,喺​法律​上​得到​嘅​一啲​重大​勝利。(詩篇​68:20

11,12. (甲)西庫雷拉​弟兄​同​斯利門諾斯​弟兄,要​面對​乜嘢​考驗?(乙)結果​點樣?

11 美國 安東尼·西庫雷拉​有​5​個​兄弟​姐妹,父母​係​耶和華見證人。佢​15​歲​受浸,21​歲​嗰陣​向​徵​兵​局​登記​自己​係​神​職​人員。兩​年​之後,即​係​1950​年,佢​申請​將​登記​嘅​身份​改為​依​良心​拒服​兵​役​嘅​人。雖然​美國​聯邦​調查局​嘅​報告​入面​冇​任何​負​面​嘅​資料,但係​司法​部​唔​接受​佢​重新 登記​嘅​身份。經過​一連串​訴訟​之後,美國​最​高​法院​受​理​咗​西庫雷拉​弟兄​嘅​案​件,而且​推​翻​下​級​法院​嘅​裁決,判​西庫雷拉​弟兄​勝​訴。呢​項​裁決​成​咗​先例,使​美國​其他​公民​可以​依​良心​拒服​兵​役。

12 希臘 1983​年,雅科沃斯·斯利門諾斯​因為​拒絶​着​軍裝,被​判​違抗​命令​而​坐​監。佢​獲​釋​後,申請​會計​師​證​嘅​時候​俾​人​拒絶,理由​係​佢​有​案底。佢​向​希臘​法院​申訴,但係​一直​敗訴,於是​佢​上​訴​到​歐洲​人權​法院。2000​年,由​17​位​法官​組​成​嘅​歐洲​人權​法院​大​法庭​裁​定​雅科沃斯​勝​訴,呢​單​案​成​咗​反歧​視​案​嘅​先例。之前,希臘​有​超過​3500​個​弟兄​因為​保持​中立​而​坐​過​監,留​有​案底。裁決​作出​之後,希臘​通過​一​條​法令,撤銷​咗​對​呢啲​弟兄​嘅​刑​事​起​訴。另外,裁決​作出​前​幾​年​已經​通過​一​條​法令,就係​批准​所有​希臘​公民​可以​選擇​做​社會​服務​代替​服​兵​役。後來​希臘​修改​憲法,使​呢​條​法令​再次​得到​確​立。

“我​行​入去​法庭​之前,向​耶和華​熱切​噉​禱告,即刻​就​感受​到​佢​所​賜​嘅​平靜。”——伊瓦伊洛·斯蒂芬諾(見​第​13​段)

13,14. 你​從​斯蒂芬諾​同​巴亞特揚​嘅​案​件​學​到​乜嘢?

13 保加利亞 1994​年,19​歲​嘅​伊瓦伊洛·斯蒂芬諾​被​徵召​入​伍。佢​拒絶​參軍,亦​拒絶​從事​軍隊​入面​嘅​非戰鬥​性​工作,結果​被​判​入​獄​18​個​月。佢​向​法院​上​訴,理由​係​自己​有​權​依​良心​拒服​兵​役。結果,歐洲​人權​法院​受​理​咗​呢​單​案。2001​年,歐洲​人權​法院​開​庭​之前,保​加​利亞​政府​向​伊瓦伊洛·斯蒂芬諾​提​出​和​解。政府​撤銷​對​伊瓦伊洛·斯蒂芬諾​嘅​指控,仲​容許​所有​保加利亞​公民,選擇​做​社會​服務​代替​服​兵​役。 *

14 亞美尼亞 2001​年,瓦漢·巴亞特揚​到​咗​服​兵​役​嘅​法​定​年齡。[4]佢​依​良心​拒服​兵​役,結果​被​判​入​獄​兩​年​半。佢​向​亞美尼亞法院​上​訴,但係​次​次​都​失敗。2002​年​9​月,佢​開始​喺​監獄​服刑,不過​10​個​半​月​之後​就​獲​釋。喺​服刑​期間,佢​向​歐洲​人權​法院​上​訴,法院​受​理​咗​呢​單​案。但係,喺​2009​年​10​月​27​日,法院​判​佢​敗訴。睇嚟​呢​項​裁決​對​國​内​面對​同樣​情況​嘅​弟兄,係​一​個​沉重​嘅​打擊。不過,歐洲​人權​法院​大​法庭​重​審​呢​單​案。2011​年​7​月​7​日,大​法庭​判​瓦漢·巴亞特揚​勝​訴。呢​次​係​歐洲​人權 法院​首次​承認,基​於​宗教​理由​依​良心​拒服​兵​役​嘅​人​享有​思想、良心​同​宗教​嘅​自由,呢​種​權利​應該​受​到​保障。呢​項​裁決​唔單止​維護​咗​耶和華見證人​嘅​權利,亦​都​維護​咗​歐洲​委員會​成員​國​數​以​億萬​計​人民​嘅​人權。 *

喺​歐洲​人權​法院​嘅​有​利裁決​之下,亞美尼亞​嘅​弟兄​從​監獄​獲得​釋放

同​國家​主​義​有關​嘅​儀式

15. 點解​耶和華​嘅​子民​唔​參加​任何​同​國家​主​義​有關​嘅​儀式​呢?

