跳到内容

跳到目录

你有冇仰望耶和华?

你有冇仰望耶和华?

“住​喺​天上​嘅​主​啊,我​举目​仰望​你。”——诗篇​123:1

唱诗​143,124​

1,2.仰望​耶和华​意味​住​乜嘢?

而家​系“难以​应付​嘅​非常​时期”,我哋​嘅​生活​变​得​越来越​艰难。直到​耶和华​毁灭​呢个​邪恶​嘅​世界,地球​先至​会​恢复​真正​嘅​和平。(提摩太后书​3:1)我哋​可以​问​吓​自己:“我哋​从​边度​可以​得​到​帮助​同​指引?”可能​我哋​会​马上​回答:“从​耶和华​嗰度。”呢个​的确​系​最​正确​嘅​答案。

2 仰望​耶和华,向​佢​寻求​帮助​意味​住​乜嘢?我哋​点样​可以​肯定​自己​喺​逆境​之下​始终​仰望​耶和华?多​个​世纪​之前,诗篇​执笔者​指​出,我哋​遇​到​难题​嘅​时候​就​更加​要​仰望​耶和华。(请​读​诗篇​123:1-4佢​话,我哋​仰望​耶和华​就​好似​一​个​仆人​仰望​佢​嘅​主人​噉。仆人​唔​单​止​倚靠​主人​提供​食物​同​保护,亦​都​要​不断​留意​主人​对​佢​有​乜嘢​要求,并​按照​主人​嘅​意思​去​做。同样,我哋​每​日​查考​上帝​嘅​话语,了解​耶和华​嘅​指引​并​付​诸​行动。噉​我哋​就​可以​确信,喺​面对​困难​嘅​时候​可以​得​到​耶和华​嘅​帮助。(以弗所书​5:17

3.点解​耶和华​嘅​忠仆​有时​都​会​分心?

 3 虽然​我哋​知道,时刻​仰望​耶和华​好​重要,不过​我哋​有时​都​会​分心。耶稣​嘅​好​朋友​马大​曾经​就​有​噉​嘅​问题。佢​因为“照顾​嘅​事​多”,所以“分​身​不​暇”。(路加福音​10:40-42)既然​一​个​咁​忠心​嘅​人​喺​耶稣​身边​嗰阵​都​会​分心,噉​我哋​有​同样​嘅​问题​都​唔使​觉得​出​奇。乜嘢​事​会​影响​我哋,使​我哋​唔​能够​定睛​注视​耶和华?呢​篇​课文​会​讨论,其他​人​嘅​行为​会​点样​令​我哋​分心,以及​我哋​可以​点样​继续​仰望​耶和华。

失去​殊荣​嘅​忠仆

4.摩西​唔​可以​进入​应许​之​地,点解​系​一​件​令​人​觉得​意外​嘅​事?

4 摩西​的确​向​耶和华​寻求​指引。佢“坚定不移,好似​睇见​嗰​位​肉眼​睇​唔​见​嘅​上帝”。(请​读​希伯来书​11:24-27圣经​话:“喺​以色列​当中​再​都​冇​兴​起​先知​好似​摩西​一样。摩西​系​耶和华​面对面​所​认识​嘅。”(申命记​34:10)虽然​摩西​同​耶和华​有​亲密​嘅​关系,不过​佢​最终​失去​咗​进入​应许​之​地​嘅​殊荣。(民数记​20:12)摩西​做​错​乜嘢​事?

5-7.以色列人​离开​埃及​之后​冇几耐​就​发生​乜嘢​问题?摩西​点样​应付​当时​嘅​情况?

5 以色列人​离开​埃及​唔够​两​个​月,都​未​去​到​西奈山,就​发生​咗​一​个​严重​嘅​问题。民众​开始​埋怨​冇​水​饮,又​向​摩西​发​怨言。佢哋​情绪​越来越​激动,于是​摩西​向​耶和华​呼求​话:“我​应该​点样​应付​呢​班​人​呢?佢哋​就​嚟​攞​石头​打​死​我​嘞!”(出埃及记​17:4)耶和华​马上​作出​回应,俾​摩西​明确​嘅​指示。摩西​按照​耶和华​嘅​吩咐,用​杖​击​打​何烈​山​嘅​岩石,结果​就​有​水​从​岩石​涌​出嚟。经文​话:“摩西​就​喺​以色列​嘅​长老​眼前​噉样​做。”以色列人​有​足够​嘅​水​饮,问题​就​解决​咗​嘞。(出埃及记​17:5,6

