跳到内容

跳到目录

你想得到边个嘅认可?

你想得到边个嘅认可?

“上帝​系​正义​嘅,绝对​唔​会​忘记​你哋​所​做​嘅​工作​同​你哋​为​佢​嘅​名​所​显​嘅​爱心”——希伯来书​6:10

唱诗​39,30​

1.人类​天​生​就​有​乜嘢​需要?

如果​你​认识​而且​尊敬​嘅​人​唔​记得​你​嘅​名,或者​甚至​完全​唔​认​得​你,噉​你​会​有​乜嘢​感受​呢?可能​你​会​唔​开心。点解?因为​我哋​每​个​人​天​生​就​希望​受​到​关注,想​得​到​其他​人​嘅​认可。我哋​唔​单​止​希望​其他​人​认​得​自己,仲​希望​对方​知道​我哋​系​点样​嘅​人​同埋​做​过​啲​乜嘢​事。(民数记​11:16;约伯记​31:6

2,3.人​过度​渴望​得​到​赏识​就​可能​会​点​做?(请​睇​吓​课文​开头​嘅​图片)

2 虽然​每​个​人​都​希望​受​到​其他​人​嘅​认可​同​赏识,但​由于​我哋​唔​完美,喺​呢​方面​可能​会​失去​平衡。撒但​嘅​世界​令​好多​人​都​想​出​名,渴望​成为​众人​关注​嘅​大人​物。如果​我哋​有​噉样​嘅​态度,就​唔​会​将​天父​耶和华​配​得​嘅​荣耀​同​崇拜​归于​佢。(启示录​4:11

3 喺​耶稣​嘅​日子,有啲​宗教​领袖​为咗​博取​大众​嘅​赞 赏​就​故意​做​一啲​引人注目​嘅​事。耶稣​提醒​佢​嘅​门徒​话:“要​提防​抄经士,佢哋​钟意​着​长​袍​游​嚟​逛​去,钟意​人​喺​市集​广场​上​向​佢哋​问​好,钟意​会堂​入面​嘅​前​座[最好​嘅​座位]同​筵席​上​嘅​首位。”佢​又​话:“呢啲​人​要​受​更​严厉​嘅​判决。”(路加福音​20:46,47)而​另​一​方面,似乎​冇​人​睇​得​起​一​个​穷​寡妇​捐​出​嘅​两​文​小​钱,不过​耶稣​称赞​呢个​寡妇。(路加福音​21:1-4)好​明显,耶稣​喺​呢​方面​嘅​睇法​同​其他​人​好​唔​一样。呢​篇​课文​会​帮助​我哋​持有​耶和华​上帝​嘅​观点。

最​高​嘅​认可

4.乜嘢​系​最​高​嘅​认可?点解?

4 乜嘢​系​最​高​嘅​认可?虽然​好多​人​想​喺​学​术界、商业界​同​娱乐界​出人头地,得​到​世人​嘅​赏识,不过​保罗​讲​明​咗​乜嘢​先至​系​最​值得​追求​嘅。保罗​话:“而家​你哋​既然​认识​上帝,或者​话,已经​系​上帝​所​认识​嘅,点解​又​返转​头​采纳​软弱​贫乏​嘅​肤浅​观念,甘愿​从​头​做​呢啲​事​嘅​奴隶​呢?”(加拉太书​4:9)宇宙​至高​统治者​耶和华​上帝​认识​我哋,呢个​系​几​咁​大​嘅​殊荣!耶和华​好想​同​我哋​有​亲密​嘅​关系。正如​一​位​学者​所​讲,我哋​系“上帝​关注​嘅​对象”。能够​同​耶和华​做​朋友,使​我哋​嘅​人生​充满​意义。(传道书​12:13,14

5.我哋​点样​先​可以​成为​耶和华​嘅​朋友?

5 摩西​系​耶和华​嘅​朋友。有​一​次,佢​恳求​耶和华​帮助​佢​更加​全面​噉“认识[耶和华]嘅​道路”。耶和华​就​回答​佢​话:“你​讲​嘅​呢​件​事​我​亦​应承​你,因为​你​蒙​我​恩待,我​了解​你,认识​你​嘅​名。”(出埃及记​33:12-17)如果​耶和华​认识​我哋,佢​就​会​将​我哋​视​为​朋友,赐​我哋​丰盛​嘅​美​福。不过,我哋​点样​先​可以​成为​耶和华​嘅​朋友​呢?就系​爱​佢,将​自己​嘅​一生​献​俾​佢。(请​读​哥林多前书​8:3

6,7.乜嘢​会​破坏​我哋​同​耶和华​嘅​关系?

