跳到內容

跳到目錄

中央長老團嘅信

中央長老團嘅信

親愛​嘅​王國​傳道員:

請​想​像​一​下,喺​1914​年​10​月​2​日​星期五​早上,你​同​布魯克林​伯特利​家庭​嘅​其他​成員​一齊​聚集​喺​餐廳,坐​喺​自己​嘅​座位​度​等​羅素​弟兄。冇幾耐,餐廳​嘅​門​開​咗,羅素​弟兄​行​入​嚟。佢​好似​平時​噉​停低​腳步,笑​住​同​大家​打招呼​話:“咁多位,早晨!”不過,有啲​唔​同​嘅​係,佢​冇​即刻​行​到​自己​嘅​主席位,而​係​拍​咗​幾​下​手,發表​咗​一​個​令​人​振奮​嘅​宣布:“外邦人​嘅​日期​已經​結束;外邦​列王​嘅​日子​已經​滿​咗​喇!”真​係​好​開心​啊,因為​呢​一​日​你​已經​等​咗​好​耐​嘞!現場​嘅​每​一​位​伯特利​成員​都​好​興奮,熱烈​噉​鼓掌,掌聲​不絶於耳。

 羅素​弟兄​作出​呢個​激動​人心​嘅​宣布,到​而家​已經​一百​年​嘞。自從​宣布​之後,上帝​嘅​王國​取得​嘅​成就,係​幾​咁​輝煌​啊!耶和華​通過​呢個​王國​逐步​煉淨​同埋​培訓​佢​嘅​子民。1914​年,上帝​嘅​子民​只​有​區區​幾千​人,今日​已經​超過​800萬​嘞。你​從​上帝​王國​提供​嘅​各​種​培訓​得到​咗​乜嘢​益處​呢?

今日,我哋​經常​聽​到​弟兄​話:“耶和華​嘅​天上​戰車​正​喺​度​前進​緊!”呢​句​話​講​得​冇錯。其實,自從​1914​年​以​來,象徵​耶和華​天上​組織​嘅​戰車​一直​都​喺​度​飛速​前進。我哋​仔細​閲讀​呢​本​書,就​可以​睇​出​呢​一​點​嘞。王國​傳道員​用​咗​好多​創新​嘅​方法​將​王國​嘅​好消息​傳遍​全​地,例如​報章、宣傳​遊行、幻燈片、見證卡、留聲機、廣播​甚至​互聯網。

由於​耶和華​賜​福,我哋​而家​能够​以​超過​670​種​語言​嚟​出版​吸引​人​嘅​聖經​書刊,而且​免費​分發。 無論​喺​富裕​嘅​國家,定​係​喺​資源​有限​嘅​地區,都​有​志願人員​作出​犧牲,參與​王國聚會所、大會堂、分部​設施​嘅​建築​工程。當​有​災難​發生​嘅​時候,充滿​愛心​嘅​弟兄​姊妹​就​會​即刻​救助​受災​嘅​信徒,佢哋​的確​為​弟兄“分擔​憂患”。(箴言​17:17

有​時候,教士​同​其他​人​反對​我哋,“以​律法……謀害”我哋。不過,事實​一​次​又​一​次​噉​表明,反對者​嘅​錯誤​舉動“反而​幫助​福音​嘅​進展”。呢​一​點,大大​增强​咗​我哋​嘅​信心。(詩篇​94:20,21;腓立比書​1:12

你哋​係​主人​嘅“僕人”,我哋​好​榮幸​可以​同​你哋​一齊​共事。我哋​好​愛​你哋​每​一​個​人。我哋​祈求​上帝,希望​呢​本​書​幫助​你哋​更加​珍視​自己​嘅​屬靈​産業。(馬太福音​24:45

祝​安好!

你哋​嘅​弟兄

耶和華見證人​中央長老團