跳到内容

跳到目录

耐心——怀住目标去忍耐

耐心——怀住目标去忍耐

喺“最后​嘅​日子”,我哋​面对​嘅​压力​越来越​大,所以​我哋​比​以往​更​需要​表现​耐心。(提摩太后书​3:1-5)呢个​世界​好多​人​都​冇​咩​耐心,佢哋​专​爱​自己、钟意​争辩、缺乏​自制。所以,每​个​基督徒​都​应该​问​吓​自己:“我​有​冇​受​世界​影响​而​失去​耐心?真正​嘅​耐心​系​乜嘢​意思?我哋​点样​做,就​可以​使​耐心​呢​种​特质​成为​自己​品格​嘅​一​部分?”

耐心​系​乜嘢​意思?

圣经​所​讲​嘅​耐心,唔​系​只系​忍受​逆境。一​个​效法​上帝​表现​耐心​嘅​人​会​怀​住​某​个​目标​去​忍耐。佢​唔​系​只系​关心​自己,亦​都​会​顾及​其他​人​嘅​感受,包括​冒犯​佢​嘅​人。因为​噉,一​个​有​耐心​嘅​人​就算​俾​人​得罪,都​唔​会​放弃​改善​彼此​关系​嘅​希望。圣经​列​出​咗​好多​由​爱​产生​嘅​美好​特质,而​首先​提​到​嘅​就系“耐心”。 *哥林多前书​13:4)上帝​嘅​话语​亦​都​将“耐心”列​为​圣灵​果实​嘅​其中​一​种​特质。(加拉太书​5:22,23)噉​我哋​可以​点样​培养​呢​种​特质?

点样​培养​耐心

耶和华​会​通过​圣灵​帮助​嗰啲​信赖​佢​嘅​人,所以,我哋​想​培养​耐心​呢​种​特质,就​要​祈求​佢​赐​圣灵​俾​我哋。(路加福音​11:13)虽然​圣灵​好​强大,可以​帮助​我哋,但系​我哋​自己​都​要​付出​努力,采取​同​祷告​一致​嘅​行动。(诗篇​86:10,11)呢个​意味​住,我哋​每​日​都​要​尽力​表现​耐心,使​呢​种​特质​成为​我哋​品格​嘅​一​部分。不过,我哋​有时​都​会​失去​耐性。仲​有​乜嘢​可以​帮助​我哋?

沉思​同​效法​耶稣​嘅​完美​榜样,可以​帮助​我哋​培养​耐心​呢​种​特质。保罗​所​讲​嘅“新品格”包括​耐心,佢​鼓励​我哋​话:“要​俾​基督​嘅​和平​支配​你哋​嘅​心”。(歌罗西书​3:10,12,15)我哋​噉样​做​就系​跟从​耶稣​嘅​榜样,深信​耶和华​会​喺​佢​认为​最​适当​嘅​时候​为​我哋​纠正​事态。如果​我哋​对​耶和华​有​信心,就​唔​会​容许​身边​所​发生​嘅​事​令​自己​失去​耐心。(约翰福音​14:27; 16:33

我哋​都​好想​耶和华​应许​嘅​新世界​快啲​嚟​到,但系​我哋​都​要​学识​耐心​等待。圣经 话:“耶和华​实现​佢​嘅​应许​并​唔​迟缓,唔​似​有啲​人​认为​佢​迟缓​一样。佢​系​对​你哋​有​耐心,唔​愿意​有​一​个​人​被​毁灭,只​愿​人人​最终​都​悔改。”(彼得后书​3:9)沉思​耶和华​对​人类​几​咁​有​耐心,我哋​就​会​受​到​推动,努力​向​人​表现​呢​种​美好​特质。(罗马书​2:4)我哋​喺​乜嘢​情况​下​需要​表现​耐心?

需要​表现​耐心​嘅​情况

我哋​每​日​都​会​遇​到​好多​考验​我哋​耐性​嘅​情况。例如,人哋​讲​紧​话​嘅​时候,就算​我哋​有​话​想​讲,可能​都​要​表现​耐心,唔​好​打​断​对方。(雅各书​1:19)如果​有啲​弟兄​姊妹​嘅​行为​令​我哋​唔​舒服,我哋​亦​都​要​表现​耐心。我哋​最好​谂​吓​耶和华​同​耶稣​点样​包容​我哋​嘅​缺点,而​唔​系​作出​过激​嘅​反应。佢哋​唔​会​特​登​用​放大镜​嚟​睇​我哋​小小​嘅​缺点。相反,佢哋​留意​我哋​嘅​好​品格,而且​耐心​等待​我哋​进步。(提摩太前书​1:16;彼得前书​3:12

有​人​因为​我哋​讲​错​话​或者​做​错事​而​向​我哋​提​出​建议​嘅​时候,我哋​嘅​耐心​可能​就​会​受​到​考验。我哋​嘅​第​一​反应​可能​系,觉得​俾​人​冒犯​同埋​想​为​自己​辩护。不过,上帝​嘅​话语​教导​我哋,应该​用​另​一​种​方式​去​回应。经文​话:“耐心​嘅​人​胜​过​心高气傲​之​辈。你​唔​好心​里​急躁,轻易​动怒,因为​怒气​留​喺​愚昧​人​嘅​怀​中。”(传道书​7:8,9)所以,就算​对方​讲​得​唔啱,我哋​仲系​要​有​耐心,谂​清楚​之后​再​作出​回应。耶稣​受​到​唔​公正​嘅​控告​嗰时​正​系​实践​咗​呢个​原则。(马太福音​11:19