6 虽然​我哋​可以​成为​耶和华​嘅​朋友,但系​都​要​继续​保持​呢​份​珍贵​嘅​友谊。加拉太​嘅​弟兄​姊妹​已经​认识​耶和华,耶和华​亦​都​认识​佢哋。但系,佢哋“返转​头”,再次​追求​空虚​嘅​事。保罗​提醒​佢哋​唔​好​成为“软弱​贫乏​嘅​肤浅​观念”嘅​奴隶。(加拉太书​4:9)其实​保罗​嘅​意思​系:“点解​你哋​又​再​成为​呢啲​愚蠢、无​益​嘅​事​嘅​奴隶​呢?”如果​我哋​听从​呢个​劝告,就​唔​会​成​日​谂​住​追求​呢个​世界​嘅​名​利。

7 不过,我哋​有​冇​可能​好似​加拉太​嘅​基督徒​噉​返转​头​追求​无​益​嘅​事?有​可能。我哋​认识​真理​之后,可能​好似​保罗​噉,要​放弃​喺​撒但​世界​嘅​某​啲​成就​同​名利。(请​读​腓立比书​3:7,8我哋​可能​要​放弃​接受​高等​教育、升职​或者​赚​大​钱​嘅​机会。如果​我哋​有​音乐​才华​同​运动​天​赋,亦​都​可能​有​机会​名成利就。不过,我哋​甘愿​放弃​呢​一切。 希伯来书​11:24-27)我哋​当初​已经​做​咗​明智​嘅​决定,但​而家​后悔​嘅​话,就​真系​太​愚蠢​嘞!噉样​嘅​谂法​可能​会​使​我哋​返转​头​去​追求​呢个​世界“软弱​贫乏​嘅​肤浅​观念”。 *

加强​你​嘅​决心

8.乜嘢​使​我哋​决心​得​到​耶和华​嘅​认可?

8 我哋​可以​点样​下​定​决心​得​到​耶和华​嘅​认可,而​唔​系​呢个​世界​嘅​认可?要​记住​两​个​要点。第​一,耶和华​一定​会​赏识​忠心​事奉​佢​嘅​人。(请​读​希伯来书​6:10;11:6)喺​耶和华​眼​中,每​个​忠仆​都​好​宝贵。如果​佢​忘记​自己​嘅​忠仆,噉​佢​就系“不义”嘅。耶和华​一定“认识​属于​佢​嘅​人”。(提摩太后书​2:19)佢“认识​义人​嘅​道路”,知道​点样​将​佢哋​从​考验​中​拯救​出嚟。(诗篇​1:6;彼得后书​2:9

9.乜嘢​例子​表明​耶和华​认识​佢​嘅​子民?

9 有时,耶和华​会​用​奇妙​嘅​方式​表明​佢​认识​自己​嘅​子民。(历代志下​20:20,29)例如,耶和华​喺​红海​施行​奇迹,拯救​佢​嘅​子民​脱离​法老​大军​嘅​追捕。(出埃及记​14:21-30;诗篇​106:9-11)呢个​事件​喺​发生​四十​年​后​依然​被​其他​国族​谈论。(约书亚记​2:9-11)玛歌革地​嘅​歌革​发动​攻击​嘅​时候,我哋​谨记​耶和华​向​佢​子民​显示​嘅​爱心​同​力量,就​能够​使​自己​嘅​信心​大​受​强化!(以西结书​38:8-12)到时,我哋​会​庆幸​自己​得​到​嘅​系​耶和华​嘅​认可,而​唔​系​世界​嘅​认可。

10.我哋​要​谨记​乜嘢?

10 我哋​都​要​谨记​第​二​个​要点:耶和华​向​我哋​表示​认可​嘅​方式,可能​系​我哋​意想​不​到​嘅。人​如果​为咗​得​到​其他​人​嘅​称赞​而​行善,就​得​唔​到​耶和华​嘅​赞赏。点解?人​俾​佢哋​嘅​赞赏​就系​佢哋​得​到​嘅​全部​奖赏​嘞。(请​读​马太福音​6:1-5耶稣​话,天父“暗中​观察”嗰啲​冇​特​登​喺​人​面前​行善​嘅​人,留意​佢哋​嘅​行为,并​根据​佢哋​所​做​嘅​奖赏​佢哋。有时,耶和华​会​用​我哋​意想​不​到​嘅​方式​嚟​奖赏​我哋。请​睇​以​下​嘅​例子。

一​个​谦卑​嘅​女子​得​到​意想​不​到​嘅​奖赏

11.耶和华​点样​向​马利亚​表示​赏识​同​认可?

