马太福音 26:1-75
26 耶稣 讲完 呢啲 说话 ，又 同 门徒 讲 ：
2 “你哋 都 知道 过 多 两 日 就系 逾越节 嘞 ，到时 啲 人 会 将 人子 交 出嚟 ，喺 木柱 上面 处决 佢 。”
3 嗰个 时候 ，祭司长 同 喺 人民 当中 做 长老 嘅 ，聚集 喺 大祭司 该亚法 屋企 中间 嘅 庭院 。
4 佢哋 商量 用 诡计 拘捕 耶稣 ，同埋 杀死 佢 。
5 不过 佢哋 话 ：“唔好 喺 人民 守 节期 嘅 时候 落手 ，费事 引起 骚乱 。”
6 耶稣 喺 伯大尼 ，喺 麻风 病人 西门 屋企 嘅 时候 ，
7 有 个 女人 带 住 用 雪花石 造 嘅 容器 嚟 揾 耶稣 ，里面 装 住 好 贵 嘅 馨香油 。耶稣 食 紧 饭 *嗰阵 ，呢个 女人 将 啲 油 倒 喺 耶稣 嘅 头 上面 。
8 啲 门徒 见 到 ，就 好 嬲 噉 话 ：“做 乜 咁 嘥 呀 ？
9 如果 卖 咗 啲 油 ，就 可以 有 好 多 钱 分 俾 穷人 啦 。”
10 耶稣 知道 咗 ，就 同 佢哋 讲 ：“点解 要 难为 呢 个 女人 呢 ？佢 对 我 做 嘅 系 一 件 美好 嘅 事 。
11 你哋 身边 几时 都 有 穷人 ，但系 我 就 唔会 一直 喺 你哋 身边 。
12 佢 倒 馨香油 喺 我 身上 ，系 为咗 安葬 我 而 做 好 准备 。
13 我 可以 好 肯定 噉 话俾 你哋 知 ，无论 好消息 传到 世界 边个 地方 ，都 会 有 人 讲 起 呢个 女人 做 嘅 呢 件 事 嚟 纪念 佢 。”
14 喺 十二 使徒 当中 有 一 个 被 称为 加略 人 犹大 。后嚟 ，佢 去 见 嗰啲 祭司长 ，
15 佢 话 ：“我 将 佢 交 俾 你哋 *，你哋 会 俾 啲 咩 嘢 我 先 ？”佢哋 倾 好 会 俾 30块 银币 佢 。
16 由 嗰阵 开始 ，犹大 就 一路 揾 机会 出卖 耶稣 。
17 无酵节 嘅 第 一 日 ，门徒 嚟 问 耶稣 ：“你 想 我哋 喺 边度 准备 逾越节 嘅 晚餐 呢 ？”
18 耶稣 话 ：“你哋 入 城 揾 阿 边个 边个 ，同 佢 讲 ：‘老师 话 ：“我 嘅 时候 就 快 到 嘞 ，我 会 喺 你 屋企 同 门徒 过 逾越节 。”’”
19 门徒 就 跟住 耶稣 嘅 吩咐 去 做 ，准备 好 逾越节 嘅 晚餐 。
20 到 咗 夜晚 ，耶稣 同 12个 门徒 一齐 食饭 *。
21 食 紧 嘅 时候 ，耶稣 话 ：“我 可以 好 肯定 噉 话俾 你哋 知 ，你哋 当中 有 一 个 人 会 出卖 我 。”
22 门徒 就 好 唔 开心 ，佢哋 逐个 逐个 问 耶稣 ：“主 啊 ，唔系 我 吖 嘛 ？”
23 耶稣 就 话 ：“同 我 喺 同 一个 碗 度 攞 嘢食 嘅 人 ，就系 出卖 我 嘅 人 。
24 冇 错 ，人子 系 会 离开 你哋 嘅 ，圣经 都 系 噉样 讲 ，但系 出卖 人子 嘅 有 祸 嘞 ！嗰个 人 从来 冇 出世 仲 好 。”
25 打算 出卖 耶稣 嘅 犹大 就 话 ：“老师 *，唔系 我 吖 嘛 ？”耶稣 话 ：“你 心知肚明 啦 *。”
26 佢哋 仲 食 紧 嘢 嘅 时候 ，耶稣 拎 起 一 块 饼 ，祷告 之后 就 将 饼 分开 ，递 俾 门徒 ，佢 话 ：“你哋 攞 去 食 吖 。呢个 系 象征 我 嘅 身体 。”
27 耶稣 拎 起 只 杯 ，祷告 感谢 之后 ，递 俾 佢哋 话 ：“你哋 全部 都 要 饮 呢 杯 酒 。
28 呢个 象征 我 嘅 血 ，系 ‘立约 之 血 ’，为 好 多 人 流出 嚟 ，令 佢哋 嘅 罪 得到 宽恕 。
