腓立比书 4:1-23
4 各位 弟兄 ，我 好 爱 你哋 ，亦 都 好 挂住 你哋 ，你哋 就系 我 嘅 喜乐 、我 嘅 冠冕 。我 亲爱 嘅 朋友 ，你哋 要 继续 坚定不移 噉 跟随 主 *。
2 我 劝 友阿蝶 同 循都姬 ，要 保持 和睦 ，同心合意 为 主 *服务 。
3 同 我 一齐 忠贞 服务 嘅 同伴 *，请 你 继续 帮 佢哋 ，因为 佢哋 同 克雷芒 ，仲有 我 其余 嘅 同伴 ，一直 同 我 并肩 工作 ，努力 宣扬 好消息 。呢啲 人 嘅 名 都 记 喺 生命册 嘞 。
4 要 经常 因为 自己 为 主 *服务 而 欢欣 。我 再 讲 多 次 ，要 欢欣 ！
5 要 俾 所有 人 都 知道 你哋 通情达理 。主 *已经 好 近 嘞 *。
6 无论 乜嘢 事 都 唔好 忧虑 。要 通过 祷告 同埋 恳切 祈求 ，加上 感谢 ，将 你哋 嘅 请求 话 俾 上帝 知 。
7 噉样 ，上帝 就 会 赐下 超越 人 能够 理解 嘅 安宁 *。你哋 跟从 基督 耶稣 ，呢 种 安宁 会 守护 你哋 嘅 内心 同 思想 *。
8 最后 ，各位 弟兄 ，任何 真实 嘅 事 、任何 应该 受到 重视 嘅 事 、任何 正义 嘅 事 、任何 纯洁 *嘅 事 、任何 激发 爱心 *嘅 事 、任何 受到 嘉许 嘅 事 、任何 显出 美德 嘅 事 、任何 值得 赞颂 嘅 事 ，你哋 都 要 继续 思考 *。
9 你哋 喺 我 身上 学 到 嘅 、领受 嘅 、听 到 嘅 、睇 到 嘅 ，都 要 实践 出嚟 。噉样 ，赐 人 安宁 *嘅 上帝 就 会 同 你哋 同在 。
10 我 因为 你哋 再次 关心 我 而 感谢 主 *，亦 都 欢欣 快乐 。其实 你哋 一直 都 关心 我 ，只系 冇 机会 表达 啫 。
11 我 噉 讲 唔系 因为 自己 缺乏 乜嘢 ，而 系 因为 我 已经 学 识 喺 任何 情况 下 都 保持 知足 。
12 我 知道 点样 过 贫困 嘅 生活 ，点样 过 富裕 嘅 日子 。无论 系 饱足 定系 饥饿 ，富裕 定系 匮乏 ，我 都 知道 秘诀 ，学 识 点样 应付 。
13 我 靠 住 赐 我 力量 嘅 上帝 ，乜嘢 事 都 能够 应付 。
14 不过 ，你哋 喺 我 遇 到 患难 嘅 时候 帮助 我 ，真系 做 得 好好 。
15 各位 腓立比 嘅 弟兄 ，你哋 都 知道 ，当初 你哋 认识 好消息 之后 ，我 离开 咗 马其顿 。嗰阵时 只有 你哋 嘅 会众 支持 我 。
16 我 喺 帖撒罗尼迦 嘅 时候 ，你哋 唔止 一 次 ，而 系 两 次 送 一啲 嘢 过嚟 ，照顾 我 嘅 需要 。
17 而家 我 唔系 希望 得到 礼物 ，我 只系 希望 你哋 由于 施与 而 得到 奖赏 *。
18 我 需要 嘅 嘢 都 有 嘞 ，而且 多 到 用 唔 晒 ，因为 我 喺 以巴弗提 嗰度 收 到 你哋 送 嚟 嘅 礼物 。嗰啲 礼物 好似 香气 噉样 ，系 上帝 喜欢 嘅 祭物 。
19 我 嘅 上帝 所 拥有 嘅 非常 丰富 *，佢 会 通过 基督 耶稣 ，将 你哋 需要 嘅 一切 都 赐 俾 你哋 。
20 愿 荣耀 永永远远 归于 上帝 我哋 嘅 爸爸 。阿们 。
21 请 代 我 向 所有 同 基督 耶稣 联合 嘅 圣民 问好 。同 我 一齐 嘅 弟兄 都 问候 你哋 。
22 所有 圣民 ，特别 系 凯撒 嘅 皇宫 里面 嘅 人 ，都 问候 你哋 。
23 愿 主 耶稣 基督 因为 你哋 有 正确 嘅 思想 态度 ，将 分外恩典 赐 俾 你哋 。
