跳到內容

跳到副菜單

跳到目錄

上帝嘅王國統治嘞!

左圖:1945​年,喺​荷蘭​艾恩德霍芬市,一​個​弟兄​因為​傳道​被​捕;右圖:喺​你​所​住​嘅​地區,傳道​嘅​權利​有​冇​受​法律​保障​呢?

 第​四​篇

王國嘅勝利——通過法律途徑確立好消息嘅工作

王國嘅勝利——通過法律途徑確立好消息嘅工作

 你​正​喺​度​逐家逐户​傳道,突然​間​聽到​有​警車​聲,聲音​越​嚟​越​大。你​啱啱​開​口​同​住户​講話,你​嘅​同伴​就​睇見​一​架​警車​停低​咗,有​個​警察​落​車​行​過嚟​問:“逐家逐户​同​人​講​聖經​嘅,就係​你哋​兩​個​啊?我哋​接​到​好多​投訴​喎!”你​好​有​禮貌​噉​回答​佢,仲​表明​自己​係​耶和華見證人。接​落嚟​會​有​咩​事發​生​呢?

結果​會​點樣,往往​同​過去​發生​嘅​事​有​好​大​關​係。一直​以來,你​住​嘅​地方,當地​嘅​政府​點樣​對待​耶和華見證人​呢?你哋​有​冇​宗教​自由​呢?有​嘅​話,好​可能​係​因為​過去​幾十​年​來,你​嘅​屬靈​弟兄​姊妹​努力“為​好消息​辯護,通過​法律​途徑​確​立​好消息​嘅​工作”。(腓立比書​1:7)無論​你​生活​喺​邊度,沉思​耶和華見證人​喺​法律​上​一​次​又​一​次​獲得​嘅​勝​訴,你​嘅​信心​都​會​大​受​强化。呢​一​篇​會​睇​吓​其中​一啲​獲得​勝​訴​嘅​案​件。連​場​勝​訴​充分​證明​上帝​嘅​王國​係​真實​嘅,因為​單憑​我哋​自己​嘅​能力,根本​冇​可能​做​得到。

呢部分嘅內容包括……

第13章

王國傳道員提出訴訟

現代有啲高等法院嘅法官同古代律法導師迦瑪列有同樣嘅睇法。

第14章

一心擁護上帝嘅政府

耶和華見證人因為喺政治方面保持中立受到迫害,但係迫害佢哋嘅“河水”,以意想唔到嘅方式被吞咗。

第15章

爭取崇拜自由

上帝嘅子民爭取法律上嘅權利,為咗服從上帝王國嘅律法。