11 耶和华​拣选​咗​一​个​谦卑​嘅​年轻​女子​马利亚​做​耶稣​嘅​母亲。佢​住​喺​一​个​叫​拿撒勒​嘅​小镇,离​耶路撒冷​同​宏伟​嘅​圣殿​有​一​段​距离。(请​读​路加福音​1:26-33点解​马利亚​享有​呢个​殊荣?天使​加百列​将​马利亚​称​为“蒙​上帝​眷顾”嘅​人。马利亚​向​亲戚​伊利莎白​所​讲​嘅​话,表明​佢​系​一​个​非常​属灵​嘅​人。(路加福音​1:46-55)耶和华​一直​留意​马利亚,并且​因为​佢​嘅​忠贞​而​将​呢个​意想​不​到​嘅​殊荣​赏赐​俾​佢。

12,13.耶稣​啱啱​出世​嗰时​同埋​四十​日​之后​点样​得​到​耶和华​嘅​认可?

 12 后来,耶和华​冇​俾​耶路撒冷​同​伯利恒​嘅​权贵​或者​统治者​知道​耶稣​诞生,反而​吩咐​天使​向​一啲​卑微​嘅​牧羊人​宣布​呢​件​事。(路加福音​2:8-14)跟住,呢啲​牧羊人​就​去​探访​啱啱​出世​嘅​耶稣。(路加福音​2:15-17)马利亚​同​约瑟​见到​耶稣​以​呢​种​方式​受​到​尊荣,一定​感到​好​惊喜。耶和华​嘅​做​事​方式​同​撒但​嘅​截​然​不​同。当​撒但​引导​占星术士​去​拜访​耶稣​同​佢​父母​嘅​时候,耶路撒冷​全​城​都​由于​耶稣​嘅​出世​而​激动​不​安。(马太福音​2:3)因为​噉,后来​好多​无辜​嘅​细路仔​被​杀​害。(马太福音​2:16

13 耶稣​出世​四十​日​之后,马利亚​同​约瑟​就​带​住​耶稣​去​到​距离​伯利恒​9​公里(6​英里)嘅​耶路撒冷,按照​律法​喺​圣殿​向​耶和华​献​上​祭牲。(路加福音​2:22-24)喺​路​上,马利亚​可能​会​谂:“祭司​会​唔​会​用​特别​嘅​方式​嚟​荣耀​耶稣?”耶稣​的确​受​到​荣耀,但​耶和华​用​嘅​方式​可能​同​马利亚​所​想象​嘅​唔同。耶和华​通过“又​正义​又​虔诚”嘅​西缅​同埋​84​岁​嘅​女​先知​安娜​宣告​呢个​婴儿​就系​应许​嘅​弥赛亚,即​系​基督。(路加福音​2:25-38

14.耶和华​点样​赐​福​俾​马利亚?

14 噉​马利亚​呢?佢​悉心​照顾​同​抚养​耶稣,噉​耶和华​有​冇​继续​向​佢​表示​认可?有。耶和华​将​马利亚​嘅​言行​记载​喺​圣经​入面。喺​耶稣​传道​嘅​三​年​半​期间,马利亚​显然​冇​同​耶稣​一齐。当时​已经​成为​寡妇​嘅​马利亚​可能​留​喺​拿撒勒。虽然​佢​错过​咗​好多​美好​嘅​经历,不过​喺​耶稣​牺牲​之前,佢​可以​陪伴​喺​耶稣​身边。(约翰福音​19:26)后来,公元​33​年​五旬节,马利亚​同​耶稣​嘅​门徒​喺​一齐。(使徒行传​1:13,14)睇嚟,上帝​赐​下​圣灵​嘅​时候,马利亚​同​在场​嘅​门徒​一样​都​受​到​圣灵​膏立。如果​系​噉,佢​就​有​机会​永远​同​耶稣​喺​天上。对​忠心​嘅​马利亚​嚟​讲,呢个​真系​非常​美好​嘅​奖赏!

耶和华​认可​佢​嘅​爱子

15.耶稣​喺​地上​嘅​时候,耶和华​点样​表明​佢​悦纳​耶稣?

