跳到内容

跳到目录

甘心舍己——缅甸

甘心舍己——缅甸

“庄稼​实在​好多,但​工人​好少。所以​要​恳求​庄稼​嘅​主人,派​工人​去​收割​佢​嘅​庄稼。”(路加福音​10:2)耶稣​喺​两千​几​年​前​讲​嘅​呢​番​话​非常​适用​于​今日​嘅​缅甸。点解?喺​缅甸,只​有​大概​4200​个​传道员,不过​佢哋​要​向​5500​万​人​传道。

数​以​百​计​嚟自​唔同​国家​嘅​弟兄​姊妹​受“庄稼​嘅​主人”耶和华​推动,嚟​到​呢个​东南亚​国家​帮手​收割​属灵​嘅​庄稼。乜嘢​推​使​呢啲​人​甘愿​离​乡​别​井?乜嘢​使​佢哋​决定​搬​到​缅甸?佢哋​又​得​到​乜嘢​福分?等​我哋​一齐​嚟​睇​吓​佢哋​点​讲。

“请​过嚟​啦,我哋​需要​更​多​先驱!”

和浩​系​一​个​日本​嘅​先驱。佢​几​年​前​有​一​次​突然​癫痫​病​发​作,失去​意识,即刻​被​送​去​医院。医生​同​佢​讲,两​年​之内​唔​可以​开​车。和浩​大​受​打击,佢​问​自己:“噉​我​点样​继续​做​我​喜爱​嘅​先驱​工作​啊?”佢​恳切​祷告,祈求​耶和华​为​佢​打开​出路,使​佢​可以​继续​从事​先驱​服务。

和浩​同​真理

和浩​话:“一​个​月​之后,有​个​喺​缅甸​服务​嘅​朋友​听到​我​嘅​情况,就​打​电话​同​我​讲:‘缅甸​嘅​基本​交通工具​系​巴士。你​喺​呢度​唔使​开​车​都​可以​继续​做​传道​工作!’我​问​医生,我​嘅​情况​容​唔​容许​我​搬​去​缅甸。令​我​惊喜​嘅​系,医生​话:‘啱啱​好​而家​有​一​位​缅甸​嘅​脑​科​专家​到​访​日本,我​可以​介绍​俾​你​识。如果​你​喺​缅甸​再次​病​发,佢​可以​帮​到​你。’我​将​医生​呢​番​话​视​为​耶和华​嘅​回应。”

和浩​即刻​发​电邮​同​缅甸​分部​讲,佢​同​太太​好想​去​嗰度​做​先驱。五​日​后,分部​就​回​复​话:“请​过嚟​啦,我哋​需要​更​多​先驱!”于是​和浩​同​太太​真理​就​卖​咗​佢哋​嘅​车,办​好​签证,买​咗​机票。而家,佢哋​好​开心​喺​曼德勒​手语​小组​服务。和浩​话:“我哋​通过​呢个​经历​更加​深信​诗篇​37:5​嘅​应许:‘要​将​你​嘅​前途​交托​俾​耶和华,倚靠​佢,佢​就​成​全​你。’”

 耶和华​打开​出路

2014​年,耶和华见证人​喺​缅甸​举办​咗​一​个​特别​大会。好多​国家​嘅​代表​都​参加​咗​呢​次​大会。一​位​34​岁​嘅​美国​姊妹​莫妮克​话:“从​大会​返​屋企​之后,我​向​耶和华​祷告,求​佢​指引​我​之后​嘅​人生​道路。我​亦​都​同​父母​倾​过​我​嘅​属灵​目标。我哋​大家​都​认为​我​应该​搬​去​缅甸,不过​我​等​咗​一​段​时间​先​达到​呢个​目标,其间​我​亦​都​不断​祷告。”接住​落​嚟,莫妮克​会​解释​原因。

莫妮克​同​肖立

佢​话:“耶稣​鼓励​佢​嘅​门徒​要 ‘计算​费用’,所以​我​问​自己:‘我​有​冇​足够​嘅​经济​能力​搬​去​缅甸​呢?我​喺​缅甸​就算​唔​用​太​多​时间​做​世俗​工作,系咪​都​可以​维持​到​生计​呢?’”莫妮克​承认​话:”我​好​快​就​意识​到​自己​冇​足够​嘅​钱​搬​去​世界​嘅​另​一边。”噉​后来​佢​点样​做​到​呢?(路加福音​14:28

莫妮克​话:“有​一​日​我​老板​叫​我​去​见​佢。我​好​紧张,以为​公司​要​裁​员。但​原来​老板​系​想​称赞​我​工作​出色,仲​话​会​俾​我​一​笔​奖​金。呢​笔​钱​啱啱​好​就系​我​需要​嘅!”