6 圣经​话​俾​我哋​知,摩西​为​嗰个​地方​起名​叫​玛萨(意思​系“试验;考验”),又​叫​米利巴(意思​系“争吵”)。点解​呢?“因为​以色列人​喺​嗰度​争吵,又​试探​耶和华,话:‘耶和华​真系​喺​我哋​当中?’”(出埃及记​17:7

7 耶和华​对​米利巴​发生​嘅​事​有​乜嘢​睇法?喺​耶和华​眼​中,以色列人​噉样​做​就​等于​背叛​佢,挑战​佢​嘅​权柄,而​唔​只系​反对​摩西。(请​读​诗篇​95:8,9以色列人​所​犯​嘅​错误​非常​严重。不过,当时​摩西​采取​正确​嘅​行动,仰赖​耶和华​并​听从​佢​嘅​指引。

8.以色列人​喺​旷野​四十​年​嘅​流​浪​生活​就​快​结束​嘅​时候,发生​乜嘢​事?

8 四十​年​之后,同样​嘅​事情​又​再​发生,呢​次​摩西​点样​做​呢?以色列人​就​快​结束​喺​旷野​嘅​流浪​生活​嗰阵,嚟​到​一​个​叫​米利巴​嘅​地方。呢个​米利巴​喺​应许​之​地​边​境​嘅​加低斯​附近,同​之 前​嗰个​唔​系​同​一​个​地方。 *以色列人​再次​埋怨​冇​水​饮。(民数记​20:1-5)不过​呢​次,摩西​处理​问题​嘅​时候​犯​咗​严重​嘅​错。

9.耶和华​吩咐​摩西​乜嘢?但系​摩西​点样​做?(请​睇​吓​课文​开头​嘅​图片)

9 摩西​点样​应对​呢​次​反叛?佢​再​一​次​向​耶和华​寻求​指引。但​耶和华​今​次​冇​叫​摩西​击​打​岩石,而系​叫​佢​攞​住​杖,召集​民众​到​岩石​前面,然后​向​岩石​讲话。(民数记​20:6-8)但系​摩西​冇​噉样​做,而系​好​嬲​噉​大声​同​民众​讲:“你哋​呢啲​叛徒​听​住!唔​通​一定​要​我哋​从​呢​块​岩石​当中​引​水​俾​你哋​先至​得?”讲​完​之后,佢​唔止​一​次,而系​两​次​击​打​岩石。(民数记​20:10,11

10.耶和华​对​摩西​所​做​嘅​事​有​乜嘢​反应?

10 摩西​所​做​嘅​事​使​耶和华​好​愤怒。(申命记​1:37;3:26)点解​耶和华​有​咁​强烈​嘅​反应?使​耶和华​发​怒​嘅​原因​可能​有​几​个,而​其中​之​一​就系,摩西​冇​按照​耶和华​呢​次​嘅​指示​去​做。

11.点解​摩西​击​打​岩石​可能​会​使​以色列人​觉得​耶和华​冇​施行​奇迹?

11 另​一​个​原因​可能​系,喺​第​一​个​米利巴,周围​都​系​坚固​嘅​花岗岩。无论​人​点样​击​打​呢啲​岩石,正常​嚟​讲​都​唔​可能​有​水​涌​出嚟。但系,第​二​个​米利巴​就​好​唔同,地质​构成​主要​系​石灰岩。由于​石灰岩​有​多​孔透​水​嘅​特性,岩层​下面​往往​储藏​咗​大量​嘅​地下水。喺​呢啲​地区,人​只要​凿​开​岩层​就​可以​取​水​饮用。所以,如果​摩西​唔​系​对​岩石​讲话,而系​击​打​岩石,噉​以色列人​会​唔​会​因为​呢个​原因,就​觉得​啲​水​系​自然​涌​出​嘅,而​唔​系​耶和华​施行​咗​奇迹? *我哋​唔​可以​肯定。

摩西​违背​耶和华​嘅​训示

12.耶和华​对​摩西​同​亚伦​发​怒​嘅​另​一​个​原因​可能​系​乜嘢?

