帖撒罗尼迦后书 3:1-18
3 最后 ，各位 弟兄 ，请 你哋 继续 为 我哋 祷告 ，祈求 耶和华 *嘅 话语 可以 迅速 传开 ，而且 可以 好似 喺 你哋 嗰度 一样 ，得到 人 尊重 同 接受 *。
2 请 你哋 亦 都 求 上帝 救 我哋 脱离 嗰啲 非常 邪恶 嘅 人 *，因为 唔 系 人人 都 有 呢个 信仰 *。
3 不过 ，主 系 信实 可靠 嘅 ，佢 会 加强 你哋 嘅 力量 ，保护 你哋 ，唔 受 撒但 *伤害 。
4 由于 主 ，我哋 确信 ，无论 系 而家 定系 将来 ，你哋 都 会 跟住 我哋 嘅 指示 去 做 。
5 愿 主 继续 引导 你哋 嘅 心 ，使 你哋 爱 上帝 ，亦 都 为咗 基督 保持 忍耐 。
6 各位 弟兄 ，而家 我哋 奉 主 耶稣 基督 嘅 名 指示 你哋 ：如果 有 任何 弟兄 唔 服从 *，唔 按照 我哋 教 你哋 嘅 一切 *行事 为 人 ，你哋 就要 避开 噉样 嘅 人 。
7 你哋 好 清楚 应该 点样 效法 我哋 ，因为 我哋 喺 你哋 当中 ，从来 冇 唔 守 规矩 *，
8 亦 都 冇 白 食 过 边个 嘅 饭 ，反而 辛勤 竭力 噉 日夜 工作 ，唔 想 加重 你哋 任何 人 嘅 经济 负担 。
9 我哋 唔 系 冇 权 噉样 做 ，而 系 想 立下 榜样 ，希望 你哋 效法 我哋 。
10 事实上 ，我哋 喺 你哋 嗰度 嘅 时候 ，经常 吩咐 你哋 ：“边个 唔 肯 工作 ，就 冇 得 食饭 。”
11 我哋 听 讲 ，你哋 当中 有啲 人 唔 服从 *，乜嘢 工作 都 唔 做 ，反而 好管闲事 。
12 我哋 奉 主 耶稣 基督 嘅 名 ，吩咐 同埋 劝勉 噉样 嘅 人 ，应该 过 平静 嘅 生活 *，自食其力 。
13 各位 弟兄 ，你哋 唔 好 放弃 行善 *。
14 如果 有 人 唔 服从 我哋 呢 封 信 上 嘅 说话 ，你哋 就要 记 低 佢 *，唔 好 再 同 佢 来往 ，等 佢 觉得 羞愧 。
15 但系 唔 好 将 佢 当做 敌人 ，要 继续 当 佢 系 弟兄 ，劝诫 佢 。
16 愿 赐 人 安宁 *嘅 主 不断 用 各 种 方式 令 你哋 得到 安宁 。愿 主 同 你哋 所有 人 同在 。
17 我 保罗 喺 呢度 亲笔 向 你哋 问好 。我 每 封 信 都 有 呢个 特征 。呢个 系 我 嘅 笔迹 。
18 愿 我哋 嘅 主 耶稣 基督 赐 分外恩典 俾 你哋 所有 人 。
