哥林多前书 11:1-34
11 你哋 要 效法 我 ，好似 我 效法 基督 一样 。
2 我 称赞 你哋 ，因为 你哋 经常 谂 起 我 ，亦 都 谨守 我 嘅 吩咐 *。
3 不过 我 希望 你哋 知道 ，基督 系 男人 嘅 头 *，男人 系 女人 嘅 头 *，上帝 系 基督 嘅 头 *。
4 男人 祷告 或者 传达 上帝 嘅 信息 *嗰阵 如果 蒙头 ，就系 羞辱 佢 嘅 头 *。
5 女人 祷告 或者 传达 上帝 嘅 信息 *嗰阵 如果 唔 蒙头 ，就系 羞辱 佢 嘅 头 *，好似 剃 咗 头 噉 。
6 女人 如果 唔 蒙头 ，就 应该 剪 咗 啲 头发 。既然 女人 剪 咗 或者 剃 咗 啲 头发 系 羞耻 嘅 事 ，佢 就 应该 蒙头 。
7 男人 唔 应该 蒙头 ，因为 男人 系 上帝 嘅 形象 同 荣耀 ，但系 女人 系 男人 嘅 荣耀 。
8 男人 唔 系 源 于 女人 嘅 ，但系 女人 系 源 于 男人 嘅 。
9 男人 亦 都 唔 系 为 女人 而 创造 嘅 ，但系 女人 系 为 男人 而 创造 嘅 。
10 所以 ，为咗 天使 嘅 缘故 ，女人 应该 蒙头 ，表明 *佢 顺服 领导权 。
11 另外 ，按照 主 嘅 安排 ，冇 男人 就 冇 女人 ，冇 女人 亦 都 冇 男人 。
12 女人 系 嚟自 男人 嘅 ，男人 系 由 女人 生 嘅 ，而 万物 都 系 上帝 创造 嘅 。
13 你哋 自己 判断 一下 ：女人 向 上帝 祷告 嘅 时候 唔 蒙头 ，合 唔 合适 呢 ？
14 男人 留 长 头发 系咪 唔 自然 ，而且 系 耻辱 ，
15 而 女人 留 长 头发 系咪 为 佢 带 嚟 荣耀 吖 ？因为 女人 嘅 头发 系 俾 佢 做 头巾 嘅 。
16 如果 有 人 想 争论 ，提 出 其他 做法 ，其实 我哋 根本 冇 其他 做法 ，上帝 喺 各 地 嘅 会众 都 冇 。
17 而家 我 提 出 嘅 指示 ，唔 系 称赞 你哋 ，因为 你哋 聚集 嘅 时候 带 嚟 嘅 害处 多 过 益处 。
18 首先 ，我 听讲 你哋 喺 会众 聚集 嘅 时候 ，有 分裂 嘅 情况 ，我 相信 有啲 系 讲 得 啱 嘅 。
19 你哋 当中 一定 会 有 人 鼓吹 宗派 思想 ，不过 噉样 就 可以 清楚 睇 出 ，边啲 人 先至 系 得到 上帝 嘉许 嘅 。
20 你哋 聚集 埋 一齐 食 主 嘅 晚餐 嘅 方式 ，根本 系 唔 正确 嘅 。
21 你哋 有 人 喺 主 嘅 晚餐 嗰阵 ，食 咗 自己 带 嚟 嘅 晚餐 先 ，于是 有啲 人 要 饿 住 个 肚 ，有啲 人 就 饮 醉 咗 。
22 你哋 要 饮 嘢 食 嘢 ，唔 可以 喺 自己 屋企 嘅 咩 ？定系 你哋 藐视 上帝 嘅 会众 ，想 令 嗰啲 冇 嘢食 嘅 穷人 难堪 呢 ？对 你哋 ，我 仲有 乜嘢 好 讲 ？系咪 应该 称赞 你哋 吖 ？你哋 噉 做 ，我 真系 冇 办法 称赞 你哋 。
23 我 教导 你哋 嘅 系 我 喺 主 嗰度 学 到 嘅 。喺 主 耶稣 俾 人 出卖 嗰晚 ，佢 拎 起 饼 ，
24 感谢 上帝 之后 就 搣 开 块 饼 ，佢 话 ：“呢个 指 嘅 系 我 嘅 身体 ，系 为 你哋 牺牲 嘅 。你哋 要 不断 噉样 做 嚟 纪念 我 。”
25 佢 亦 都 喺 晚餐 之后 拎 起 杯 酒 ，话 ：“呢 杯 酒 指 嘅 系 凭 我 嘅 血 订立 嘅 新约 。你哋 要 不断 噉样 做 ，你哋 每 次 饮 嘅 时候 ，就系 纪念 我 嘞 。”
26 你哋 每 次 食 呢个 饼 、饮 呢 杯 酒 ，就系 宣扬 主 嘅 死 ，直至 佢 嚟 到 。
27 所以 ，边个 唔 配 食 呢个 饼 、饮 主 嗰 杯 酒 ，但系 又 噉样 做 ，就系 得罪 主 嘅 身体 同 主 嘅 血 。
28 每 个 人 都 应该 认真 谂 吓 *自己 系咪 合适 ，然后 先至 食 呢个 饼 ，饮 呢 杯 酒 。
29 因为 食 饼 饮 酒 嘅 人 如果 唔 理解 呢个 系 代表 主 嘅 身体 ，噉 当 佢 食 饼 饮 酒 嘅 时候 就 会 定 自己 有 罪 嘞 。
30 唔 怪 之 得 你哋 当中 好 多 人 都 软弱 有 病 ，亦 都 有 唔少 人 已经 长眠 *。
31 不过 如果 我哋 睇 清楚 自己 系 点样 嘅 人 ，就 唔 会 受 到 审判 。
32 但系 如果 我哋 真系 受 到 审判 ，就系 俾 耶和华 *管教 ，噉 我哋 就 唔 会 同 世人 一齐 被 定罪 嘞 。
33 所以 ，我 嘅 弟兄 ，你哋 聚 埋 一齐 食 呢个 晚餐 嘅 时候 ，要 等 大家 都 到 齐 先 食 。
34 边个 肚饿 ，就 应该 喺 屋企 食 咗 嘢 先 ，噉 你哋 聚集 嘅 时候 就 唔 会 被 定罪 嘞 。其余 嘅 问题 ，等 我 嚟 到 再 解决 啦 。
