帖撒罗尼迦前书 4:1-18
4 最后 ，各位 弟兄 ，你哋 已经 受 过 我哋 嘅 教导 ，知道 应该 点样 行事 为 人 ，令 上帝 开心 ，就 好似 你哋 而家 做 嘅 噉 。既然 系 噉 ，我哋 奉 主 耶稣 嘅 名 请求 你哋 ，劝勉 你哋 ，要 不断 噉样 做 ，而且 要 做 得 更加 彻底 *。
2 我哋 奉 主 耶稣 嘅 名 俾 过 乜嘢 指示 *你哋 ，你哋 系 知道 嘅 。
3 上帝 嘅 旨意 系 要 你哋 圣洁 ，禁戒 淫乱 *。
4 人人 都 应该 知道 点样 控制 自己 嘅 身体 *，保持 圣洁 同 尊荣 ，
5 唔 应该 放纵 贪婪 嘅 性欲 ，就 好似 列国 唔 认识 上帝 嘅 人 一样 。
6 任何 人 都 唔 可以 喺 呢 方面 越轨 ，伤害 弟兄 姊妹 ，因为 耶和华 *会 惩罚 做 呢啲 事 嘅 人 。呢 一 点 我哋 以前 讲 过 俾 你哋 知 ，而且 严厉 噉 警告 过 你哋 。
7 上帝 呼召 我哋 ，唔 系 要 我哋 不洁 ，而 系 要 我哋 圣洁 。
8 所以 ，无视 呢 一 点 嘅 ，唔 系 无视 人 ，而 系 无视 将 神圣力量 赐 俾 你哋 嘅 上帝 。
9 关于 弟兄 之爱 ，你哋 唔 需要 我哋 写信 俾 你哋 ，因为 上帝 已经 教导 你哋 要 彼此 相爱 。
10 事实上 ，你哋 一直 都 系 噉 对待 全 马其顿 嘅 所有 弟兄 。不过 各位 弟兄 ，我哋 劝勉 你哋 要 继续 噉样 做 ，而且 要 做 得 更加 彻底 *。
11 要 立志 过 平静 嘅 生活 ，安分守己 *，亲手 工作 ，就 好似 我哋 教导过 你哋 嘅 一样 。
12 噉 会众 以外 嘅 人 或者 就 会 睇 出 ，你哋 系 品行 端正 嘅 人 ，亦 都 一无所缺 。
13 另外 ，各位 弟兄 ，我哋 希望 你哋 明白 已经 长眠 嘅 人 会 经历 乜嘢 事 ，噉 你哋 就 唔会 好似 冇 希望 嘅 人 咁 悲伤 。
14 我哋 既然 相信 耶稣 已经 死而复生 ，就 应该 相信 ，上帝 都 会 将 嗰啲 同 耶稣 联合 而 长眠 嘅 人 复活 ，令 佢哋 可以 同 耶稣 一齐 。
15 我哋 根据 耶和华 *所 讲 嘅 ，话 俾 你哋 知 ，当 主 返 到 我哋 呢度 嘅 时候 *，我哋 仍然 在生 嘅 人 绝对 唔会 比 已经 长眠 嘅 人 更 早 复活 。
16 因为 主 会 亲自 从天而降 ，以 天使长 嘅 声音 发出 号令 ，上帝 嘅 号筒 亦 会 响起 ，嗰啲 同 基督 联合 嘅 死人 会 首先 复活 。
17 之后 我哋 仍然 在生 嘅 人 ，会 即刻 喺 云 中 被 接 上去 ，同 佢哋 一齐 ，喺 空中 同 主 会合 。噉样 ，我哋 就 会 永远 同 主 一齐 嘞 。
18 所以 ，你哋 要 用 呢啲 说话 不断 互相 安慰 。