从​2014​年​12​月​开始,莫妮克​就​一直​喺​缅甸​服务。对于​喺​需求​更​大​嘅​地方​传道,佢​有​乜嘢​睇法?佢​话:“我​喺​呢度​好​开心!我​主持​紧​三​个​圣经​课程,其中​有​个​学生​系​一​个​67​岁​嘅​婆婆。婆婆​每​次​见到​我​都​好​开心,仲​会​揽​实​我。佢​知道​上帝​嘅​名​系​耶和华​嗰阵,感动​到​喊。佢​话:‘呢个​系​我​人生​中​第​一​次​知道​上帝​嘅​名​叫​耶和华。你​年纪​比​我​细​一半,但系​你​就​帮​我​认识​咗​一​件​最​重要​嘅​事。’当然,我​都​喊​埋。类似​噉​嘅​经验​令​嗰啲​喺​需求​更​大地​区​服务​嘅​人​觉得​自己​嘅​人生​充满​意义。”最近,莫妮克​有​荣幸​参加​咗​王国​传福音者​训练班。

有啲​人​搬​去​缅甸​服务,系​因为​睇​咗《2013​耶和华见证人​年鉴》有关​缅甸​嘅​记载。一​个​三十​出​头​叫​肖立​嘅​姊妹​本来​就​已经​喺​东南亚​嘅​一​个​国家​服务。佢​有​一​份​全职​工作,但系《年鉴》嘅​记载​推​使​佢​考虑​搬​去​缅甸​服务。佢​话:“2014​年,我​参加​喺​仰光​举行​嘅​特别​大会,当时​我​认识​咗​一​对​搬​去​缅甸​中文​地区​服务​嘅​夫妇。我​识​讲​中文,于是​决定​搬​去​缅甸​支持​嗰度​嘅​中文​小组。我​同​莫妮克​决定​搬​去​曼德勒。我哋​得​到​耶和华​嘅​祝福,两​个​人​都​喺​同​一​间​学校​揾​到​一​份​部分​时间​嘅​工作,喺​学校​附近​亦​都​揾​到​一​间​公寓。虽然​呢度​天气​好​热​而且​有啲​唔​方便,但系​我​钟意​呢度​嘅​传道​工作。缅甸​人​嘅​生活​好​简朴,佢哋​亦​都​好​有​礼貌,而且​愿意​听​好消息。睇到​耶和华​正​加​快​当地​传道​工作​嘅​发展,真系​令​我​好​兴奋。我​深信,我​喺​曼德勒​服务​就系​遵行​耶和华​嘅​旨意。”

耶和华​垂听​祷告

好多​去​需求​更​大​嘅​地区​服务​嘅​弟兄​姊妹​都​体验​过​祷告​嘅​力量。纯平​同​奈央​嘅​经历​就系​其中​一​个​例子。佢哋​系​一​对​三十​几​岁​嘅​夫妇,曾经​喺​日本 ​嘅​一​个​手语​会众​服务。点解​佢哋​会​搬​到​缅甸?纯平​话:“一直​以来,我​同​太太​都​有​个​目 标,就系​去​国​外​需求​更​大​嘅​地区​服务。我哋​喺​日本​嘅​手语​会众​嗰阵,一​个​弟兄​搬​咗​嚟​缅甸。虽然​我哋​嘅​积蓄​唔​系​好多,但系​2010​年​5​月​我哋​都​搬​咗​过嚟。缅甸​嘅​弟兄​姊妹​热情​噉​欢迎​我哋!”佢哋​喺​缅甸​嘅​手语​地区​服务​有​乜嘢​感觉?佢​继续​讲:“地区​嘅​人​有​好好​嘅​反应。失聪​嘅​住户​睇到​手语​嘅​影片​都​好​惊喜。我哋​真系​庆幸​当初​决定​嚟​呢度​为​耶和华​服务!”

奈央​同​纯平

纯平​同​奈央​点样​维持​生活?纯平​话:“三​年​过​后,我哋​嘅​积蓄​已经​用​晒,冇​钱​俾​下​一​年​嘅​租金。我​同​太太​经常​为​呢​件​事​恳切​祷告。出​乎​意​料​嘅​系,我哋​收到​分部​嘅​一​封​信,受​邀请​做​临时​特别​先驱!我哋​体验​到,只要​信赖​耶和华,佢​绝对​唔​会​舍弃​我哋。佢​一直​都​用​各​种​方式​照顾​我哋。”最近,纯平​同​奈央​亦​都​参加​咗​王国​传福音者​训练班。

耶和华​打动​人心

一​个​43​岁​叫​西蒙​嘅​意大利​弟兄,同​一​个​37​岁​叫​安娜​嘅​新西兰​姊妹​系​一​对​喺​缅甸​服务​嘅​夫妇。乜嘢​推动​佢哋​搬​到​缅甸​呢?安娜​话:“因为​2013​年《年鉴》对​缅甸​嘅​记载!”西蒙​话:“可以​喺​缅甸​服务​系​好​大​嘅​殊荣。呢度​嘅​生活​好​简单,所以​我​可以​用​更​多​时间​为​耶和华​服务。我哋​喺​呢个​需求​更​大​嘅​地区​服务,可以​体验​到​耶和华​嘅​关爱,真系​令​人​振奋。”(诗篇​121:5)安娜​话:“我​比​以前​更加​快乐。我哋​而家​过​住​简朴​嘅​生活。我​有​更​多​时间​同​丈夫​一齐,我哋​嘅​关系​变​得​更​亲密。我哋​亦​都​揾​到​好多​宝贵​嘅​新​朋友。当地​人​对​见证人​冇​咩​偏见,而且​对​真理​都​有​好好​嘅​反应!”喺​边啲​方面​呢?