父母​教导​或者​纠正​儿女​嘅​态度​同行​为​嗰时,特别​需要​表现​耐心。请​睇​吓​马蒂亚斯​嘅​例子。佢​系​斯堪的纳维亚​嘅​伯特利​家庭​成员。马蒂亚斯​十几​岁​嗰时,因为​自己​嘅​信仰,成日​俾​同学​取笑。佢​父母​起初​唔​知道​呢​件​事,不过​后来,佢哋​发现​马蒂亚斯​开始​怀疑​自己​嘅​信仰。马蒂亚斯​嘅​爸爸​伊利​斯​提​到,佢​同​太太​当时​真系​要​好​有​耐心​先至​得。马蒂亚斯​会​问:“上帝​系​边个?圣经​真系​上帝​嘅​话语?我哋​点​知道​上帝​真系​想​我哋​噉样​做?”佢​亦​都​会​问​爸爸:“如果​我​信​嘅​同​你哋​唔​一样,系咪​就​错​呢?”

伊利​斯​话:“有时,阿​仔​会​好​嬲​噉​提​出​呢啲​问题,其实​佢​针对​嘅​唔​系​妈妈​同​我,而系​自己​嘅​信仰。佢​觉得,如果​唔​系​因为​呢个​信仰,自己​就​唔​会​有​咁​多​烦恼。”伊利​斯​点样​做?佢​话:“我​会​同​阿​仔​一齐​坐​低​倾​吓​计,有时​一​倾​就​几​个​钟。我​会​细心​听​佢​讲,间中​问​啲​问题​去​了解​佢​心​入面​嘅​感受​同​睇法。有时,我​会​同​佢​分析​吓​啲​问 题,俾​充足​嘅​时间​佢​谂​一​谂,然后​再​一齐​讨论。有时​我​会话,我​都​需要​啲​时间​认真​谂​吓​佢​嘅​观点。我哋​经常​噉样​交谈,过​咗​一​段​时间,马蒂亚斯​对​赎价、至高统治权​同埋​耶和华​嘅​爱​等​圣经​真理​就​越来越​有​体会。噉样​做​真系​需要​时间,亦​都​唔​容易,不过​马蒂亚斯​就​慢慢​培养​出​爱​耶和华​嘅​心。我​同​太太​都​觉得​好​开心,因为​我哋​表现​耐心,努力​帮助​阿​仔​渡过​青少年​时期,最终​打动​咗​佢​嘅​心。”

伊利​斯​同​太太​耐心​噉​引导​佢哋​嘅​仔,亦​都​相信​耶和华​会​提供​帮助。伊利​斯​话:“我​经常​同​马蒂亚斯​讲,我哋​好​爱​佢,经常​会​恳切​噉​为​佢​祷告,求​耶和华​帮助​佢​明白​真理。”呢​对​父母​好感​激​耶和华​帮助​佢哋​表现​耐心​呢​种​重要​特质!

基督徒​照顾​长期​患​病​嘅​亲友​嗰时,除咗​喺​属灵​上​帮助​佢哋,亦​都​要​向​佢哋​表现​耐心。请​睇​吓​同样​住​喺​斯堪的纳维亚​嘅​艾伦 *嘅​例子。

大约​8​年​前,艾伦​嘅​丈夫​中​咗​两​次​风,结果​大脑​机能​受损。佢​感受​唔​到,亦​都​唔​识得​表达​开心、悲伤、怜悯​呢啲​情感。呢个​对​艾伦​嚟​讲​真系​好​唔​容易。佢​话:“我​要​表现​好​大​嘅​耐心,亦​都​要​经常​祷告。腓立比书​4:13​系​我​最​钟意​嘅​经文,使​我​得到​好​大​嘅​安慰。经文​话:‘我​靠​住​赐​力量​俾​我​嘅​嗰​位,凡​事​都​能够​应付。’”全​靠​呢​种​力量,艾伦​得以​全心​信赖​耶和华​嘅​帮助,继续​耐心​噉​保持​忍耐。(诗篇​62:5,6

效法​耶和华​嘅​耐心

耶和华​系​表现​耐心​嘅​最​高​典范,我哋​应该​效法​佢。(彼得后书​3:15)圣经​有​好多​记载​都​表明​耶和华​对​人类​表现​极大​嘅​耐心。(尼希米记​9:30;以赛亚书​30:18)例如,当​亚伯拉罕​对​耶和华​毁灭​所多玛​呢​件​事​提​出​疑问​嗰阵,耶和华​点样​回应?值得​留意​嘅​系,亚伯拉罕​讲话​嘅​时候,耶和华​冇​打​断​佢,而系​耐心​噉​听​佢​提​出​问题,表达​忧虑。耶和华​用心​听​完​亚伯拉罕​提​出​嘅​忧虑,然后​向​亚伯拉罕​保证,只要​所多玛​有​十​个​义人,就​唔​会​毁灭​呢​座​城。(创世记​18:22-33)耶和华​冇​唔​耐烦,而系​耐心​聆听,真系​我哋​嘅​好​榜样!

耐心​呢​种​嚟自​上帝​嘅​特质,系​新品格​必​不可​少​嘅​一​部分,所有​基督徒​必需​穿​上​呢​种​特质。如果​我哋​努力​培养​呢​种​宝贵、恒久​嘅​特质,我哋​就​可以​荣耀​仁慈​同​有​耐心​嘅​天父,成为“凭​信心​同​忍耐​得​着​应许​嘅​人”。(希伯来书​6:10-12

^ 4段 爱心​呢​种​特质​已经​喺“圣灵​嘅​果实”系列​文章​嘅第​一​篇讨论​过。

^ 15段 化名