罗马书 1:1-32
1 我 系 保罗 ，系 基督 耶稣 嘅 奴隶 。我 受到 呼召 做 使徒 *，亦 都 受 委派 *宣扬 上帝 嘅 好消息 。
2 呢个 好消息 系 上帝 通过 先知 喺 圣经 预先 宣告 *嘅 ，
3 同 上帝 嘅 仔 有关 ，按照 血统 ，佢 系 大卫 嘅 后代 。
4 上帝 运用 神圣力量 *令 佢 死而复生 ，呢个 表明 ，佢 就系 上帝 嘅 仔 。佢 系 我哋 嘅 主 耶稣 基督 。
5 通过 佢 ，上帝 令 我哋 得到 分外恩典 。耶稣 拣选 我 做 使徒 ，等 我 可以 帮助 所有 国族 嘅 人 凭 住 信心 服从 佢 ，为 佢 嘅 名 增光 。
6 喺 呢啲 国族 当中 ，你哋 都 受到 呼召 跟从 *耶稣 基督 。
7 我 写信 俾 喺 罗马 嘅 会众 ，亦 即系 所有 受 上帝 所 爱 、受 呼召 做 圣民 嘅 人 。
愿 上帝 我哋 嘅 爸爸 ，仲有 主 耶稣 基督 ，令 你哋 享有 分外恩典 同 安宁 *。
8 首先 ，由于 你哋 嘅 信心 已经 闻名 全 世界 ，我 通过 耶稣 基督 ，为 你哋 所有 人 感谢 我 嘅 上帝 。
9 我 全心 敬奉 上帝 ，宣扬 佢 个 仔 嘅 好消息 。上帝 可以 作证 ，我 祷告 嘅 时候 经常 提 到 你哋 。
10 我 又 恳求 上帝 ，如果 呢个 系 佢 嘅 意思 ，就 俾 我 最终 可以 去 到 你哋 嗰度 。
11 因为 我 好 想 见 你哋 ，想 同 你哋 分享 嚟自 上帝 嘅 鼓励 *，令 你哋 坚定不移 ，
12 或者 应该 话 ，由于 大家 都 有 信心 *，我哋 就 能够 互相 鼓励 嘞 。
13 各位 弟兄 *，我 希望 你哋 知道 ，有 好 多 次 ，我 打算 去 你哋 嗰度 ，不过 到 而家 都 仲 未 去 得 成 。我 好 想 喺 你哋 嗰度 传道 ，得到 一啲 成果 ，就 好似 喺 其他 外族人 *嘅 地方 噉 。
14 无论 系 希腊 人 ，定系 其他 地方 嘅 人 *，系 有 智慧 嘅 人 ，定系 不明事理 *嘅 人 ，我 都 有 义务 帮助 佢哋 *。
15 所以 我 好 渴望 向 你哋 喺 罗马 嘅 人 宣扬 好消息 。
16 我 唔会 因为 好消息 *而 觉得 羞耻 。好消息 其实 反映 出 上帝 嘅 力量 ，呢个 好消息 能够 拯救 一切 有 信心 嘅 人 ，首先 系 犹太 人 ，然后 系 希腊 人 *。
17 上帝 嘅 正义 通过 好消息 ，向 有 信心 嘅 人 显明 出嚟 ，同时 加强 人 嘅 信心 ，正如 圣经 所 讲 ：“正义 嘅 人 会 因为 信心 而 活 着 。”
18 天上 嘅 上帝 向 所有 藐视 佢 、行事 不义 、用 唔 正义 嘅 手段 阻碍 人 明白 真理 嘅 人 ，显露 紧 佢 嘅 愤怒 ，
19 因为 关于 上帝 嘅 事 ，只要 系 人 可以 知道 嘅 ，喺 佢哋 当中 都 清楚 可见 ，其实 上帝 已经 令 佢哋 清楚 知道 嘞 。
20 自从 世界 被 创造 以 嚟 *，上帝 嗰啲 睇 唔 见 嘅 特质 ，一直 都 清楚 可见 ，从 佢 所 创造 嘅 嘢 就 可以 睇 出 佢 嘅 永恒 力量 ，睇 出 佢 真系 上帝 *，所以 佢哋 实在 冇 借口 唔 信 佢 。
21 佢哋 虽然 知道 佢 系 上帝 ，但系 冇 将 上帝 应得 嘅 荣耀 归于 佢 ，亦 都 冇 多谢 佢 ，反而 思想 空洞 ，心智 愚昧 *。
22 佢哋 自称 有 智慧 ，到头嚟 都 系 愚蠢 嘅 ，
23 佢哋 竟然 将 唔会 朽坏 嘅 上帝 应得 嘅 荣耀 归于 偶像 ，例如 会 朽坏 嘅 凡人 、飞鸟 、走兽 、同埋 爬行 动物 嘅 像 。
24 所以 ，上帝 任由 佢哋 顺 住 内心 嘅 欲望 做 不洁 嘅 事 ，羞辱 佢哋 自己 嘅 身体 。
25 佢哋 宁愿 相信 大话 都 唔 相信 上帝 嘅 真理 ，佢哋 崇拜 *、敬奉 受造物 而 唔 系 创造主 。创造主 系 应该 永远 受到 赞美 㗎 。阿们 *。
26 所以 ，上帝 任由 佢哋 放纵 可耻 嘅 情欲 。佢哋 当中 嘅 女人 放弃 咗 身体 嘅 正常 功用 ，做出 违反 自然 嘅 性行为 ，
27 男人 亦 都 无视 女人 身体 嘅 正常 功用 *，男人 同 男人 互相 贪恋 ，欲火焚身 ，做出 下流 嘅 事 ，结果 自己 就 因为 呢 种 恶行 而 受 尽 应得 嘅 惩罚 。
28 既然 佢哋 认为 唔使 认识 上帝 *，上帝 就 任由 佢哋 继续 怀 住 佢 唔 认可 *嘅 思想 ，做 唔 应该 做 嘅 事 。
29 佢哋 充满 各 种 不义 、邪恶 、贪心 、恶念 ，亦 都 充满 妒忌 、凶杀 、争执 、欺诈 、恶毒 ，仲 成日 讲 人 是非 、
30 背后 中伤 人 、憎恨 上帝 、侮辱 人 、高傲 、自夸 、策划 邪恶 嘅 事 、忤逆 父母 、
31 不明事理 、言而无信 、冇 亲情 、冇 怜悯 之 心 。
32 佢哋 明知 按照 上帝 嘅 正义 法令 ，做 呢啲 事 嘅 人 系 应该 处死 嘅 ，但系 佢哋 唔单止 自己 成日 做 ，仲 赞成 其他 人 噉样 做 。
