第1课

好消息系乜嘢?

好消息系乜嘢?

1.嚟自上帝嘅好消息系乜嘢?

人类喺地上享受生活

 上帝希望人类喺地上享受生命。佢好爱人类,所以创造咗地球同地上嘅一切。好快,佢就会为地上嘅人带嚟美好嘅生活,唔会再容许人受苦。 请读耶利米书29:11

 世上冇一个政府可以消除暴力、疾病同死亡。不过,圣经嘅好消息话,上帝已经设立咗一个政府,呢个政府好快就会取代世上嘅所有政府。呢个政府嘅人民会享有真正嘅和平同健康。 请读以赛亚书25:8;33:24;但以理书2:44

2.点解我哋而家就需要知道呢个好消息?

 只有当上帝消灭坏人之后,世上嘅苦难先至会终止。(西番雅书2:3)呢件事会喺几时发生呢?圣经早就预告,喺呢件事发生之前,世上嘅坏人坏事会越来越多。今日世界嘅情况表明,上帝好快就会采取行动。 请读提摩太后书3:1-5

3.我哋应该点样做呢?

 我哋应该通过学习圣经嚟认识上帝。圣经就好似一封信噉,系由一位仁爱嘅爸爸写俾仔女嘅。佢话俾我哋知,而家点样可以过更好嘅生活,将来点样先可以喺地上永远生活落去。或者有啲人唔钟意你学习圣经,但系学习圣经可以使你享有美好嘅未来,所以千祈唔好错过呢个咁好嘅机会。 请读箴言29:25;启示录14:6,7