跳到內容

跳到副菜單

跳到目錄

上帝嘅王國統治嘞!

左圖:1931​年,一​位​姊妹(派書者)喺​韓國​傳道; 右圖:今日,傳道員​喺​韓國​用​手語​宣揚​好消息

 第​二​篇

宣揚王國——喺全球傳播好消息

宣揚王國——喺全球傳播好消息

 今日​你​唔使​返工,朝早​起身,諗​住​去​傳道,但係​覺得​有啲​攰,噉​去​唔​去​好​呢?如果​可以​休息​半​日​就​好​嘞!你​向​上帝​禱告,之後​仲係​決定​去。你​嘅​傳道​同伴​係​一​位​忠心​嘅​年長​姊妹,佢​堅忍不拔、和藹​仁慈​嘅​態度​打動​咗​你​嘅​心。你哋​逐家逐户​傳講​王國​真理​嗰時,你​諗​到​全球​嘅​弟兄​姊妹​都​喺​度​宣揚​同​一​個​信息,分發​一樣​嘅​書刊,接受​同樣​嘅​培訓​而​得到​益處。返​到​屋企,你​精神​百​倍,真​係​慶幸​自己​冇​留​喺​屋企!

今日,上帝​嘅​王國​委派​俾​基督徒​嘅​首要​任務​就​係​傳道。耶穌​預告​喺​最後​嘅​日子,傳道​工作​會​不斷​擴展,規模​之​大​令​人​驚奇。(馬太福音​24:14)呢個​預言​點樣​應驗​呢?傳道​工作​可以​令​千百萬​人​睇​出,上帝​嘅​王國​係​真實​嘅。呢​篇​會​講​吓​傳道​嘅​人、傳道​嘅​方法​同埋​傳道​嘅​工具。要​完成​傳道​任務,呢​三​樣​都​係​非常​重要​嘅。

呢部分嘅內容包括……

第6章

傳道嘅人——甘心獻出自己

點解耶穌深信喺最後嘅日子,一定會有一群人甘心為上帝嘅王國效勞?你點樣做,就表明自己先追求上帝嘅王國?

第7章

傳道嘅方法——盡一切可能將好消息傳俾人

嚟睇下上帝嘅子民點樣勇於創新,利用唔同嘅科技,喺末日嚟到之前盡力將王國嘅好消息傳俾更多嘅人。

第8章

傳道嘅工具——為萬國萬族出版嘅書刊

乜嘢表明君王耶穌支持我哋嘅翻譯工作呢?關於我哋嘅出版物,乜嘢事令你看出上帝嘅王國係真實嘅?

第9章

傳道嘅成果——“農作物已經成熟,可以收割咯!”

關於屬靈嘅收割工作,耶穌教門徒兩個重要嘅道理。呢啲道理同我哋有乜嘢關係呢?