29 不过 我 话俾 你哋 知 ，将来 我 会 同 你哋 喺 我 爸爸 嘅 王国 里面 饮 新酒 ，喺 嗰 日 之前 我 绝对 唔会 再 饮 任何 葡萄酒 。”
30 最后 ，佢哋 唱 咗 赞美歌 *，然后 离开 嗰度 ，去 橄榄山 。
31 嗰阵时 耶稣 同 佢哋 讲 ：“今晚 ，你哋 全部 都 会 因为 发生 喺 我 身上 嘅 事 而 离弃 我 *，因为 圣经 话 ：‘我 会 打击 牧羊人 ，羊群 就 会 四散 。’
32 不过 我 复活 之后 ，会 早 过 你哋 去 加利利 ，喺 嗰度 等 你哋 。”
33 但系 彼得 就 同 耶稣 讲 ：“就算 个个 都 因为 你 嘅 事 而 离弃 你 *，我 都 一定 唔会 离弃 你 㗎 ！”
34 耶稣 同 彼得 讲 ：“我 可以 好 肯定 噉 话俾 你 知 ，今晚 ，鸡 叫 之前 ，你 会 三 次 唔 肯 认 我 。”
35 彼得 同 耶稣 讲 ：“就算 要 我 同 你 一齐 死 ，我 都 绝对 唔会 唔 认 你 㗎 。”其他 门徒 全部 都 噉样 讲 。
36 当时 ，耶稣 同 佢哋 去 到 一 个 叫 客西马尼 嘅 地方 。佢 同 门徒 讲 ：“你哋 坐 喺 呢度 ，我 去 嗰边 祷告 。”
37 佢 带 埋 彼得 ，仲有 西庇太 嘅 两 个 仔 一齐 去 。嗰阵 耶稣 好 忧愁 ，觉得 好 难过 ，
38 就 同 佢哋 讲 ：“我 真系 非常之 难受 ，难受 到 就 嚟 要 死 。你哋 留 喺度 唔好 瞓 ，陪 我 一齐 保持 警醒 。”
39 耶稣 行 前 几 步 ，跪 喺度 下拜 ，祷告 话 ：“我 嘅 爸爸 啊 ，如果 可以 嘅 话 ，求 你 拎 走 呢个 杯 *。不过 唔好 照 我 嘅 意思 去 做 ，照 你 嘅 意思 去 做 吖 。”
40 耶稣 返 番 去 门徒 嗰度 ，见 佢哋 瞓 着 咗 ，就 同 彼得 讲 ：“你哋 就 连同 我 一齐 保持 警醒 一 个 钟 都 唔 得 ？
41 要 保持 警醒 ，不断 祷告 ，噉 先至 可以 避免 喺 引诱 下 屈服 。人 嘅 心 好 愿意 做 啱 嘅 事 *，不过 身体 就 软弱 嘞 。”
42 耶稣 第 二 次 去 祷告 ，佢 话 ：“我 嘅 爸爸 啊 ，如果 唔 可以 拎 走 呢个 杯 ，一定 要 我 饮 嘅 话 ，就 照 你 嘅 旨意 实现 啦 。”
43 佢 再 返嚟 门徒 嗰度 ，见 到 佢哋 又 瞓 着 咗 ，佢哋 攰 到 眼 都 掰 唔 大 。
44 耶稣 就 行 开 ，第 三 次 去 祷告 ，讲 咗 同 一番 说话 。
45 跟住 ，佢 返去 门徒 嗰度 ，同 佢哋 讲 ：“到 咗 呢个 时候 ，你哋 仲 喺度 瞓觉 ，仲 喺度 休息 ！人子 俾 人 出卖 嘅 时候 就 嚟到 嘞 ，佢 会 落 喺 罪人 手上 。
46 起身 啦 ，我哋 要 走 喇 。出卖 我 嘅 人 就 快 到 。”
47 耶稣 都 仲 未 讲完 ，突然 之 间 ，十二 使徒 之 一 嘅 犹大 嚟到 ，有 一 大 班 人 带 住 剑 同埋 棍 同 佢 一齐 嚟 ，佢哋 系 祭司长 同 人民 嘅 长老 派 嚟 嘅 。
48 出卖 耶稣 嗰个 人 事先 同 佢哋 讲 好 咗 个 暗号 ，佢 话 ：“我 锡 边个 一下 ，嗰个 就系 你哋 想 捉 嘅 人 嘞 。你哋 拘捕 佢 啦 。”
49 犹大 直接 行 到 耶稣 面前 ，佢 话 ：“老师 *，你 好 ！”然后 温柔 噉 亲吻 佢 。
50 耶稣 同 佢 讲 ：“你 嚟 呢度 做 乜嘢 呀 ？”于是 佢哋 行 上前 ，捉住 耶稣 ，拘捕 佢 。
51 点知 ，同 耶稣 一齐 嘅 人 当中 ，有 一 个 人 掹 把 剑 出嚟 ，斩 落去 大祭司 奴隶 嗰度 ，削 咗 佢 一 只 耳仔 落嚟 。
