约翰三书 1:1-14
1 我 呢个 老人家 *写信 俾 亲爱 嘅 该犹 。你 系 我 真心 所 爱 㗎 。
2 亲爱 嘅 朋友 ，你 而家 事事 顺利 ，我 都 为 你 祷告 ，希望 你 继续 顺利 ，而且 身体 健康 。
3 有啲 弟兄 嚟 过 我 呢度 ，佢哋 话 你 一直 持守 真理 ，而 你 都 真系 有 按照 真理 处世为人 *，所以 我 非常 开心 。
4 听 到 自己 嘅 仔女 按照 真理 处世为人 ，冇 乜嘢 比 呢 件 事 更加 令 我 开心 *嘞 。
5 亲爱 嘅 朋友 ，你 帮助 嗰啲 你 本来 唔 认识 嘅 弟兄 ，你 为 佢哋 做 嘅 事 表明 你 系 忠信 㗎 。
6 佢哋 喺 会众 面前 提 到 你 嘅 爱心 。请 用 上帝 钟意 嘅 方式 为 佢哋 送行 *。
7 佢哋 为 上帝 嘅 名 走访 唔 同 地方 ，冇 期望 喺 其他 人 *嗰度 得到 啲 乜嘢 。
8 所以 ，我哋 有 责任 对 呢啲 弟兄 表现 好客 精神 ，噉 我哋 就 成为 佢哋 宣扬 真理 嘅 同伴 嘞 。
9 我 曾经 写过 一啲 说话 俾 会众 ，不过 ，嗰个 钟意 喺 会众 话事 嘅 *狄特腓 ，对于 我哋 讲 嘅 嘢 ，一律 唔 尊重 唔 接受 。
10 所以 ，如果 我 嚟 ，我 会 令 大家 知道 佢 嘅 所作所为 ，即系 佢 针对 我哋 散布 恶毒 嘅 流言蜚语 。佢 噉 做 都 不 特 止 ，仲 唔 尊重 、唔 接待 嗰啲 弟兄 ，连 人哋 想 接待 ，佢 都 要 阻止 ，想 赶 人哋 出 会众 。
11 亲爱 嘅 朋友 ，唔 好 学 嗰啲 邪恶 嘅 人 ，要 向 良善 嘅 人 学习 。行善 嘅 源于 上帝 ，作恶 嘅 冇 见 过 上帝 。
12 底米特 喺 弟兄 当中 有 好 名声 ，佢 嘅 生活 同 真理 一致 *。事实上 ，我哋 都 认为 佢 好好 ，而 你 知道 我哋 讲 嘅 系 真话 。
13 我 本来 有 好 多 嘢 想 同 你 讲 ，不过 唔 想 写 喺 信 入面 。
14 我 希望 好 快 就 可以 见 到 你 ，面对面 同 你 讲 。
愿 你 平安 。
各位 朋友 都 问候 你 。请 代 我 向 朋友 一一 *问好 。
