哥林多前书 7:1-40
7 而家 我 想 回应 你哋 喺 信 里面 提 到 嘅 问题 。如果 男人 可以 唔 结婚 ，唔 同 女人 发生 性关系 *，噉 系 比较 好 嘅 。
2 不过 ，由于 淫乱 嘅 事 *好 普遍 ，男人 应该 有 自己 嘅 妻子 ，女人 亦 都 应该 有 自己 嘅 丈夫 。
3 丈夫 应该 满足 妻子 嘅 需要 *，妻子 亦 都 应该 满足 丈夫 嘅 需要 。
4 妻子 冇 权 支配 自己 嘅 身体 ，丈夫 先 有 权 ；丈夫 亦 都 冇 权 支配 自己 嘅 身体 ，妻子 先 有 权 。
5 夫妻 唔 好 喺 呢 方面 互相 亏欠 。除非 系 为咗 专心 祷告 ，而且 双方 都 同意 ，先 可以 暂停 行房 一 段 时间 。之后 要 喺 返 埋 一齐 ，噉 你哋 就 唔 会 因为 失去 自制 而 俾 撒但 引诱 。
6 不过 ，我 噉样 讲 *，系 通融 你哋 ，唔 系 命令 你哋 。
7 我 希望 人人 都 好似 我 一样 保持 单身 ，不过 每 个 人 都 各自 从 上帝 得到 恩赐 ，有啲 得到 呢样 ，有啲 得到 嗰样 。
8 我 向 单身 嘅 人 同埋 寡妇 讲 ，佢哋 好似 我 一样 维持 现状 系 比较 好 嘅 。
9 不过 佢哋 如果 唔 能够 自制 ，就 可以 结婚 ，因为 结婚 好过 俾 自己 嘅 性欲 支配 *。
10 对于 已婚 嘅 人 ，我 吩咐 佢哋 （其实 呢个 系 主 嘅 吩咐 ，唔 系 我 嘅 吩咐 ）：妻子 唔 应该 同 丈夫 分开 。
11 如果 真系 分开 咗 ，就 应该 保持 单身 ，唔 系 嘅 话 就 应该 同 丈夫 和好 如初 。同样 ，丈夫 都 唔 应该 离开 妻子 。
12 至于 其余 嘅 人 ，我 有啲 说话 同 佢哋 讲 （唔 系 主 讲 嘅 ，而 系 我 讲 嘅 ）：如果 弟兄 有 妻子 唔 系 信徒 ，不过 妻子 愿意 留 喺 佢 身边 ，佢 就 唔 应该 离开 妻子 。
13 做 妻子 嘅 ，如果 丈夫 唔 系 信徒 ，不过 愿意 留 喺 佢 身边 ，佢 都 唔 应该 离开 丈夫 。
14 丈夫 虽然 唔 系 信徒 ，但系 会 因为 妻子 而 成圣 *；妻子 虽然 唔 系 信徒 ，亦 都 会 因为 弟兄 而 成圣 。如果 分开 咗 ，你哋 嘅 仔女 就 唔 洁净 ，但系 佢哋 而家 系 圣洁 嘅 。
15 唔 系 信徒 嘅 一方 如果 想 离开 *，就 由得 佢 离开 啦 。无论 系 弟兄 定系 姊妹 ，喺 呢 种 情况 之 下 ，都 唔使 勉强 同 对方 喺 埋 一齐 。其实 上帝 呼召 你哋 ，系 想 你哋 得享 安宁 *。
16 做 妻子 嘅 ，你 点 知 自己 救 唔 到 丈夫 呢 ？做 丈夫 嘅 ，你 又 点 知 自己 救 唔 到 妻子 呢 ？
17 每 个 人 受 耶和华 *上帝 呼召 嘅 时候 系 点 ，就 应该 继续 按照 当时 嘅 状况 生活 。呢个 亦 都 系 我 俾 各 地 会众 嘅 吩咐 。
18 如果 有 人 受 呼召 嗰阵 已经 受 割礼 *，佢 就 唔 应该 恢复 原来 嘅 状况 。如果 有 人 受 呼召 嗰阵 冇 受 割礼 ，佢 就 唔 应该 受 割礼 。
19 有 冇 受 割礼 都 唔 重要 ，遵守 上帝 嘅 诫命 先至 重要 。
20 每 个 人 受 呼召 嘅 时候 系 点 ，就 应该 安于现状 。
