跳到内容

跳到目录

让上帝嘅律法同原则熏陶你嘅良心

让上帝嘅律法同原则熏陶你嘅良心

“我​思索​你​提醒​世人​嘅​圣​谕。”——诗篇​119:99

唱诗​127,88​

1.人类​比​动物​优越​嘅​一​个​因素​系​乜嘢?

耶和华​一​开始​就​赐​俾​人类​良心。呢个​系​一​份​好​特别​嘅​礼物,亦​都​系​我哋​比​动物​优越​嘅​一​个​因素。亚当​同​夏娃​违反​耶和华​嘅​律法​之后​就​匿​咗​起嚟,表明​佢哋​嘅​良心​受​到​谴责。

2.点解​将​良心​比​作​指南​针?(请​睇​吓​课文​开头​嘅​图片)

2 一​个​人​如果​良心​冇​受​到​良好​嘅​熏陶,就​好似​一​艘​船​用​唔​准确​嘅​指南​针​导航,噉样​系​好​危险​嘅。喺​海​风​同​洋​流​影响​之下,船​好​容易​会​偏离​原来​嘅​航线。所以,船长​使用​精确​嘅​指南​针,先​可以​保持​正确​嘅​航​向。良心​可以​话​系​我哋​道德​上​嘅​指南​针,能够​帮助​我哋​判断​乜嘢​系​啱​乜嘢​系​错,使​我哋​继续​往​正确​嘅​方向​前进。如果​我哋​想​良心​有效​噉​发挥​作用,就​要​正确​噉​调校​我哋​嘅​良心。

3.如果​良心​冇​受​到​良好​嘅​熏陶,会​导致​乜嘢​后果?

3 良心​冇​受​到​良好​嘅​熏陶,就​唔​会​喺​我哋​做​错事​之前 发出​警告,有时​甚至​会​令​我哋“称​恶​为​善”。(以赛亚书​5:20;提摩太前书​4:1,2)耶稣​提醒​佢​嘅​门徒​话:“时候​要​到,凡​杀​你哋​嘅,都​自​以为​系​敬奉​上帝。”(约翰福音​16:2)嗰啲​处死​司提反​嘅​人​就系​其中​一​个​例子。(使徒行传​6:8,12;7:54-60)喺​历史​上,唔少​信奉​宗教​嘅​人​都​奉​神​嘅​名义​做​坏事,甚至​杀人​流血。(出埃及记​20:13)显然,佢哋​嘅​良心​根本​冇​正确​噉​引导​佢哋!

4.我哋​可以​点样​避免​变​得​良心​麻​木?

4 我哋​可以​点样​避免​变​得​良心​麻​木?上帝​话语​入面​嘅​律法​同​原则“对于​教导、责备、纠正、按​正义​施行​管教,都​系​有益​嘅”。(提摩太后书​3:16)所以,我哋​经常​研读​圣经,沉思​所​读​嘅​内容​并​喺​生活​上​实践​出嚟,噉​我哋​嘅​良心​就​会​受​到​熏陶,同​上帝​嘅​谂法​一致,可以​正确​噉​引导​我哋。等​我哋​嚟​睇​吓,耶和华​嘅​律法​同​原则​可以​点样​训练​我哋​嘅​良心。

受​上帝​律法​熏陶

5,6.我哋​遵从​上帝​嘅​律法​可以​得到​乜嘢​益处?

5 如果​我哋​想​从​上帝​嘅​律法​得益,研读​嘅​时候​就​唔​应该​只系​略略​读​吓​或者​仅仅​满足​于​理解​表面​嘅​意思。我哋​要​喜爱​并​尊重​上帝​嘅​律法。圣经​话:“要​憎恨​邪恶,喜爱​良善”。(阿摩司书​5:15)我哋​点样​先​可以​做​到​呢?一​个​重要​嘅​方法​系,学识​用​耶和华​嘅​观点​去​睇​事情。假设​你​经常​失​眠,医生​为​你​作​咗​一​个​治疗​计划,而​你​喺​饮​食、运动​同​生活​方面​都​需要​作出​调整。你​跟​足​呢个​计划​去​做,结果​大​有​成效。你​一定​好​感激​呢个​医生​帮助​你​改善​生活​质素。

6 同样,创造主​赐​下​嘅​律法​可以​保护​我哋,减轻​罪​对​我哋​造成​嘅​影响,从​而​改善​我哋​嘅​生活。我哋​可以​谂​吓,喺​讲大话、欺骗、偷窃、性不道德、暴力​同​通灵术​方面,遵从​上帝​嘅​律法​可以​得到​乜嘢​益处。(请​读​箴言​6:16-19;启示录​21:8)我哋​按照​耶和华​嘅​方式​行事​而​得益,好​自然​就​会​对​耶和华​满怀​感激,亦​都​会​更加​喜爱​佢​嘅​律法。

7.阅读​同​沉思​圣经​入面​嘅​真​人​真​事​对​我哋​有​乜嘢​帮助?

