歌罗西书 3:1-25
3 不过 ，你哋 既然 已经 同 基督 一齐 复活 ，就要 继续 追求 天上 嘅 事 ，喺 嗰度 ，基督 坐 喺 上帝 嘅 右边 。
2 你哋 嘅 思想 要 专注 于 天上 嘅 事 ，而 唔系 地上 嘅 事 ，
3 因为 你哋 已经 “死去 ”，而且 你哋 嘅 生命 隐藏 喺 同 上帝 联合 嘅 基督 嗰度 。
4 基督 系 我哋 嘅 生命 。当 佢 显现 出嚟 嘅 时候 ，你哋 都 会 同 佢 一齐 显现 ，分享 佢 嘅 荣耀 。
5 所以 ，你哋 要 除去 错误 嘅 欲望 *，噉 就 唔会 做出 淫乱 *、不洁 嘅 行为 ，唔会 放纵 性欲 、有 不当 嘅 渴求 ，亦 都 唔会 贪婪 （贪婪 就 等于 拜偶像 ）。
6 由于 呢啲 事 ，上帝 将会 降怒 。
7 你哋 以前 都 做 过 呢啲 事 ，过 噉样 嘅 生活 。
8 不过 ，而家 你哋 一定 要 将 愤恨 、怒气 、恶行 、伤人 嘅 说话 同埋 下流 嘅 言谈 一一 除去 。
9 唔好 彼此 讲 大话 。要 除去 旧 品格 *同 旧 行为 。
10 要 着上 新品格 。呢 种 品格 系 通过 确切 认识 上帝 而 不断 更新 嘅 ，反映 出 创造 呢 种 品格 嘅 上帝 嘅 形象 。
11 由于 有 咗 呢 种 品格 ，希腊 人 *同 犹太 人 ，受 过 割礼 *嘅 同 冇 受 割礼 嘅 人 ，外族人 同 未 受到 开化 嘅 人 *，奴隶 同 自由人 ，都 冇 分别 嘞 。基督 就系 一切 ，令 一切 都 团结 。
12 既然 你哋 系 上帝 拣选 嘅 人 ，系 圣洁 嘅 ，系 佢 所 爱 嘅 ，就要 着上 温暖 嘅 怜恤 之 情 、仁慈 、谦卑 、温和 、耐心 。
13 就算 你哋 有 理由 对 人 不满 ，都 要 继续 互相 包容 ，彼此 甘心 宽恕 。既然 耶和华 *甘心 宽恕 咗 你哋 ，你哋 都 要 甘心 宽恕 人 。
14 除 咗 呢 一切 ，仲 要 着上 爱 ，因为 爱 能够 完美 维系 团结 。
15 另外 ，要 俾 因为 基督 而 有 嘅 安宁 *支配 你哋 嘅 心 ，因为 你哋 受 呼召 ，系 要 合为一体 ，享有 安宁 。要 显出 感恩 之 心 。
16 要 俾 基督 嘅 话语 充满 你哋 嘅 心 *，噉 你哋 就 会 有 充足 嘅 智慧 。要 用 诗篇 、赞美 上帝 嘅 诗歌 、崇拜 同 感谢 上帝 嘅 歌曲 ，不断 彼此 教导 、互相 鼓励 *，仲 要 喺 心 里面 *向 耶和华 *歌唱 。
17 无论 你哋 讲 乜嘢 做 乜嘢 ，都 要 奉 主 耶稣 嘅 名 而 做 ，通过 佢 感谢 上帝 我哋 嘅 爸爸 。
18 你哋 做 太太 嘅 ，要 顺服 丈夫 ，因为 跟随 主 嘅 人 应该 噉样 做 *。
19 做 丈夫 嘅 ，你哋 要 继续 爱 太太 ，唔好 对 佢哋 大 发 脾气 *。
20 做 仔女 嘅 ，你哋 喺 任何 事 上 都 要 服从 父母 ，因为 噉 做 会 令 到 主 好 开心 。
21 做 爸爸 嘅 ，对 住 啲 仔女 唔好 太 劳气 ，激嬲 佢哋 ，令 佢哋 灰心丧气 。
22 做 奴隶 嘅 ，你哋 喺 任何 事 上 都 要 服从 主人 *。唔好 只系 为咗 讨好 人 而 做 俾 主人 睇 ，要 因为 敬畏 耶和华 *而 衷心 服从 佢哋 。
23 无论 你哋 做 乜嘢 ，都 要 尽心竭力 *，好似 为 耶和华 *而 做 ，唔系 为 人 而 做 ，
24 因为 你哋 知道 ，你哋 会 喺 耶和华 *嗰度 得到 产业 作为 奖赏 。要 好似 奴隶 一样 为 主人 基督 服务 *。
25 至于 做 坏事 嘅 人 一定 会 受到 惩罚 。上帝 系 唔 偏心 嘅 。
