跳到内容

跳到目录

喺任何考验下耶和华都安慰我哋

喺任何考验下耶和华都安慰我哋

“赐​一切​安慰​嘅​上帝……我哋​遭遇​各样​患难​嘅​时候,上帝​都​安慰​我哋”——哥林多后书​1:3,4

唱诗​38,56​

1,2. 喺​我哋​遇到​患难​嘅​时候,耶和华​点样​安慰​我哋?佢​嘅​话语​俾​我哋​乜嘢​保证?

一​个​叫​爱德华多​嘅​年轻​单​身​弟兄,同​一​个​叫​斯蒂芬​嘅​已婚​长老​讲​佢​嘅​忧虑。爱德华多​睇​到​哥林多前书​7:28​话“结婚​嘅​人​必​身​受​患难。”佢​问:“经文​讲​嘅‘患难’系​乜嘢​呢?如果​我​结婚,可以​点样​应付​患难​呢?”喺​解答​呢个​问题​之前,斯蒂芬​叫​爱德华多​先​谂​吓​使徒​保罗​写​嘅​话,“[耶和华​系]赐​一切​安慰​嘅​上帝……我哋​遭遇​各样​患难​嘅​时候,上帝​都​安慰​我哋”。(哥林多后书​1:3,4

2 耶和华​的确​系​一​位​仁爱​嘅​爸爸,喺​我哋​面对​困难​嘅​时候​安慰​我哋。佢​通常​通过​佢​嘅​话语​俾​我哋​帮助​同​指引,可能​你​都​亲身​体验​过。就​好似​耶和华​对​以前​嘅​忠仆​做​嘅 噉,我哋​可以​肯定​佢​都​想​我哋​得到​最​大​嘅​益处。(请​读​耶利米书​29:11,12

3. 呢​篇​课文​会​解答​边啲​问题?

3 如果​我哋​了解​到​难题​或者​患难​嘅​根本​原因,就​更加​容易​应付​嘞。婚姻​或​家庭​的确​会​带嚟​患难。噉​使徒​保罗​提到​嘅“患难”指​嘅​系​乜嘢?圣经​时代​同​现代​有​乜嘢​例子​可以​帮助​我哋​得到​所​需​嘅​安慰​呢?知道​呢啲​问题​嘅​答案,可以​帮助​我哋​应付​难题。

“身​受​患难”

4,5. “身​受​患难”嘅​一啲​原因​系​乜嘢?

4 人类​历史​开始​之后,耶和华​创立​咗​婚姻​安排,佢​话:“人​要​离开​父母,从此​与​妻子​厮守,二​人​成为​一体。”(创世记​2:24)但系​唔​完美​嘅​人​组织​新​家庭,家人​之间​嘅​关系​难免​会​变​得​紧张。(罗马书​3:23)一般​嚟​讲,结婚​之后​父母​嘅​领导权​会​由​丈夫​嚟​代替。丈夫​对​妻子​行使​领导权​系​耶和华​嘅​安排。(哥林多前书​11:3)有啲​新婚​夫妇​觉得​噉样​做​好​唔​容易。按照​圣经​嘅​原则,结婚​之后​妻子​应该​接受​丈夫​嘅​指引,而​唔系​父母​嘅。新婚​夫妇​亦​都​会​因为​同​配偶​父母​嘅​关系​紧张​而​遭受​患难。

5 当​妻子​同​佢​丈夫​讲“我​有​咗​喇!”嘅​时候,新​嘅​烦恼​就​出现​嘞。本来​BB​嘅​出现​会​为​夫妇​带嚟​喜乐,不过​怀孕​期间​或者​之后​出现​嘅​医疗​问题​就​使​到​呢​种​喜乐​大打折扣。经济​方面​嘅​计划​打​乱​晒,而​BB​出世​之后​要​做​嘅​调整​就​更加​多​嘞。新​妈妈​嘅​时间​同​精力​都​会​集中​喺​BB​身上。由于​噉,好多​做​丈夫​嘅​都​觉得​受​到​冷落。另​一​方面,丈夫​有​咗​新​嘅​职责,因为​要​照顾​同​供养​家庭​嘅​新​成员,担子​就​更加​重​嘞。

6-8. 想​生儿育女​嘅​愿望​实现​唔​到,点解​系​患难?