15 耶和華​嘅​子民​忠於​彌賽亞​王國,所以​拒絶​服​兵​役,亦​都​會​用​尊重​嘅​態度​向​人​表明,我哋​唔​參加​任何​同​國家​主​義​有關​嘅​儀式。二​戰​爆發​之後,國家​主​義​嘅​浪潮​席捲​全球。好多​國家​都​要求​人民​宣​誓、唱​國​歌、向​國​旗​敬​禮,表示​效​忠祖​國。無論​如何,我哋​都​要​專一​愛​戴​耶和華。(出埃及記​20:4,5)結果,迫害​好似​洪水​噉​向​我哋 湧​埋​嚟。但係,耶和華​再次​用“地”將​一啲​反對​嘅“河​水”吞​咗。請​睇​吓​耶和華​通過​耶穌​幫助​我哋​喺​法律​上​得到​嘅​幾​場​重大​勝利。(詩篇​3:8

16,17. (甲)莉蓮​同​威廉​面對​乜嘢​難題?(乙)你​從​佢哋​嘅​例子​學​到​乜嘢?

16 美國 1940​年,關於​邁納斯維爾​學​區​訴​戈比蒂斯案,美國​最​高​法院​作出​裁決,以​8​票​對​1​票​判​耶和華見證人​敗訴。12​歲​嘅​莉蓮·戈比塔斯 *同​10​歲​嘅​弟弟​威廉​為咗​忠於​耶和華​上帝,唔​肯​向​國​旗​敬​禮​或者​宣​誓​效​忠祖​國,結果​俾​學校​開除。呢​單​案​件​上​訴​到​美國​最​高​法院,法院​認​定​學校​嘅​做法​符合​憲法,有​助​於“國家​統​一”。呢​項​裁決​引​發​一​場​迫害​嘅​大​風暴。耶和華見證人​兒童​接二連三​噉​俾​學校​開除,好多​耶和華見證人​都​俾​老闆​炒​咗,有啲​仲​俾​暴​民​襲擊。《國家​之​榮》(英語)一​書​指​出:“由​1941​年​到​1943​年,耶和華見證人​喺​美國​受​到​嘅​迫害,係​20​世紀​以來​最​猛烈​嘅​宗教​迫害。”

17 上帝​嘅​仇敵​得到​嘅​勝利​只係​好​短暫​嘅。1943​年,最​高​法院​受​理​咗​另​一​單​同​戈比蒂斯案​類似​嘅​案​件,就係​西弗吉尼亞​州​教育局​訴​巴尼特案。呢​次​最​高​法院​判​耶和華見證人​勝​訴。喺​美國​嘅​歷史​上,最​高​法院​首次​喺​咁​短​時間​内​改變​態度。呢​項​裁決​作出​之後,美國​公開​迫害​耶和華見證人​嘅​行為​明顯​減少。而且​美國​所有​公民​嘅​人權,都​進一步​得到​保障。

18,19. (甲)點解​巴勃羅·巴羅斯​能够​緊守​忠義​呢?(乙)事奉​耶和華​嘅​人​可以​點樣​效法​佢​嘅​榜樣?

18 阿根廷 1976​年,8​歲​嘅​巴勃羅·巴羅斯​同​7​歲​嘅​胡戈·巴羅斯​唔​肯​參加​升​旗​儀式,俾​學校​開除。開除​之前,女​校​長​大力​噉​推​巴勃羅,又​打​佢​個​頭,仲​罰​巴勃羅​同埋​胡戈​放​學​之後​留​堂​一​個​鐘,想​迫​佢哋​兩​兄弟​參加​升​旗​儀式。巴勃羅​諗​翻​起​嗰​次​經歷,話:“如果​唔​係​耶和華​幫​我,喺​咁​大​壓力​下,我​根本​冇​可能​緊守​忠義。”

19 喺​法庭​上,法官​支持​校​方​開除​巴勃羅​同​胡戈。案​件​上​訴​到​阿根廷​最​高​法院。1979​年,最​高​法院​推​翻​下​級​法院​嘅​裁決,指​出:“根據​憲法,人民​有​學習​權(第​14​條),國家​有​責任​向​人民​提供​小​學​程度​嘅​教育(第​5​條)。校​方​施行​嘅​懲罰[開除​學​籍]同​憲法​有​抵觸。”呢​次​勝​訴​令​大約​1000​個​耶和華見證人​兒童​受​益。學校​唔​再​開除 耶和華見證人​兒童,有啲​就​恢復​學​籍,好似​巴勃羅​同​胡戈​噉,可以​返翻​學校。

好多​年輕​嘅​耶和華見證人​喺​考驗​之下​保持​忠貞

20,21. 羅埃爾​同​愛米莉​嘅​案​件​點樣​强化​你​嘅​信心?

