马可福音 5:1-43
5 佢哋 去 到 海 嘅 另 一 边 ，到 咗 格拉森 人 嘅 地区 。
2 耶稣 一 落 船 ，就 有 个 受 邪灵 *操纵 嘅 人 由 墓地 去 到 佢 面前 。
3 呢个 人 住 喺 墓地 ，从来 冇 人 可以 绑 实 佢 ，连 用 锁链 都 唔 得 。
4 有 好 多 次 ，啲 人 用 锁链 锁 住 佢 嘅 手脚 ，但系 佢 就 掹 断 整 烂 呢啲 锁链 ，冇 人 可以 制伏 到 佢 。
5 佢 日日夜夜 都 喺 墓地 同埋 山野 不断 嗌 ，仲 用 石头 割伤 自己 。
6 佢 离 远 见到 耶稣 ，就 跑 过去 向 耶稣 下拜 ，
7 然后 大声 嗌 ：“至高 上帝 嘅 仔 耶稣 ，你 嚟 呢度 做 咩 呀 ？*我 要 你 喺 上帝 面前 发誓 ，你 唔会 令 我 受苦 。”
8 邪灵 噉样 讲 ，系 因为 耶稣 之前 同 佢 讲 过 ：“你 呢个 邪灵 *，喺 呢个 人 身上 出嚟 ！”
9 耶稣 问 佢 ：“你 叫 做 乜嘢 名 呀 ？”佢 话 ：“我 叫 军团 ，因为 我哋 数目 好 多 。”
10 佢 再三 恳求 耶稣 唔好 赶 邪灵 出 嗰个 地区 。
11 当时 ，有 一 大 班 猪 喺 山 上面 食 紧 嘢 。
12 啲 邪灵 就 恳求 耶稣 ，话 ：“俾 我哋 去 啲 猪 嗰度 啦 ，噉 我哋 就 可以 附 喺 佢哋 身上 。”
13 耶稣 批准 邪灵 *噉样 做 ，佢哋 就 喺 嗰个 人 身上 出嚟 ，附 喺 猪 身上 。跟住 ，有 大约 2000只 猪 冲 落 悬崖 *，跌 落 海 嗰度 浸 死 晒 。
14 放猪 嘅 人 就 全部 走 晒 ，即刻 话 俾 城 入面 同埋 乡村 嘅 人 知道 ，啲 人 就 走 嚟 睇 吓 发生 咗 啲 咩 事 。
15 佢哋 去 到 耶稣 嗰度 ，见 到 嗰个 原本 俾 军团 附身 嘅 人 。嗰个 人 着 咗 衫 坐 喺度 ，神志 清醒 ，啲 人 就 好 惊 。
16 有啲 人 亲眼 见 到 受 邪灵 操纵 嘅 人 经历 嘅 事 ，又 见 到 啲 猪 发生 咗 咩 事 ，就 话 俾 其他 人 听 。
17 佢哋 就 恳求 耶稣 离开 佢哋 嘅 地区 。
18 耶稣 上 紧 船 嘅 时候 ，嗰个 曾经 受 邪灵 操纵 嘅 人 恳求 佢 ，想 跟 佢 一齐 走 。
19 不过 ，耶稣 冇 应承 佢 ，反而 话 ：“你 返 屋企 啦 ，去 揾 你 啲 亲戚 ，话 俾 佢哋 知 耶和华 *为 你 做 嘅 所有 嘢 ，同埋 佢 点样 怜悯 你 。”
20 嗰个 人 就 离开 嗰度 ，喺 德卡波利斯 *宣扬 耶稣 为 佢 做 嘅 所有 嘢 ，大家 都 觉得 好 惊讶 。
21 耶稣 又 坐船 过 对面 岸 。佢 仲 喺 海 边 嗰阵 ，有 一 大 班 人 聚集 去 佢 嗰度 。
22 有 个 叫 做 崖鲁 嘅 会堂 主管 嚟到 ，佢 一 见 到 耶稣 ，就 跪 喺 佢 面前 ，