52 于是 耶稣 同 嗰个 门徒 讲 ：“收 返 埋 把 剑 啦 ！边个 用 刀剑 ，就 会 死 喺 刀剑 之 下 。
53 你 以为 我 唔 可以 求 我 爸爸 ，即刻 派 12个 军团 以上 嘅 天使 嚟 帮 我 咩 ？
54 如果 我 噉 做 ，噉 圣经 话 一定 会 发生 嘅 事情 又 点会 发生 呢 ？”
55 当时 ，耶稣 同 嗰 班 人 讲 ：“唔通 我 系 贼 ，需要 你哋 带 埋 剑 同埋 棍 嚟 捉 我 咩 ？我 每日 都 坐 喺 圣殿 里面 教导 人 ，你哋 又 唔 嚟 捉 我 。
56 其实 呢 一切 发生 ，系 要 应验 先知 写 低 嘅 说话 *。”嗰个 时候 ，门徒 全部 都 揼 低 耶稣 走 咗 去 。
57 拘捕 耶稣 嘅 人 带 佢 去 见 大祭司 该亚法 ，抄经士 同 长老 都 聚集 喺 嗰度 。
58 不过 ，彼得 就 一直 离 远 噉 跟住 佢 ，一路 去 到 大祭司 屋企 嘅 庭院 。彼得 入 咗 去 ，坐 喺 啲 仆人 隔篱 ，想 知道 耶稣 会 有 咩 遭遇 。
59 呢个 时候 ，嗰啲 祭司长 同埋 成 个 公议会 都 喺度 揾 人 俾 假 证供 指控 耶稣 ，目的 系 要 处死 佢 。
60 虽然 有 好 多 人 嚟 俾 假 证供 ，但系 都 唔 足以 用 嚟 指控 耶稣 。之后 有 两 个 人 走 嚟 ，
61 话 ：“呢个 人 话 ：‘我 可以 拆 咗 上帝 嘅 圣殿 ，三 日 之 内 再 起 返 ’㖞 。”
62 大祭司 就 企 起 身 ，问 耶稣 ：“你 冇 嘢 要 回应 咩 ？佢哋 指控 你 嘅 事 ，你 听 唔 到 呀 ？”
63 不过 耶稣 都 系 唔 出声 。大祭司 就 同 佢 讲 ：“我 要 你 喺 永活 嘅 上帝 面前 发誓 ，你 讲 ，你 系 唔 系 上帝 嘅 仔 基督 ？”
64 耶稣 同 佢 讲 ：“冇 错 ，我 系 *。不过 我 话俾 你哋 知 ，从此以后 你哋 会 见 到 人子 坐 喺 大能 嘅 上帝 右边 ，喺 天云 当中 嚟到 。”
65 呢个 时候 ，大祭司 撕裂 外衣 ，话 ：“佢 讲 咗 亵渎 嘅 话 ！仲 使 乜 揾 证人 呀 ？嗱 ！你哋 都 听 到 佢 点样 亵渎 上帝 吖 。
66 你哋 认为 点 好 吖 ？”佢哋 答 ：“处死 佢 啦 。”
67 于是 佢哋 向 住 佢 块 面 吐 口水 ，用 拳头 打 佢 ，仲有 人 掌掴 佢 ，
68 话 ：“你 呢个 基督 ，你 系 先知 嘅 话 ，话俾 我哋 听 ，系 边个 打 你 吖 ？”
69 彼得 坐 喺 外面 嘅 庭院 ，有 个 女仆 走 埋 去 同 佢 讲 ：“你 都 系 同 嗰个 加利利 人 耶稣 一齐 㗎 噃 ！”
70 不过 彼得 喺 所有 人 面前 否认 话 ：“我 都 唔 知 你 讲 乜 。”
71 佢 出 咗 去 ，行 到 庭院 嘅 门口 ，又 有 个 女仆 留意 到 佢 ，就 同 嗰度 啲 人 讲 ：“呢个 人 同 过 拿撒勒 人 耶稣 一齐 㗎 㖞 。”
72 彼得 又 再 否认 ，仲 发誓 话 ：“我 都 唔 识 嗰个 人 嘅 ！”
73 过 咗 一 阵 ，企 喺 附近 嘅 人 走 埋 嚟 同 彼得 讲 ：“你 摆 明 系 同 嗰 班 人 一齐 㗎 噃 ，听 你 嘅 口 音 *就 知 啦 。”
74 跟住 彼得 就 发 毒 誓 话 ：“我 唔 识得 嗰个 人 哩 ！”喺 嗰 一刻 鸡 就 叫 嘞 。
75 彼得 谂 返 起 耶稣 曾经 讲 过 ：“鸡 叫 之前 ，你 会 三 次 唔 肯 认 我 。”佢 就 出去 ，伤心 痛哭 。
