哥林多前书 16:1-24
16 关于 为 圣民 收集 捐款 ，请 按照 我 俾 加拉太 各 地 会众 嘅 指示 去 做 。
2 每 个 星期 嘅 第 一 日 ，你哋 人人 都 应该 按照 自己 嘅 能力 预 留 一啲 钱 ，噉 就 唔使 等 我 嚟 到 先至 收集 捐款 。
3 我 嚟 到 之后 ，就 会 派 你哋 喺 信 里面 推荐 嘅 人 ，将 你哋 嘅 捐款 带去 耶路撒冷 。
4 如果 你哋 觉得 我 去 埋 会 好 啲 ，我 就 会 同 佢哋 一齐 去 。
5 我 将 会 经过 马其顿 。过 咗 马其顿 之后 ，我 就 会 去 你哋 嗰度 。
6 我 可能 会 留低 ，甚至 同 你哋 一齐 过冬 。噉样 ，我 去 下 一 个 地方 嘅 时候 ，你哋 就 可以 送 我 一 程 。
7 我 唔 想 只系 因为 顺路 先至 嚟 探 你哋 。如果 耶和华 *容许 ，我 希望 可以 喺 你哋 嗰度 住 一 段 时间 。
8 但系 我 会 留 喺 以弗所 直到 五旬节 ，
9 因为 上帝 为 我 打开 咗 一 道 大门 ，有 好 多 工作 要 做 ，不过 都 有 好 多 人 反对 我哋 。
10 如果 提摩太 嚟 到 ，请 确保 佢 喺 你哋 嗰度 可以 放胆 工作 *，因为 佢 好似 我 一样 ，做 耶和华 *嘅 工作 。
11 所以 边个 都 唔 好 睇 小 佢 。我 同 其他 弟兄 都 等 紧 佢 。为咗 令 佢 平平安安 噉 嚟 到 我 呢度 ，到时 请 送 佢 一 程 。
12 至于 我哋 嘅 弟兄 亚波罗 ，我 极力 鼓励 佢 同 啲 弟兄 一齐 去 你哋 嗰度 。虽然 佢 冇 打算 而家 去 ，但系 佢 一 有 机会 就 会 去 㗎 喇 。
13 你哋 要 时刻 警醒 ，喺 信仰 *上 企稳 ，要 有 男子 气概 *，坚毅 刚强 。
14 无论 做 乜嘢 事 都 要 有 爱心 。
15 你哋 知道 司提法拿 一 家 系 亚该亚 行省 最早 嘅 信徒 *，而且 佢哋 全心全意 为 圣民 服务 。各 位 弟兄 ，我 劝勉 你哋 ：
16 要 继续 顺从 好似 佢哋 一 家 噉样 嘅 人 ，顺从 所有 通力合作 、辛勤 工作 嘅 人 。
17 虽然 你哋 唔 喺 呢度 ，但系 有 司提法拿 、福徒拿都 、亚该古 喺度 帮助 我 ，我 已经 好 开心 嘞 。
18 佢哋 令 我 同 你哋 大 受 鼓励 *。所以 ，要 赞赏 *好似 佢哋 一样 嘅 人 。
19 亚细亚 行省 各 群 会众 问候 你哋 。亚居拉 、百姬拉 同 喺 佢哋 屋企 聚会 嘅 会众 ，衷心 问候 主 嘅 各 位 信徒 。
20 所有 弟兄 都 问候 你哋 。你哋 要 亲切 噉 互相 问候 *。
21 我 保罗 喺 呢度 亲笔 向 你哋 问好 。
22 边个 对 主 冇 感情 ，就 应该 受 到 咀咒 。我哋 嘅 主 啊 ，请 你 嚟 啦 ！
23 愿 你哋 享有 主 耶稣 嘅 分外 恩典 。
24 愿 我 嘅 爱 同 你哋 所有 跟随 基督 耶稣 嘅 人 *同在 。