6 有啲​夫妇​就​要​面对​另​一​种​唔​同​嘅​患难。佢哋​好​想​要​BB,但系​就​怀​唔​到​孕。如果​做​妻子​嘅​遇到​呢​种​情况,佢​会​觉得​好​难受。无论​结婚​定​系​生儿育女​都​会​有​患难,不过​对于​好​想​生​BB​嘅​人​嚟​讲,冇​得​生​就​真系“身​受​患难”嘞。(箴言​13:12)喺​圣经​时代,不育​通常​系​好​大​嘅​耻辱。雅各​嘅​妻子​拉结​见​到​家姐​有​小朋友,而​自己​冇,就​觉得​好​痛苦。(创世记​30:1,2)特派​传道员​喺​嗰啲​家庭​观念​好​重​嘅​地区​服务​嗰时,经常​俾​人​问​起​点解​佢哋​仲​未​有​细路。就算​佢哋​解释​得​几咁​合情合理,通常​得到​嘅​回应​都​可能​系:“唔好​等​咁​耐​喇,都​系​早​啲​生​好!”

7 我哋​再​嚟​睇​吓​英国​一​个​姊妹​嘅​例子。佢​好​想​要​BB,但​呢个​愿望​冇办法​实现。佢​过​咗​生育​时期​之后,更加​意识​到​自己​嘅​愿望​喺​目前​嘅​制度​点​都​实现​唔​到,所以​觉得​好​失望。佢​同​丈夫​决定​收养​一​个​细路。虽然​系​噉,佢​话:“我​内心​经历​咗​一​翻​挣扎​先​可以 慢慢​接受​呢个​现实,但系​我​觉得​亲生​同​收养​嘅​始终​都​系​唔​一样​嘅。”

8 圣经​提到​基督徒​妇女​会“因​生儿育女​而​得​保​平安。”(提摩太前书​2:15)但​呢​句​话​唔系​话​生儿育女​就​可以​得到​永生。相反,指​嘅​系​如果​一​个​女人​专心​照顾​儿女,打理​家头细务,就​可以​避免​养成​讲​人​闲话、好​管​闲事​嘅​坏​习惯。(提摩太前书​5:13)不过,佢​仲系​会​有​婚姻​同​家庭​方面​嘅​患难。

乜嘢​可以​帮助​承受​丧偶​之​痛​嘅​人​继续​忍耐​落去?(请​睇​第​9,12​段)

9. 点解​讲​痛​失​配偶​系​一​种​独特​嘅​患难?

9 有​一​种​婚姻​嘅​患难,可能​好​容易​俾​人​忽略,就​系​面对​配偶​嘅​死亡。痛失​深爱​嘅​配偶​的确​系​一​种​独特​嘅​患难,呢个​系​边个​都​冇​谂​过​要​去​面对​嘅。基督徒​坚信​耶稣​嘅​复活​应许​一定​会​实现。(约翰福音​5:28,29)对​痛失​配偶​嘅​人​嚟​讲,呢个​希望​有​乜嘢​意义​呢?佢哋​喺​好​大​程度​上​可以​得到​安慰。另外,我哋​仁爱​嘅​天父​亦​都​通过​佢​嘅​话语,帮助​同​安慰​嗰啲​正​喺度​遭受​患难​嘅​人。而家,等​我哋​睇​吓​上帝​嘅​忠仆​点样​从​耶和华​提供​嘅​安慰​得到​益处。

喺​患难​时​得到​安慰

10. 哈拿​点样​寻求​帮助​摆脱​痛苦?(请​睇​吓​课文​开头​嘅​图片)