12 耶和华​对​摩西​同​亚伦​发​怒​可能​仲​有​另​一​个​原因。请​留意​摩西​对​民众​所​讲​嘅​话。佢​话:“唔​通​一定​要​我哋​从​呢​块​岩石​当中​引​水​俾​你哋​先至​得?”摩西​所​讲​嘅“我哋”,睇嚟​系​指​佢​同​亚伦。摩西​噉样​讲,表明​佢​冇​将​所有​功劳​归俾​真正​施行​奇迹​嘅​耶和华,冇​对​耶和华​表现​尊重​嘅​态度。诗篇​106:32,33​所​讲​嘅​好​可能​就系​呢​件​事。经文​话:“佢哋​喺​米利巴​水​边​惹​动​怒气,结果​摩西​因​佢哋​而​遭殃。佢哋​使​摩西​苦恼​气愤,于是​佢​嘅​嘴​冒失​发言。” *民数记​27:14)摩 西​嘅​行为​表明,佢​冇​将​耶和华​应​得​嘅​荣耀​归俾​耶和华。耶和华​对​摩西​同​亚伦​讲:“你哋​违背​咗​我​嘅​训示。”(民数记​20:24)呢个​真系​一​个​严重​嘅​过犯!

13.点解​耶和华​对​摩西​嘅​判决​系​公平​合理​嘅?

13 摩西​同​亚伦​身​为​耶和华​子民​嘅​领袖,要​承担​更​大​嘅​责任。(路加福音​12:48)之前,以色列人​因为​反叛​耶和华,结果​耶和华​唔​允许​嗰​一​代​人​进入​应许​之​地。(民数记​14:26-30,34)摩西​违背​耶和华​嘅​训示,所以​耶和华​亦​都​唔​允许​摩西​进入​应许​之​哋。耶和华​对​摩西​作出​同样​嘅​判决,系​公平​合理​嘅。

问题​嘅​起​因

14,15.乜嘢​导致​摩西​违背​耶和华​嘅​训示?

14 乜嘢​令​摩西​违背​耶和华​嘅​训示?请​再​一​次​留意​诗篇​106:32,33:“佢哋​喺​米利巴​水​边​惹​动​怒气,结果​摩西​因​佢哋​而​遭殃。佢哋​使​摩西​苦恼​气愤,于是​佢​嘅​嘴​冒失​发言。”摩西​见​以色列人​反叛​耶和华​就​深​感​怨愤,结果​冇​控制​自己​嘅​情绪,讲​出​鲁莽​嘅​话。

15 摩西​受​其他​人​影响,冇​继续​仰望​耶和华。以色列人​第​一​次​埋怨​冇​水​饮​嗰阵,摩西​用​咗​正确​嘅​方式​处理​问题。(出埃及记​7:6)不过,可能​摩西​因为​以色列人​多​年​来​都​反叛​上帝,就​变​得​身心​疲累,灰心​丧气。摩西​可能​过度​重视​自己​嘅​感觉,而​冇​考虑​可以​点样​荣耀​耶和华。

16.点解​我哋​要​从​摩西​嘅​错误​汲取​教训?

16 既然​摩西​呢位​咁​忠心​嘅​先知​都​会​分心​同​犯错,噉​同样​嘅​事​都​好​容易​会​发生​喺​我哋​身上。同​摩西​一样,我哋​今日​亦​都​即将​进入​耶和华​应许​嘅​新世界。(彼得后书​3:13)我哋​都​唔​想​错​失​呢个​美好​嘅​机会。不过​想​进入​新世界,我哋​就​要​继续​仰望​耶和华,听从​佢​嘅​吩咐。(约翰一书​2:17)我哋​从​摩西​嘅​错误​汲取​到​乜嘢​教训?

避免​受​其他​人​影响​而​分心

17.我哋​情绪​激动​嘅​时候​应该​点样​做?

