跳到内容

跳到目录

 岁​月​留​痕

“下次大会系几时啊?”

“下次大会系几时啊?”

呢​件​事发​生​喺​1932​年​嘅​墨西哥​城。一​个​星期​之前,喺​呢个​人口​超过​一百​万​嘅​繁忙​城市,啱啱​出现​咗​第​一​盏​交通​灯。不过​而家,呢个​已经​唔​算​乜嘢​新闻​嘞。城市​记​者​关注​嘅​系​另​一​个​新闻。佢哋​喺​火车​站,准备​好​摄​影​机,等待​紧​一​位​特别​客​人​嘅​到​来。呢位​客​人​就系​当时​守望台社​嘅​社​长​约瑟夫·卢述福。卢述福​弟兄​嚟​墨西哥​城​参加​一​个​为期​三​日​嘅​全国​大会,当地​嘅​见证人​亦​都​在场​热烈​欢迎​佢。

《黄金时代》描述​话:“呢​次​大会​将​会​成为​墨西哥​属灵​历史​上​嘅​一​个​重大​事件,表明​真理​嘅​步伐​喺​墨西哥​继续​向​前​迈​进。”但​乜嘢​令​呢个​只​有​150​人​参加​嘅​大会​咁​值得​人​注意​呢?

喺​呢​件​事发​生​之前,墨西哥​嘅​王国​果实​只​有​好少​嘅​收成。虽然​从​1919​年​开始,墨西哥​都​有​举办​小​型​大会,不过​会众​数目​就​一直​喺​度​减少。1929​年,喺​墨西哥​城​设立​咗​分部​办事处,为​当地​嘅​属灵​发展​带​嚟​咗​希望。但系,事情​发展​并​唔​顺利。当​组织​指示​话​传道​工作​唔​应该​涉及​商业​活动​嗰时,一​个​派书者(而家​叫​先驱)对​呢个​调​整​好​不​满,于是​离开​组织,成立​自己​嘅​圣经​研究​小组。同时,分​社​监督(而家​叫​分部​监督)因为​做​咗​啲​违反​圣经​原则​嘅​事​而​被​撤​换。墨西哥​忠贞​嘅​见证人​真​系​好​需要​得到​鼓励。

喺​探访​期间,卢述福​弟兄​发表​咗​两​个​振奋​人心​嘅​大会​演讲,同​五​个​有力​嘅​电台​演讲,激​励​咗​忠心​嘅​弟兄​姊妹。呢个​系​墨西哥​广播​电台​首次​向​全国​播放​王国​嘅​好消息。大会​之后,新​委任​嘅​分​社​监督​将​传道​工作​组织​起嚟。热心​嘅​见证人​得到​耶和华​嘅​祝福,重新​得​力,向​前​迈​进。

1941​年​墨西哥​城​嘅​大会

下​一​年,喺​墨西哥​全国,除咗​墨西哥​城​嘅​大会​之外,喺​韦​拉​克鲁斯​又​举办​多​一​个​大会。因为​弟兄​姊妹​努力​传道,田地​开始​有​好​嘅​收成。1931​年,墨西哥​只​有​82​个​传道员。10​年​之后,传道员​嘅​数目​就​增加​咗​10​倍!墨西哥​城​1941​年​神治​大会​嘅​出席​人数,就​有​成​1000​人。

“全​城​入​侵”

1943​年,耶和华见证人​挂​住​标语牌(三​文​治​牌),宣传​一​个​会​喺​墨西哥​12​个​城市​举行,主题​为“自由​嘅​国家”嘅​神治​大会。 * 佢哋​将​标语牌​挂​喺​膊头,身体​嘅​前后​各​有​一​块,睇​起嚟​就​好 似​三​文​治​噉。自从​1936​年​以来,见证人​就​开始​用​呢​种​宣传​方式​作​见证。

一​张​1944​年​嘅​剪报,报道​咗​墨西哥​城​嘅“三​文​治​牌”游行

关于​墨西哥​城​嘅​标语牌​游行,《民族》杂志​话:“喺[大会]嘅​第​一​日,[见证人]受​到​鼓励​邀请​更​多​人​参加​大会。结果​第​二​日,会场​就​坐​满​晒​人。”天主教会​见到​见证人​嘅​游行​带​嚟​咁​大​嘅​影响​就​好​唔​开心,于是​发​起​攻击,对​付​见证人。即使​受​到​反对,弟兄​姊妹​依然​勇敢​无惧,继续​喺​街​上​传道。《民族》又​报道​话:“全​城​人​都​见到​佢哋……有男有女,个个​都​变​成​咗‘三​文​治’宣传​牌。”文章​仲​刊登​咗​一​张​弟兄​喺​墨西哥​城​街​上​游行​嘅​相。呢​张​相​下面​有​个​说明,写​住“全​城​入​侵”。

“呢啲​床舒服​过​水​泥​地”

喺​嗰​段​岁​月,大部分​见证人​都​要​作出​好​大​嘅​牺牲​先至​可以​参加​墨西哥​举行​嘅​大会。好多​参加​大会​嘅​人​都​嚟自​冇​火车,甚至​连​路​都​冇​嘅​偏远​乡村。有​个​会众​话:“我哋​附近​咩​线​都​冇,净系​得​条​电报线。”所以,参加​大会​嘅​人​有啲​骑骡,有啲​行​路,要​用​好​几​日​嘅​时间​到达​火车​站,仲​要​再​坐​火车,先至​去​到​举行​大会​嘅​城市。

大部分​见证人​都​好​穷,甚至​去​大会​嘅​单​程​路​费​都​几乎​俾​唔​起。到达​之后,有啲​人​住​喺​王国聚会所,好多​人​就​住​喺​弟兄​姊妹​屋企。当地​嘅​见证人​都​好​乐意​开​放​自己​屋企,接​待​嚟​参加​大会​嘅​同工。有​一​次,有​90​个​出席​大会​嘅​人​住​喺​分部。分部​向​佢哋​每​个​人​都​提供​一​张“用​20​箱​书​拼​成​嘅​床”。年鉴​嘅​记载​话,呢啲​客​人​好​感激​分部​提供​嘅​住​宿,话:“呢啲​床舒服​过​水​泥​地。”

毫无​疑问,对​呢啲​充满​感激​之​情​嘅​见证人​嚟​讲,可以​喺​基督徒​大会​同​弟兄​姊妹​欢​聚​一​堂,一切​牺牲​都​系​值得​嘅。今日,墨西哥​嘅​传道员​数目​已经​稳​步​上升​到​接近​一百​万,当地​嘅​弟兄​姊妹​始终​有​感恩​嘅​态度。 * 墨西哥​分部​喺​1949​年​嘅​报告​评论​到​呢啲​弟兄​话:“喺​咁​艰难​嘅​时期,佢哋​对​真理​嘅​热情​都​冇​减少。每​次​大会​结束​咗​好​长​时间​之后,佢哋​都​仲​会​经常​讨论​大会​嘅​内容,而且​会​一直​问:‘下​次​大会​系​几时​啊?’”呢​份​报告​讲​出​咗​今日​弟兄​姊妹​嘅​感受。——中​美洲​分部​档案​室

^ 9段 《年鉴​1944​年》(英语)指​出,呢个​大会“使​耶和华见证人​喺​墨西哥​为​人​所​知”。

^ 14段 2016​年,墨西哥​有​2,262,646​人​出席​耶稣​受难纪念​聚会。