马太福音 16:1-28
16 法利赛 派 同 撒都该 派 嘅 人 嚟 揾 耶稣 ，想 试探 佢 ，就 请 耶稣 奉 上帝 嘅 名 施行 个 神迹 *俾 佢哋 睇 。
2 耶稣 同 佢哋 讲 ：“日落 嘅 时候 ，你哋 话 ：‘个 天 红 到 好似 火 噉样 ，听日 一定 好 天 。’
3 朝早 你哋 就 话 ：‘个 天 虽然 红 到 好似 火 噉样 ，但系 咁 多 云 ，今日 实 会 落雨 呀 。’你哋 识得 睇 天文 现象 ，但系 睇 唔 明 呢个 时代 嘅 征象 。
4 呢 一 代 邪恶 不忠 *嘅 人 成日 都 想 睇 神迹 ，但系 除 咗 约拿 嘅 神迹 *，佢哋 就 唔会 再 睇 到 其他 神迹 嘞 。”讲完 之后 ，耶稣 就 离开 佢哋 。
5 门徒 过 咗 对面 岸 ，但系 唔 记得 带 饼 。
6 耶稣 同 佢哋 讲 ：“你哋 要 小心 *，要 提防 法利赛 派 同 撒都该 派 嘅 酵 。”
7 佢哋 就 喺度 讨论 ：“实 系 因为 我哋 冇 带 到 饼 嚟 啦 。”
8 耶稣 听 到 ，就 话 ：“你哋 嘅 信心 去 咗 边 呢 ？只系 冇 饼 啫 ，点解 要 讨论 呢 ？
9 你哋 仲 唔 明 ？记 唔 记得 5个 饼 分 俾 5000人 嗰 次 ，你哋 装满 咗 几多 个 篮 ？
10 仲有 7个 饼 分 俾 4000人 嗰 次 ，你哋 又 装满 咗 几多 个 箩 呢 ？
11 点解 你哋 睇 唔 出 ，我 头先 同 你哋 讲 嘅 唔系 饼 呢 ？你哋 要 提防 嘅 系 法利赛 派 同 撒都该 派 嘅 酵 。”
12 呢个 时候 佢哋 先至 明白 ，耶稣 话 要 提防 嘅 ，唔系 饼 嘅 酵 ，而 系 法利赛 派 同 撒都该 派 嘅 教义 。
13 耶稣 去 到 凯撒里亚腓立比 城 附近 ，佢 问 门徒 ：“啲 人 话 人子 系 边个 呢 ？”
14 门徒 答 ：“有啲 话 系 施浸者 约翰 ，有啲 话 系 以利亚 ，仲 有啲 话 系 耶利米 或者 其中 一 位 先知 。”
15 耶稣 问 佢哋 ：“噉 你哋 呢 ？你哋 话 我 系 边个 ？”
16 西门 ·彼得 回答 ：“你 系 基督 ，系 真神 *嘅 仔 。”
17 耶稣 就 话 ：“约拿 嘅 仔 西门 ，你 系 得到 上帝 赐 福 *㗎 ，因为 帮助 你 令 你 睇 得 出 嘅 ，唔系 血肉之躯 *，而 系 我 嘅 天父 。
18 我 又 同 你 讲 ，你 系 彼得 ，我 要 喺 一 块 磐石 上面 建造 我 嘅 会众 ，而 呢个 会众 系 唔会 被 死亡 战胜 *㗎 。
19 我 要 赐 天上 王国 嘅 锁匙 俾 你 。凡 系 你 喺 地上 会 绑住 嘅 ，上帝 喺 天上 都 已经 绑住 *咗 ；凡 系 你 喺 地上 会 解开 *嘅 ，上帝 喺 天上 都 已经 解开 咗 。”
20 然后 佢 郑重 噉 吩咐 门徒 ，唔好 话俾 任何 人 知 佢 系 基督 。
21 从 嗰时 起 ，耶稣 开始 帮助 门徒 明白 ，佢 一定 要 去 耶路撒冷 ，喺 嗰度 ，长老 、祭司长 、抄经士 会 令 佢 受 好 多 苦 ，佢 亦 会 俾 人 杀死 ，喺 第 三 日 复活 。
22 于是 彼得 将 耶稣 拉 埋 一边 ，想 制止 佢 ，就 话 ：“主 啊 ，你 应该 爱惜 自己 ，你 绝对 唔会 有 噉 嘅 下场 嘅 。”
23 不过 耶稣 拧转身 ，背向 彼得 同 佢 讲 ：“撒但 ，够 嘞 ，唔好 再 讲 *！你 妨碍 紧 我 做 必须 做 嘅 事 *，因为 你 嘅 谂法 系 人 嘅 谂法 ，唔系 上帝 㗎 。”
24 嗰时 耶稣 同 门徒 讲 ：“边个 想 嚟 跟从 我 ，就 唔好 再 为 自己 而 活 ，要 孭 起 自己 嘅 苦刑柱 *，一直 跟随 我 。
25 边个 想 救 自己 嘅 生命 ，就 会 失去 生命 ；边个 为 我 失去 生命 ，就 会 得到 生命 。
26 一 个 人 就算 赚 到 呢个 世界 嘅 所有 嘢 ，但系 因为 噉 而 失去 生命 又 有啲 乜嘢 益处 呢 ？人 可以 攞 啲 乜嘢 去 换取 自己 嘅 生命 呢 ？
27 人子 会 带 住 佢 爸爸 嘅 荣耀 ，同 佢 嘅 天使 一齐 嚟到 ，然后 按照 每 个 人 嘅 行为 奖赏 或者 惩罚 佢哋 。
28 我 可以 好 肯定 噉 同 你哋 讲 ，呢度 在场 嘅 人 当中 ，有啲 仍然 在生 ，仲 未 试 过 死亡 嘅 滋味 ，就 会 见 到 人子 喺 佢 嘅 王国 里面 嚟到 。”