17 唔​好​喺​情绪​激动​之下​鲁莽​行事。即使​我哋​要​反反复复​处理​同样​嘅​问题,都“千祈​唔​好​放弃​行善,如果​唔​灰心​松懈,到​咗​时候​就​会​有​收成”。(加拉太书​6:9;帖撒罗尼迦后书​3:13)某​啲​人​或者​事​一​次​又​一​次​令​我哋​心​烦​嘅​时候,我哋​有​冇​控制​自己​嘅​嘴唇​同​情绪​呢?(箴言​10:19;17:27;马太福音​5:22)俾​人​激​嬲​嗰阵,我哋​要​学​会“听​凭​上帝​发​怒”。(请​读​罗马书​12:17-21所以,我哋​继续​仰望​耶和华,就​会​耐心​等待,相信​佢​会​喺​最​适当​嘅​时候​采取​行动。相反,如果​我哋​鲁莽​噉​用​自己​嘅​方式​解决​问题,就系​唔​尊重​耶和华​嘞。

18.我哋​喺​跟从​指引​方面​要​记住​乜嘢?

 18 认真​跟从​最​新​嘅​指引。我哋​点样​做​就系​忠心​噉​跟从​耶和华​嘅​最​新​指引?当​耶和华​通过​佢​嘅​组织​俾​我哋​新​指引​嗰时,我哋​应该​马上​跟从,而​唔​系​单凭​经验​行事。(希伯来书​13:17)同时,我哋​要​小心,“唔​好​越​出​经​上​所​记​嘅​话”。(哥林多前书​4:6)噉样,我哋​就​可以​继续​仰望​耶和华。

摩西​对​其他​人​嘅​过犯​有​乜嘢​反应?我哋​从中​学​到​乜嘢?(请​睇​第​19​段)

19.我哋​可以​点样​避免​俾​其他​人​嘅​过犯​损害​自己​同​耶和华​嘅​关系?

19 唔​好​俾​其他​人​嘅​过犯​损害​你​同​耶和华​嘅​关系。我哋​如果​想​继续​仰望​耶和华,就​会​努力​保护​自己​同​耶和华​嘅​关系,唔​会​因为​其他​人​嘅​过犯​而​心​怀​怨愤。如果​我哋​同​摩西​一样​喺​上帝​嘅​组织​当中​担任​某​啲​职责,就​更加​应该​留意​呢​一​点。当然,我哋​每​个​人​都​要​不断​努力​服从​耶和华​先​可以​得救。(腓立比书​2:12)我哋​嘅​职责​越​多,要​承担​嘅​责任​就​越​大。(路加福音​12:48)只要​我哋​全心​爱戴​耶和华,就​冇​任何​事​能够​绊倒​我哋,或者​隔​断​耶和华​对​我哋​嘅​爱。(诗篇​119:165;罗马书​8:37-39

20.你​决心​点样​做?

20 我哋​正​生活​喺​一​个​困难​重重、充满​挑战​嘅​时期。愿​我哋​继续​举目​仰望“住​喺​天上​嘅​主”,明​辨​佢​嘅​旨意。摩西​嘅​事​例​使​我哋​明白​一​个​重要​嘅​道理,就系​唔​应该​俾​其他​人​嘅​过犯​损害​自己​同​耶和华​嘅​关系。当​周围​嘅​人​犯错​嘅​时候,我哋​与其​反应​过​激,不如​下​定​决心“仰望​耶和华​我哋​嘅​上帝,直到​佢​向​我哋​施​恩”。(诗篇​123:1,2

^ 8段 呢个​米利巴​同​利非订​附近​嗰个​又​名​玛萨​嘅​米利巴​唔​系​同​一​个​地方。不过,呢​两​个​地方​都​因为​以色列人​喺​嗰度​发生​过​争吵​而​被​命​名​为​米利巴。——请​睇​英语《圣经​新世界译本》附录​B​3​嘅​地图。

^ 11段 一​位​圣经​学者​评论​呢个​记载​话:“按照​犹太人​嘅​一​个​传统​讲法,嗰啲​反叛​嘅​民众​指责​摩西​话:‘摩西​知道​呢啲​岩石​下面​有​地下水!如果​佢​想​证明​佢​能够​施行​神迹,就​试​吓​从​其他​岩石​嗰度​变​啲​水​出嚟​啦。’”当然,呢个​只系​一​个​传统​嘅​讲法。

^ 12段 请​睇《守望台》1988​年​11​月​1​日​刊“读者来函”。