马太福音 20:1-34
20 “天上 嘅 王国 就 好似 一 个 家主 ，好 早 就 出去 请 工人 嚟 佢 嘅 葡萄园 做 嘢 。
2 佢 同 工人 商量 好 ，人工 系 一 日 一 银元 *，然后 就 派 佢哋 去 葡萄园 嘞 。
3 上昼 9点 *左右 ，佢 又 出去 ，见 到 市集 广场 有啲 人 企 喺度 冇 工 开 ，
4 就 同 佢哋 讲 ：‘你哋 都 嚟 葡萄园 帮手 吖 ，我 俾 你哋 嘅 人工 一定 系 公道 嘅 。’
5 佢哋 就 去 嘞 。大概 中午 12点 *同埋 下昼 3点 *，个 家主 又 出去 请 工人 返嚟 。
6 最后 ，下昼 5点 *左右 ，佢 再 出去 见 到 有 另 一啲 人 企 喺度 ，就 问 佢哋 ：‘点解 你哋 企 咗 喺度 成日 ，唔 去 做 嘢 呀 ？’
7 佢哋 答 ：‘因为 冇 人 请 我哋 啰 。’家主 就 话 ：‘噉 你哋 都 嚟 葡萄园 做 嘢 吖 。’
8 “到 咗 黄昏 ，葡萄园 嘅 主人 同 总管 讲 ：‘叫 啲 工人 嚟 吖 ，出粮 俾 佢哋 ，由 最 尾 嚟 嘅 人 开始 ，去 到 最先 嚟 嘅 人 。’
9 下昼 5点 嚟 做 嘢 嘅 人 ，每 人 得到 一 银元 。
10 轮到 最早 嚟 做 嘢 嘅 人 嘞 ，佢哋 以为 自己 嘅 人工 会 多 啲 ，但系 每 个 人 都 系 得到 一 银元 。
11 收 到 人工 之后 ，佢哋 就 同 主人 投诉 ，
12 话 ：‘最后 嚟 嘅 呢 班 人 净系 做 咗 一 个 钟 ，但系 我哋 就 做 咗 成日 ，仲 要 又 晒 又 辛苦 ，你 俾 佢哋 嘅 人工 竟然 同 我哋 一样 ！’
13 但系 主人 回答 其中 一 个 话 ：‘朋友 ，我 冇 待薄 你 。你 同 我 商量 好 嘅 人工 唔系 一 银元 咩 ？
14 你 拎 咗 你 嘅 人工 就 走 啦 。我 想 俾 最后 嚟 做 嘢 嘅 嗰 班 人 同 你 一样 嘅 人工 。
15 啲 钱 系 我 嘅 ，唔通 我 冇 权 决定 点样 用 咩 ？我 对 佢哋 好 *，你 就 眼红 *？’
16 所以 类似 嘅 系 ，有啲 人 而家 系 最后 嘅 ，将来 系 最先 嘅 ；又 有啲 人 而家 系 最先 嘅 ，将来 系 最后 嘅 。”
17 上去 耶路撒冷 嘅 途中 ，耶稣 带 12个 门徒 行 埋 一边 ，私底下 同 佢哋 讲 ：
18 “而家 我哋 上去 耶路撒冷 ，有 人 会 将 人子 交 俾 祭司长 同埋 抄经士 。佢哋 会 定 佢 死罪 ，
19 交 佢 俾 外族人 ，等 佢哋 嘲笑 同 鞭打 佢 ，然后 喺 木柱 上 处决 佢 ，佢 会 喺 第 三 日 复活 。”
20 嗰个 时候 ，西庇太 嘅 老婆 带 住 两 个 仔 嚟 见 耶稣 ，向 佢 下拜 ，有 件 事 想 求 佢 。
21 耶稣 同 佢 讲 ：“有 咩 事 呢 ？”佢 同 耶稣 讲 ：“请 你 俾 我 两 个 仔 喺 你 嘅 王国 同 你 一齐 坐 吖 ，一 个 坐 喺 你 右边 ，一 个 坐 喺 你 左边 吖 。”
22 耶稣 就 同 佢 两 个 仔 讲 ：“你哋 根本 唔 知 自己 求 紧 乜嘢 。我 将会 饮 嘅 杯 *，你哋 能够 饮 咩 ？”佢哋 同 耶稣 讲 ：“我哋 得 呀 。”
23 耶稣 就 同 佢哋 讲 ：“系 ！你哋 系 会 饮 我 嘅 杯 ，但系 坐 喺 我 嘅 右边 同埋 左边 ，唔系 我 可以 决定 㗎 ，而 系 我 爸爸 准备 俾 边个 坐 ，就 俾 边个 坐 。”
24 其余 嗰 十 个 门徒 听 到 呢 件 事 之后 ，就 好 嬲 呢 两 兄弟 。
25 耶稣 就 叫 啲 门徒 嚟 ，同 佢哋 讲 ：“你哋 知道 㗎 ，列国 嘅 统治者 辖制 百姓 ，大臣 掌权 管辖 人民 。
26 你哋 之 间 千祈 唔好 噉样 。边个 想 喺 你哋 当中 做 大 嘅 ，就要 为人服务 ；
27 边个 想 喺 你哋 当中 做 第 一 ，就要 做 你哋 嘅 奴隶 。
28 人子 嚟到 ，都 系 噉样 㗎 ，佢 唔系 要 人为 佢 服务 ，而 系 要 为人服务 ，而且 献出 自己 嘅 生命 ，作为 代价 ，救赎 好 多 人 *。”
29 耶稣 同 啲 门徒 喺 耶利哥 城 出嚟 嗰阵 ，有 一 大 班 人 跟住 佢 。
30 有 两 个 盲人 坐 喺 路边 ，听 讲 耶稣 路过 ，就 大 嗌 ：“主 啊 ，大卫 嘅 子孙 ，可怜 吓 我哋 呀 ！”
31 不过 啲 民众 闹 佢哋 ，叫 佢哋 唔好 嘈 ，点知 佢哋 更加 大声 噉 嗌 ：“主 啊 ，大卫 嘅 子孙 ，可怜 吓 我哋 啦 ！”
32 耶稣 就 停 低 ，叫 佢哋 过嚟 ，话 ：“你哋 想 我 为 你哋 做 啲 乜嘢 呢 ？”
33 佢哋 同 耶稣 讲 ：“主 啊 ，求 你 令 我哋 睇 到 嘢 吖 。”
34 耶稣 好 同情 佢哋 ，就 伸 手 摸 佢哋 对 眼 。佢哋 即刻 睇 到 嘢 ，亦 都 跟随 咗 耶稣 。
