罗马书 16:1-27
16 我 向 你哋 介绍 *我哋 嘅 姊妹 菲比 ，佢 系 坚革里 会众 嘅 一 个 仆人 *。
2 请 你哋 因为 主 而 接待 佢 ，令 佢 得到 圣民 应有 嘅 对待 同埋 佢 需要 嘅 帮助 ，因为 佢 维护过 好 多 人 ，亦 都 维护过 我 。
3 请 代 我 问候 百姬拉 同 亚居拉 ，佢哋 系 我 嘅 同伴 ，一齐 为 基督 耶稣 工作 。
4 佢哋 曾经 为 我 冒险 ，连 自己 嘅 性命 *都 愿意 牺牲 。唔单止 我 ，连 列国 嘅 所有 会众 都 多谢 佢哋 。
5 请 问候 埋 喺 佢哋 屋企 聚会 嘅 会众 。请 问候 亲爱 嘅 以拜尼杜 ，佢 系 亚细亚 行省 其中 一 位 最早 成为 基督徒 嘅 人 *。
6 请 问候 马利亚 ，佢 为咗 你哋 辛勤 工作 。
7 请 问候 安多尼古 同埋 犹尼亚 ，佢哋 系 我 嘅 亲戚 ，同 我 一齐 坐 过 监 。使徒 都 对 佢哋 有 好 嘅 评价 ，佢哋 成为 基督徒 嘅 时间 *亦 长 过 我 。
8 请 代 我 问候 暗伯利 ，佢 跟随 主 ，系 我 亲爱 嘅 弟兄 。
9 请 问候 尔巴努 ，佢 系 同 我哋 一齐 为 基督 工作 嘅 同伴 。请 问候 我 所 爱 嘅 士大古 。
10 请 问候 亚比利 ，佢 系 基督 认可 *嘅 人 。请 问候 住 喺 亚里斯多博 屋企 嘅 人 。
11 请 问候 我 嘅 亲戚 希罗天 。请 问候 住 喺 拿其苏 屋企 信主 嘅 人 。
12 请 问候 一直 为 主 辛勤 工作 嘅 姊妹 杜菲拿 同埋 杜富莎 。请 问候 我哋 所 爱 嘅 姊妹 彼息 ，佢 为咗 主 辛勤 工作 。
13 请 问候 主 拣选 嘅 仆人 鲁孚 同埋 佢 妈妈 ，我 当 佢 妈妈 好似 系 我 妈妈 噉 。
14 请 问候 亚逊其图 、弗勒干 、赫耳墨斯 、帕罗巴 、赫玛 同埋 佢哋 嗰度 嘅 弟兄 。
15 请 问候 非罗罗古 同 犹利亚 、尼瑞斯 同埋 佢 嘅 妹妹 *，仲有 奥林巴 同埋 佢哋 嗰度 嘅 所有 圣民 。
16 你哋 要 亲切 噉 互相 问候 *。基督 嘅 所有 会众 都 问候 你哋 。
17 各位 弟兄 ，有啲 人 违背 你哋 所 学 嘅 道理 ，引起 分裂 ，令 人 跌倒 *。我 劝 你哋 要 提防 佢哋 ，避开 佢哋 。
18 呢 种 人 唔 系 我哋 主 基督 嘅 奴隶 ，而 系 自己 欲望 *嘅 奴隶 。佢哋 阿谀奉承 ，用 花言巧语 *误导 毫无 防备 嘅 人 ，诱惑 佢哋 嘅 心 。
19 但系 大家 都 留意 到 你哋 表现 服从 ，所以 我 都 戥 你哋 开心 。不过 ，我 希望 你哋 有 智慧 做 良善 嘅 事 ，而 喺 邪恶 嘅 事 上 就 清白无邪 。
20 赐 人 安宁 *嘅 上帝 好 快 就 会 将 撒但 压碎 喺 你哋 脚下 。愿 你哋 享有 我哋 主 耶稣 嘅 分外恩典 。
21 同 我 一齐 工作 嘅 同伴 提摩太 都 问候 你哋 。我 嘅 亲戚 路求 、耶孙 、所西巴德 亦 都 问候 你哋 。
22 （我 系 主 嘅 信徒 德提 ，系 代笔 写 呢 封 信 嘅 。我 亦 都 问候 你哋 。）
23 该犹 问候 你哋 ，我 住 喺 佢 屋企 ，全 会众 都 喺 佢 屋企 聚会 。呢 座 城 嘅 财 务 官 *以拉都 问候 你哋 ，佢 嘅 细佬 *夸图 亦 都 问候 你哋 。
24 －－－*
25 上帝 能够 通过 我 宣扬 嘅 好消息 ，同埋 关于 耶稣 基督 嘅 信息 ，令 你哋 坚定不移 。呢啲 好消息 同 上帝 揭示 咗 嘅 神圣 秘密 一致 。好 多 个 世代 以 嚟 ，呢个 神圣 秘密 一直 秘而不宣 。
26 但系 而家 ，按照 永活 上帝 嘅 命令 ，呢个 秘密 已经 公开 *。所有 国族 嘅 人 都 可以 通过 圣经 嘅 预言 知道 呢个 秘密 ，凭 信心 服从 上帝 。
27 上帝 系 最 有 智慧 嘅 *，愿 荣耀 通过 耶稣 基督 永远 归于 佢 。阿们 。