21 如果 你 受 呼召 嗰阵 系 奴隶 嘅 话 ，唔使 介意 。不过 如果 你 有 机会 得到 自由 ，就 要 好好 把握 嘞 。
22 边个 本来 系 奴隶 ，受 呼召 同 主 联合 ，就 得到 自由 ，属于 主 ；边个 本来 系 自由人 ，受 呼召 之后 就 成为 基督 嘅 奴隶 嘞 。
23 你哋 系 高 价 买 返嚟 嘅 ，唔 好 再 做 人 嘅 奴隶 嘞 。
24 各 位 弟兄 ，每 个 人 受 呼召 嘅 时候 系 点 ，就 应该 喺 上帝 面前 安于现状 。
25 关于 冇 结 过 婚 嘅 人 *，我 冇 得到 主 嘅 命令 ，但系 我 既然 得到 主 嘅 怜悯 ，我 嘅 说话 系 可 信 嘅 ，就 等 我 讲 吓 我 嘅 睇法 吖 。
26 由于 而家 环境 艰难 ，我 认为 最好 人人 都 维持 现状 。
27 如果 你 有 妻子 ，唔 好 谂 住 离开 佢 。如果 你 已经 冇 妻子 *，唔 好 谂 住 再 娶妻 。
28 不过 ，如果 你 要 结婚 ，都 唔 系 犯罪 ；冇 结 过 婚 嘅 人 就算 决定 结婚 ，亦 都 唔 系 犯罪 。但系 ，结婚 嘅 人 会 面对 患难 。我 只系 想 你哋 唔使 面对 患难 。
29 各 位 弟兄 ，我 仲有 嘢 想 同 你哋 讲 ，时候 无 多 嘞 ，从 今 以后 ，有 妻子 嘅 ，应该 好似 冇 妻子 噉 ；
30 哭泣 嘅 人 ，应该 好似 冇 哭泣 嘅 人 噉 ；欢乐 嘅 人 ，应该 好似 唔 欢乐 嘅 人 噉 ；买 咗 嘢 嘅 ，应该 好似 冇 拥有 啲 乜嘢 噉 ；
31 人 享用 呢个 世界 提供 嘅 嘢 ，都 应该 好似 唔 尽情 享用 噉 ；因为 呢 个 世界 嘅 景象 不断 改变 紧 。
32 我 希望 你哋 唔 好 再 忧虑 。冇 结婚 嘅 男人 关心 嘅 系 主 嘅 事 ，想 令 主 开心 *。
33 结 咗 婚 嘅 男人 关心 嘅 系 世上 嘅 事 ，想 令 妻子 开心 ，
34 噉 佢 就 分心 嘞 。同样 ，单身 嘅 女人 同 冇 结 过 婚 嘅 人 关心 嘅 系 主 嘅 事 ，想 身心 圣洁 。不过 ，已婚 嘅 女人 关心 嘅 系 世上 嘅 事 ，想 令 丈夫 开心 。
35 我 噉样 讲 ，系 为 你哋 着想 。我 唔 系 要 限制 *你哋 ，而 系 要 激励 你哋 做 合适 嘅 事 ，噉 你哋 就 唔 会 分心 ，可以 一直 为 主 服务 。
36 不过 ，如果 一 个 人 认为 自己 唔 适合 保持 单身 *，亦 都 过 咗 年少 时期 *，就 应该 噉 做 ：佢 可以 随 自己 嘅 心意 结婚 ，噉 唔 系 犯罪 。佢 即 管 结婚 啦 。
37 另 一 方面 ，如果 一 个 人 心 里面 肯定 自己 唔 需要 结婚 ，而且 佢 能够 好好 控制 自己 嘅 欲望 ，噉 佢 保持 单身 *就 做 得 好好 嘞 。
38 所以 ，结婚 嘅 人 *做 得 好 ，唔 结婚 嘅 人 做 得 更 好 。
39 只要 丈夫 仲 在生 ，妻子 就 要 同 丈夫 喺 埋 一齐 *。如果 丈夫 已经 长眠 ，妻子 就 有 自由 随意 再婚 ，不过 对象 一定 要 系 信徒 *。
40 照 我 嘅 睇法 ，妻子 如果 能够 维持 现状 就 更加 开心 *嘞 。我 深信 ，我 系 有 上帝 嘅 神圣力量 引导 嘅 。