23 不断 恳求 佢 话 ：“我 个 女 病 得 好 严重 *。求 你 去 将 双手 放 喺 佢 身上 ，噉 佢 就 会 好返 ，唔使 死 㗎 喇 。”
24 耶稣 就 同 佢 一齐 行 。有 一 大 班 人 喺 后面 逼 住 耶稣 ，跟住 佢 。
25 有 个 女人 ，患 咗 流血 病症 *12年 嘞 。
26 佢 睇 过 好 多 医生 ，治疗 嘅 时候 受 咗 好 多 苦 ，而且 使 晒 啲 钱 ，病情 唔单止 冇 好转 ，仲 恶化 咗 添 。
27 佢 听 到 关于 耶稣 嘅 事 ，就 混入 去 人群 当中 ，然后 上前 ，喺 后面 摸 一 摸 耶稣 嘅 外衣 。
28 佢 心 里面 一路 谂 ：“只要 我 摸 一 摸 佢 嘅 外衣 ，我 就 会 好返 㗎 喇 。”
29 就 喺 嗰 一刻 ，佢 就 冇 再 流血 。佢 发觉 呢个 令 佢 极度 痛苦 嘅 病 好返 嘞 。
30 耶稣 即时 察觉 到 有 力量 从 佢 身 上面 出 咗 嚟 ，就 喺 人群 当中 拧转身 问 ：“系 边个 摸 我 嘅 外衣 呀 ？”
31 门徒 同 佢 讲 ：“你 都 见 有 咁 多 人 逼 住 你 㗎 ，你 仲 问 边个 摸 你 ？”
32 不过 佢 都 系 望 吓 周围 ，想 知道 系 边个 噉样 做 。
33 嗰个 女人 知道 发生 喺 自己 身上 嘅 事 ，就 战战兢兢 噉 上前 ，跪 喺 耶稣 面前 ，将 实情 讲 晒 俾 佢 知 。
34 耶稣 同 佢 讲 ：“阿 女 ，你 嘅 信心 令 你 好返 嘞 。唔使 担心 ，你 平安 返去 啦 。呢个 令 你 咁 痛苦 嘅 病 ，已经 医好 嘞 ！”
35 耶稣 仲 未 讲完 ，有啲 人 由 会堂 主管 嘅 屋企 嚟到 ，话 “你 个 女 死 咗 嘞 。何必 仲 要 麻烦 老师 呢 ？”
36 耶稣 听 到 佢哋 讲 嘅 嘢 ，就 同 崖鲁 讲 ：“唔使 惊 ，继续 表现 信心 就得 㗎 喇 。”
37 跟住 耶稣 带 彼得 、雅各 同埋 雅各 嘅 兄弟 约翰 一齐 去 ，冇 俾 其他 人 跟住 佢 。
38 佢哋 去 到 崖鲁 嘅 屋企 ，耶稣 见 到 场面 好 混乱 ，有 人 喺度 喊 ，有啲 仲 喊 得 好 大声 。
39 佢 入去 之后 同 嗰啲 人 讲 ：“点解 你哋 要 喊 呢 ？点解 要 吵吵闹闹 呢 ？个 女仔 冇 死 到 呀 ，只系 瞓 着 咗 啫 。”
40 佢哋 都 嘲笑 耶稣 。耶稣 叫 嗰啲 人 出去 之后 ，就 带 埋 个 女仔 嘅 父母 同埋 门徒 ，入去 个 女仔 瞓 喺度 嘅 地方 。
41 耶稣 捉住 个 女仔 只 手 ，同 佢 讲 ：“塔利塔 ·库米 ！”呢 句 说话 翻译 出嚟 嘅 意思 就系 ：“小妹妹 ，我 吩咐 你 起身 ！”
42 嗰个 12岁 嘅 女仔 即刻 起身 行 。大家 一 见 到 就 好 激动 ，开心 到 不得了 。
43 耶稣 郑重 *吩咐 佢哋 ，唔好 话 俾 人 知 呢 件 事 ，又 叫 人 拎 啲 嘢 俾 个 女仔 食 。
