哥林多前书 5:1-13
5 我 听 到 你哋 当中 有 人 淫乱 *，连 唔 信 主 嘅 人 *当中 ，都 冇 咁 不道德 嘅 事 *，就系 有 人 竟然 同 佢 爸爸 嘅 太太 同居 *。
2 你哋 觉得 呢 件 事 好 值得 骄傲 咩 ？你哋 唔 系 应该 觉得 心 痛 ，将 做 呢 件 事 嘅 人 喺 你哋 当中 赶 出去 咩 ？
3 虽然 我 唔 喺 你哋 嗰度 ，但系 我 嘅 心 系 同 你哋 同在 嘅 。我 已经 审判 咗 做 呢 件 事 嘅 人 ，就 好似 我 亲身 喺 你哋 嗰度 噉 。
4 你哋 奉 我哋 主 耶稣 嘅 名 聚集 嘅 时候 ，我 嘅 心 同埋 我哋 主 耶稣 嘅 力量 都 会 同 你哋 同在 。
5 你哋 要 将 呢个 人 交 俾 撒但 ，消除 佢 对 会众 嘅 不良 影响 *。噉样 ，会众 嘅 精神 *喺 主 嘅 日子 就 会 得到 保全 。
6 你哋 噉样 夸耀 自己 系 唔 啱 㗎 。乜 你哋 唔 知道 ，少少 酵 就 能够 令 成 个 面团 都 发 大 咩 ？
7 你哋 要 攞 走 用 嚟 发酵 嘅 旧 面团 ，噉 你哋 就 会 好似 新 嘅 面团 ，系 冇 发酵 嘅 。其实 ，我哋 逾越节 嘅 绵羊羔 基督 已经 牺牲 生命 嘞 。
8 所以 ，我哋 守 逾越节 ，唔 系 用 有 酵 嘅 旧 面团 ，亦 都 唔 系 用 象征 奸诈 同 邪恶 嘅 酵 ，而 系 用 象征 诚恳 同 正直 *嘅 无酵饼 。
9 我 曾经 写 信 吩咐 你哋 ，唔 好 再 同 淫乱 *嘅 人 来往 。
10 我 意思 唔 系 话 ，你哋 要 同 世上 淫乱 *嘅 、贪心 嘅 、敲诈 人 嘅 、拜 偶像 嘅 人 断绝 来往 。如果 系 噉 ，你哋 就 要 离开 呢个 世界 嘞 。
11 不过 我 而家 写 信 话 俾 你哋 知 ，如果 有 弟兄 *系 淫乱 *嘅 、贪心 嘅 、拜 偶像 嘅 、辱骂 人 嘅 、醉酒 嘅 、敲诈 人 嘅 ，就 唔 好 再 同 佢 来往 ，连 一齐 食饭 都 唔 可以 。
12 我 冇 责任 审判 会众 以外 嘅 人 ，而 会众 里面 嘅 人 应该 由 你哋 嚟 审判 。
13 会众 以外 嘅 人 自然 有 上帝 审判 。圣经 话 ：“要 将 你哋 当中 邪恶 嘅 人 除去 。”