15 耶稣​冇​谂​过​要​荣耀​自己,更加​唔​想​通过​宗教​或​政治​领袖​使​自己​得​荣耀。不过,耶和华​三​次​从​天上​发出​声音,表明​自己​爱​耶稣。耶稣​一定​大​受​鼓励!耶稣​喺​约旦河​一​受​完​浸,耶和华​就​话:“呢个​系​我​嘅​儿子,系​我​所​爱​嘅,系​我​所​悦纳​嘅。”(马太福音​3:17)施浸者​约翰​可能​系​唯一​一​个​听到​呢​番​话​嘅​人。然后,大约​喺​耶稣​牺牲​前​一​年,佢​嘅​三​个​使徒​听到​耶和华​讲:“呢个​系​我​嘅​儿子,系​我​所​爱​嘅,系​我​所​悦纳​嘅。你哋​要​听从​佢。”(马太福音​17:5)最后,喺​耶稣​牺牲​前​几​日,耶和华​再​一​次​从​天上​同​佢​嘅​爱子​讲话。(约翰福音​12:28

你​从​耶和华​向​佢​爱子​表示​认可​嘅​方式​学​到​乜嘢?(请​睇​第​15-17​段)

16,17.耶和华​点样​以​出​人​意​料​嘅​方式​荣耀​耶稣?

16 耶稣​知道​自己​会​受​尽​屈辱​而 死,甚至​俾​人​诬告亵渎​上帝。不过,佢​仲系​祈求​上帝​嘅​旨意​实现,而​唔​系​只​注重​个​人​嘅​意愿。(马太福音​26:39,42)耶稣​想​得​到​嘅​系​天父​嘅​认可,而​唔​系​世人​嘅​认可,所以​佢“轻视​羞辱,喺​苦刑柱​上​忍耐”。(希伯来书​12:2)耶和华​点样​表示​佢​认可​耶稣​呢?

17 耶稣​喺​地上​嘅​时候,表明​自己​渴望​再次​得​享​喺​天父​身​旁​嘅​荣耀。(约翰福音​17:5)冇​任何​证据​显示,耶稣​期望​自己​会​比​先​前​得​到​更​多。佢​冇​认为​自己​喺​地上​实现​耶和华​嘅​旨意​就​会​得​到​特别​嘅​奖赏。耶和华​点样​奖赏​耶稣?佢​以​令​人​意想​不​到​嘅​方式​荣耀​耶稣。耶和华​复活​耶稣​之后,使​耶稣​喺​天上​得​到“更​高​嘅​地位”,亦​都​赐​俾​耶稣​一​个​当时​从​未​有​人​得​到​过​嘅​恩赐——不​死​嘅​生命! *腓立比书​2:9;提摩太前书​6:16)耶和华​以​极​为​奇妙​嘅​方式​对​耶稣​表示​认可​同​赞赏!

18.乜嘢​帮助​我哋​避免​追求​世界​嘅​认可?

18 我哋​唔​应该​追求​呢个​世界​嘅​认可。乜嘢​可以​帮助​我哋​努力​追求​耶和华​嘅​认可​同​赞赏?请​记住,耶和华​一定​会​奖赏​佢​嘅​忠仆,而且​好多​时,佢​会​以​出​人​意​料​嘅​方式​噉样​做。我哋​可以​谂​吓​未来​会​有​乜嘢​意想​不​到​嘅​福分​等​住​我哋。而家​我哋​喺​呢个​邪恶​嘅​世界​正​面对​好多​难题​同​考验,但系​唔​好​忘记,呢个​世界​正​喺​度​消逝。所以,任何​嚟自​呢个​世界​嘅​认可​最终​都​会​变​得​毫无​价值。(约翰一书​2:17)仁爱​嘅​天父​耶和华“系​正义​嘅,绝对​唔​会​忘记[我哋]所​做​嘅​工作​同[我哋]为​佢​嘅​名​所​显​嘅​爱心”。(希伯来书​6:10)佢​一定​会​嘉许​我哋,赏识​我哋​付出​嘅​努力,甚至​以​超乎​我哋​想象​嘅​方式​奖赏​我哋!

^ 7段 喺​其他​圣经​译本,“贫乏”呢个​词​被​翻译​成“破产”、“冇​用”、“冇​意义”或“可悲”。

^ 17段 呢个​奖赏​的确​出​人​意​料,因为​希伯来语​经卷​从​未​提过​不​死​嘅​生命。