10 以利加拿​心爱​嘅​妻子​哈拿​要​面对​一​种​特别​嘅​患难。当​以利加拿​嘅​另​一​个​妻子​比妮拿​生​咗​好多​仔女​嘅​时候,哈拿​仲系​冇​得​生。(请​读​撒母耳记上​1:4-7哈拿“年​年”都​遭受​比妮拿​嘅​羞辱,所以​佢​觉得​好​伤心、好​痛苦。哈拿​为咗​呢​件​事,向​耶和华​祷告​寻求​帮助,而且​佢“向​耶和华​祷告​咗​好​耐”。佢​系咪​好​想​耶和华​应承​佢​嘅​请​求​呢?一定​系​噉。唔理​点样,之后​佢“面​上​再​冇​愁容”嘞。(撒母耳记上​1:12,17,18)因为​佢​相信,无论​有冇​得​生​都​好,耶和华​一定​有​方法​为​佢​带嚟​安慰。

11. 祷告​点样​带​俾​我哋​安慰?

11 只要​一​日​我哋​仲​未​恢复​完美,仲​喺​撒但​统治​嘅​制度​之下,考验​同​患难​都​会​持续。(约翰一书​5:19)不过,我哋​好​开心​知道​耶和华​系“赐​一切​安慰​嘅​上帝”!我哋​可以​通过​祷告​得到​帮助,应付​个​人​嘅​考验​同​患难。哈拿​向​耶和华​倾心吐意。同样,喺​面对​患难​嗰时,我哋​净系​对​耶和华​提及​我哋​嘅​感受​系​唔够​嘅。我哋​需要​向​佢​恳切​祈求,就​系​通过​祷告​将​心底话​毫无​保留​噉​传递​俾​耶和华。(腓立比书​4:6,7

12. 乜嘢​帮助​寡妇​安娜​揾​到​喜乐?

12 就算​我哋​因为​不育​或者​痛失​配偶,而​觉得​自己​嘅​人生​有​一​个​无法​填补​嘅​伤痛,我哋​依然​可以​得到​安慰。喺​耶稣​嘅​日子,女​先知​安娜​结婚​7​年​就​成​咗​寡妇。圣经​冇​提过​佢​有​仔女。安娜​84​岁​高龄​嘅​时候​仲​坚持​做​乜嘢​呢?路加福音​2:37​记载​话:“佢​从​未​试​过​唔​去​圣殿,日​夜​都​敬奉​上帝,又​禁食,又​恳切​祈求。”冇错,安娜​通过​崇拜​耶和华​得到​喜乐​同​安慰。

13. 真​朋友​可以​点样​带​俾​人​安慰?请​举例。

 13 同​弟兄姊妹​保持​紧密​嘅​关系,我哋​就​可以​揾​到​真​朋友。(箴言​18:24)葆拉​5​岁​嗰时,妈妈​离开​咗​真理,当时​佢​真系​好​伤心。要​渡过​呢个​考验​的确​唔​容易。不过,会众​一​位​叫​安​嘅​先驱​姊妹​对​佢​表现​个​人​关注,令​佢​喺​灵性​上​得到​好​大​嘅​鼓励。葆拉​话:“虽然​安​唔系​我​屋企人,但​佢​对​我​表现​嘅​关爱,真系​俾​到​我​好​大​嘅​帮助,令​我​可以​继续​事奉​耶和华。”葆拉​对​耶和华​保持​忠贞,令​佢​更加​开心​嘅​系,妈妈​后​来​返翻​真理​入面,佢哋​可以​再次​一齐​事奉​耶和华。葆拉​嘅​属灵​妈妈​安​亦​都​为​此感​到​好​开心。

14. 我哋​主动​安慰​人​可以​得到​乜嘢​福分?

14 有​意思​嘅​系,如果​我哋​怀住​爱心​对​其他​人​表现​个​人​关注,就​唔​会​成​日​留意​住​自己​嘅​消极​情绪。无论​已婚​抑或​未婚​嘅​姊妹​都​发觉,作为​上帝​嘅​同工​宣扬​好消息​系​好​大​嘅​喜乐。佢哋​嘅​目标​系​执行​上帝​嘅​旨意,荣耀​上帝。当中​有啲​人​甚至​觉得​传道​好似​使​佢哋​嘅​病​痛​都​可以​得到​医治。可以​肯定​嘅 系,无论​喺​会众​抑或​喺​传道​地区,如果​我哋​主动​去​关心​人,就​可以​促进​会众​成员​之间​嘅​紧密​关系。(腓立比书​2:4)使徒​保罗​系​个​好​榜样。佢​唔单止“好似​母亲​乳养​爱护​自己​嘅​仔女​一样”去​对待​帖撒罗尼迦​会众,佢​同时​都​系​一​位​属灵​嘅​父亲。(请​读​帖撒罗尼迦前书​2:7,11,12

喺​家庭​中​得到​安慰

15. 喺​教导​仔女​圣经​方面,主要​系​边个​嘅​责任?