20 菲律賓 1990​年,9​歲​嘅​羅埃爾·恩布拉倫格 *同​10​歲​嘅​姐姐​愛米莉,仲​有​超過​65​個​耶和華見證人​兒童,因為​唔​肯​向​國​旗​敬​禮​而​俾​學校​開除。佢哋​嘅​爸爸​萊昂納多​嘗試​同​校​方​解釋,不過​冇​用。情況​越來越​差,於是​萊昂納多​向​最​高​法院​上​訴。但係,萊昂納多​冇​錢​請​律師,成​家人​就​向​耶和華​熱切​禱告,尋求​佢​嘅​指引。喺​嗰​段​日子,兩​個​細路​一直​俾​人​嘲​笑。萊昂納多​冇​咩​法律​知識,所以​佢​覺得​係​冇​可能​打​贏​呢​場​官司​嘅。

21 後來,事情​有​轉機,費利諾·加納爾​願意​代表​呢​家人​出​庭,佢​曾經​喺​國​内​數一數二​嘅​律師​事務​所​做​律 師。接​呢​單​案​件​嗰時,加​納​爾​已經​成為​耶和華見證人,亦​都​冇​喺​以前​間​律師​事務​所​度​做。最​高​法院​嘅​法官​一致​裁​定​耶和華見證人​勝​訴,宣布​學校​下​達​嘅​退​學​令​無​效。再​一​次,嗰啲​試​圖​迫​上帝​子民​捨棄​忠義​嘅​人​又​失敗​喇。

因​中立​而​團結

22,23. (甲)點解​我哋​能够​打​贏​咁​多​場​重要​嘅​官司​呢?(乙)我哋​嘅​國際​弟兄​團體​可以​團結​和諧,證明​咗​乜嘢?

22 點解​耶和華​嘅​子民​能够​贏​到​咁​多​場​重要​嘅​官司​呢?我哋​一​嚟​冇​政治​嘅​影響​力,二​嚟​又​要​面對​勢力​强大​嘅​反對者​發​動​嘅​猛烈​攻擊,不過​喺​一​個​又​一​個​國家,一​個​又​一​個​法庭,都​有​正義​感​嘅​法官​挺​身​保護​我哋,佢哋​作出​嘅​裁決​成為​憲法​嘅​先例。毫無​疑問,基督​一直​做​我哋​嘅​後盾,幫助​我哋​獲得​勝利。(請​讀​啟示錄​6:2點解​我哋​要​打​呢啲​官司​呢?我哋​唔​係​為咗​司法​改​革,而係​為咗​可以​唔​受​阻礙,繼續​為​君王​耶穌​基督​服務。(使徒行傳​4:29

23 政治​鬥爭​搞​到​成​個​世界​都​四分五裂,根​深​蒂固​嘅​仇恨​扭曲​咗​成​個​人類​社會。但係,君王​耶穌​基督​一直​賜​福​俾​我哋,幫助​我哋​嚴守​中立。雖然​撒但​千方百計​要​分裂​我哋,使​我哋​屈服,但係​就​一​敗​塗​地。上帝​嘅​王國​已經​將​幾百萬​愛好​和平​嘅​人​召集​起嚟,佢哋​都“唔​再​學習​戰​事”。世上​竟然​有​一​個​咁​團結​和諧​嘅​國際​弟兄​團體,真​係​一​個​奇迹,呢個​確實​證明​上帝​嘅​王國​統治​嘞!(以賽亞書​2:4

^ 4段 呢​卷​又​稱​為《新​嘅​受造物》。《千禧年​黎明》後來​稱​為《聖經​嘅​研討》。

^ 8段 關於​呢個​預言,詳見《啟示錄​偉大​的​高潮​近​了!》第​27​章​184-186​頁

^ 13段 根據​和​解​協議,保加利亞​政府​一定​要​容許​所有​依​良心​拒服​兵​役​嘅​人,喺​民​事​管理​部​門​服​替代​役。

^ 14段 《守望台》2012​年​11​月​1​日​刊​29-31​頁詳細​報道​咗​呢​件​事。

^ 16段 亞美尼亞​政府​喺​20​年​期間,囚禁​咗​超過​450​個​年輕​嘅​耶和華見證人。2013​年​11​月,最後​一​批​被​囚禁​嘅​見證人​獲得​釋放。

^ 20段 庭​審​記錄​裏面,當事人​嘅​姓氏​寫​錯​咗。

庭​審​記錄​裏面,當事人​嘅​姓氏​俾​人​寫成“埃布拉倫格”。