西蒙​同​安娜

安娜​话:“有​一​日,我​喺​市场​向​一​个​大学​生​作​见证,而且​约​好​时间​同​佢​再次​见面。我​去​续访​佢​嘅​时候,佢​同​一​个​朋友​一齐​嚟。下​一​次​见面,佢​又​带​咗​另外​几​个​朋友。之后,佢​又​带​咗​更​多​人​嚟。而家,我​同​其中​五​个​人​讨论​紧​圣经。”西蒙​话:“当地​人​待​人​友善,有​好奇心。好多​人​都​对​真理​有​兴趣,多​到​我哋​冇​时间​去​照顾。”

幸雄​同​瑞穗

决定​搬​去​缅甸​之前,可以​采取​乜嘢​实际​嘅​步骤​呢?嚟自​日本 ​嘅​瑞穗​话:“我​同​先生​幸雄​一直​都​好想​喺​一​个​需求​大​嘅​国家​服务。不过​去​边度​好​呢?睇完​2013​年《年鉴》关于​缅甸​嘅​感​人​记载​之后,我哋​深受​打动,于是​考虑​系咪 可以​喺​缅甸​服务。”幸雄​又​话:“我哋​决定​去​缅甸​首都​仰光​旅游​一​个​星期,就​好似​探​子​去​迦南​地​噉。呢​次​短​期​嘅​实​地​考察​使​我哋​下​定​决心​搬​过嚟。”

你​能​唔​能够​响应​呼吁?

简恩、达妮卡、罗德尼​同​佐敦

罗德尼​同​太太​简恩​系​一​对​五​十​几​岁​嘅​夫妇,嚟自​澳大利亚。佢哋​同​仔女​佐敦​同​达妮卡​喺​2010​年​就​搬​到​缅甸​呢个​需求​更​大​嘅​地区​服务。罗德尼​话:“我哋​见到​当地​人​喺​属灵​上​如​饥​似​渴,深受​感动。我​极​力​推荐​其他​家庭​试​吓​去​好似​缅甸​噉​嘅​地方​服务。”点解​呢?“我哋​全​家人​喺​缅甸​服务​所​得​到​嘅​属灵​益处​系​钱​都​买​唔​到​嘅!好多​年轻人​关注​嘅​系​佢哋​嘅​手机、汽车、工作​等等,而​我哋​嘅​仔女​因为​地区​嘅​需要​就​忙​于​学习​新​语言。佢哋​努力​学习​点样​同​嗰啲​唔​熟​识​圣经​嘅​人​推理,点样​喺​聚会​嘅​时候​发表​评论,亦​都​专注​于​其他​充满​意义​嘅​属灵​活动。”

奥利弗​同​安娜

37​岁​嘅​奥利弗​弟兄​嚟自​美国,佢​推荐​呢​种​形式​嘅​服务,话:“为咗​事奉​耶和华​而​离开​自己​熟​识​嘅​环境,使​我​大大​得益。噉样​做​帮助​我​建立​自信,亦​都​使​我​学识​喺​任何​情况​下​信赖​耶和华。同​新​认识​嘅​弟兄​姊妹​一齐​事奉​耶和华​使​我​睇​出,世上​冇​任何​事​比​上帝​嘅​王国​更​重要。”今日,奥利弗​同​太太​安娜​继续​热心​喺​中​文​地区​服务。

特拉泽

52​岁​嘅​特拉泽​姊妹​嚟自​澳大利亚,2004​年​佢​就​已经​喺​缅甸​服务。佢​话:“如果​对方​嘅​情况​允许,我​会​鼓励​佢哋​喺​需求​更​大​嘅​地区​服务。我​已经​体验​到,只要​你​甘愿​付出​努力​为​耶和华​服务,就​会​得​到​佢​嘅​祝福。我​从来​都​冇​谂​过​自己​可以​过​而家​噉​嘅​生活。呢个​系​最​有​收获​同​最​令​人​心满意足​嘅​生活​方式,亦​都​系​我​梦寐以求​嘅。”

世界​上​有​好多​地区​仲​未​有​传道员​探访​过,当中​有​好多​诚心正意​嘅​人。愿​喺​缅甸​服务​嘅​弟兄​姊妹​嘅​感​人​言词​可以​鼓励​你​去​呢啲​需求​更​大​嘅​地区​帮手。喺​缅甸​服务​嘅​弟兄​姊妹​都​发出​邀请​嘅​呼吁:“请​嚟​缅甸​帮助​我哋​啦!”