15 等​我哋​嚟​睇​吓,可以​点样​安慰​同​帮助​一啲​家庭。有时,新​人​会​请​成熟​嘅​传道员​去​同​仔女​讲​圣经,甚至​请​佢哋​主​持​埋​圣经​课程。按照​圣经​原则,教导​同​训练​仔女​主要​系​父母​嘅​责任。(箴言​23:22;以弗所书​6:1-4)有时​父母​好​需要​其他​人​帮手,但​教导​儿女​嘅​义​务​始终​系​冇​人​可以​替​代​嘅。家庭​成员​之间​都​需要​经常​沟​通。

16. 同​小朋友​学习​圣经​嗰时,传道员​需要​留意​乜嘢?

16 如果​一​位​传道员​受​到​邀请​去​教​人哋​仔女​圣经,噉​佢​就​要​小心​唔好​代替​咗​父母​嘅​角色。某​啲​情况​之下,虽然​父母​对​真理​唔​感​兴趣,但​佢哋​又​想​见证人​同​仔女​学习​圣经。传道员​要​留意,净系​提供​属灵​嘅​帮助​就​得​嘞,千祈​唔好​做​埋​人哋​父母。如果​喺​小朋友​屋企​学习​圣经​嘅​话,一​系​就​父母​在场,一​系​就​邀请​另​一​个​成熟​嘅​传道员​一齐​去,或者​去​适当​嘅​公众​场所,噉​就​唔​会​造成​误解。当然,我哋​都​希望​小朋友​嘅​父母​最终​可以​负起​上帝​赐予​嘅​责任,照顾​好​仔女​嘅​属灵​需要。

17. 年轻人​可以​点样​为​家人​带嚟​安慰?

17 爱​耶和华​而且​听从​佢​教导​嘅​小朋友​同​年轻人​都​可以​成为​家庭​嘅​安慰​来源。佢哋​尊重​父母,而且​为​家人​提供​实际​嘅​帮助,亦​都​作出​有​价值​嘅​属灵​贡献,就​可以为​家人​带嚟​安慰。大洪水​之前,塞特​嘅​仔​拉麦​系​崇拜​耶和华​嘅,佢​提到​自己​嘅​仔​挪亚​话:“耶和华​咀咒​土地,加​重​我哋​嘅​工作​同​手​中​嘅​劳苦,但系​我哋​一定​会​因为​呢个​仔​而​得到​安慰。”当​咀咒​从​地上​除去​嘅​时候,预言​就​实现​嘞。(创世记​5:29;8:21)所以,追求​纯​真​崇拜​嘅​年轻人​可以为​家庭​带嚟​安慰,帮助​家人​忍受​目前​嘅​考验。甚至​将来,可以​应付​比​大洪水​更​猛烈​嘅​考验,得​以​保全​生命。

18. 喺​面对​考验​或者​患难​嘅​时候,乜嘢​可以​帮助​我哋​勇敢​忍​耐​落去?

18 数​以​百万​计​嘅​人​遇到​各种​考验​嘅​时候,佢哋​向​耶和华​祷告,沉思​圣经​入面​嘅​榜样,同​上帝​嘅​子民​紧密​来往,从中​得到​莫大​嘅​安慰。(请​读​诗篇​145:18,19如果​我哋​紧记​耶和华​系​恒久​安慰​嘅​来源,无论​而家​定​系​未来,喺​佢​帮助​之下,我哋​一定​可以​喺​患难​当中​保持​忍耐,勇气​十足​噉​去​面对​各种​考验!