7 我哋​唔​需要​等​到​违反​上帝​嘅​律法​而​承担​恶​果​之后​先至​学识​乜嘢​系​啱,乜嘢​系​错。我哋​可以​从​圣经​人物​所​犯​嘅​错误​吸取​教训。箴言​1:5​话:“有​智慧​嘅​人​肯​听​教诲,多​受​教​益”。阅读​同​沉思​圣经​入面​嘅​真​人​真​事,我哋​就​可以​从​上帝​嗰度​得到​最好​嘅​教育。大卫​王​违反​耶和华​嘅​诫命,同​拔示巴​通奸,结果​要​承受​痛苦。(撒母耳记下​12:7-14)阅读​同​沉思​呢个​记载​嘅​时候,我哋​可以​问​吓​自己:“大卫​王​点样​做​就​可以​免​受​呢啲​痛苦?如果​面对​类似​嘅​考验,我​会​点样​做?我​会​好似​约瑟​噉​马上​逃离​定​系​会​好似​大卫​噉​向​诱惑​屈膝​呢?”(创世记​39:11-15 我哋​沉思​顺​应​肉体​会​有​乜嘢​恶​果,就​会​更加​决心“憎恨​邪恶”。

8,9.(甲)我哋​嘅​良心​可以​帮助​我哋​做​乜嘢?(乙)耶和华​嘅​原则​点样​帮助​我哋​嘅​良心​有效​噉​发挥​作用?

8 我哋​知道​要​远​离​耶和华​憎恨​嘅​事。不过,某​啲​情况​圣经​并​冇​明确​规定​点样​做,噉​我哋​会​点样​抉择?喺​呢啲​情况​下,我哋​点​知道​上帝​希望​我哋​点样​做?呢个​时候,我哋​就​需要​通过​受​到​圣经​熏陶​嘅​良心​嚟​做​决定。

9 耶和华​深爱​我哋,所以​佢​提供​嘅​原则​可以​指引​我哋​嘅​良心。佢​话:“我​耶和华​系​你​嘅​上帝,教导​你​使​你​得益​处,指引​你​走​当​行​嘅​路。”(以赛亚书​48:17,18)如果​我哋​深入​思考​圣经​嘅​原则,内心​受​到​打动,就​会​调整​自己​嘅​良心。噉样​就​可以​帮助​我哋​作出​明智​嘅​决定。

受​上帝​原则​指引

10.乜嘢​系​原则?耶稣​点样​教导​门徒​运用​原则?

10 原则​系​基本​嘅​真理,可以​指导​人​嘅​思想,帮助​人​做​明智​嘅​决定。耶和华​嘅​原则​帮助​我哋​明白​佢​嘅​谂法,以及​佢​制定​某​啲​律法​嘅​原因。耶稣​喺​地上​传道​嘅​时候​教导​门徒​一啲​基本​嘅​真理,帮助​佢哋​睇​出​某​啲​行为​态度​会​带​嚟​乜嘢​后果。有​一​次,佢​教导​人​话,怨恨​会​导致​暴力,欲望​会​导致​淫乱。(马太福音​5:21,22,27,28)如果​我哋​受​耶和华​嘅​原则​指引,良心​就​会​得到​良好​嘅​熏陶,作出​嘅​决定​亦​都​会​荣耀​耶和华。(哥林多前书​10:31

一​个​成熟​嘅​基督徒​会​顾​及​其他​人​嘅​良心(请​睇​第​11、12​段)

11.每​个​基督徒​嘅​良心​系咪​都​一样?请​解释。

11 喺​某​啲​情况​下,虽然​两​个​基督徒​嘅​良心​都​受​过​圣经​熏陶,但系​佢哋​作出​嘅​决定​可能​会​有​所​不​同。例如,圣经​冇​话​唔​可以​饮酒,不过​谴责​人​纵酒​同​醉酒。(箴言​20:1;提摩太前书​3:8)噉​系咪​话,一​个​基督徒​适​度​饮酒​就​唔​需要​考虑​其他​因素?唔​系。就算​佢​自己​嘅​良心​觉得​冇​问题,但​作为​一​个​基督徒​都​应该​顾​及​其他​人​嘅​良心。

12.罗马书​14:21​点样​鼓励​我哋​尊重​其他​人​嘅​良心?

12 基督徒​应该​顾​及​其他​人​嘅​良心。关于​呢​一​点,保罗​话:“无论​系​食​肉、饮酒,定​系​任何​事,如果​会​令​你​嘅​弟兄​失​足,就​一​概​唔​好​做。”(罗马书​14:21)虽然​我哋​有​权​为​自己​做​决定,但​如果​我哋​嘅​决定​会​令​弟兄​姊妹​良心​不​安,噉​我哋​愿唔愿意​放弃​自己​嘅​权利​呢?有啲​弟兄​姊妹​可能​喺​认识​真理​之前​惯​常​纵酒,不过​而家​决定​完全​唔​饮酒。我哋​一定​唔​想​绊倒​佢哋,令​佢哋​再次​沾染​恶习。(哥林多前书​6:9,10)所以​喺​交往​嘅​时候,如果​我哋​向​一​个​唔​想​饮酒​嘅​弟兄​施​加​压力,就​唔​系​仁慈​嘅​表现​嘞。

13.为咗​宣扬​好消息,提摩太​立​下​乜嘢​好​榜样?

13 提摩太​喺​二​十​岁​左右​嘅​时候, 为咗​使​犹太人​接受​好消息,甘愿​忍受​割礼​嘅​痛苦。佢​同​使徒​保罗​一样,唔​想​绊倒​任何​人。(使徒行传​16:3;哥林多前书​9:19-23)你​愿唔愿意​效法​提摩太,为咗​其他​人​嘅​益处​而​作出​牺牲?

“迈​向​成熟​嘅​阶段”

14,15.(甲)迈​向​成熟​系​乜嘢​意思?(乙)成熟​嘅​基督徒​会​点样​向​人​表现​爱心?

14 所有​基督徒​都​应该​超越“关于​基督​嘅​初步​教义”,然后“迈​向​成熟​嘅​阶段”。(希伯来书​6:1)呢个​过程​唔​系​自然​发生​嘅。我哋​需要“迈​向”,意思​系​要​不断​努力。达到​成熟​嘅​阶段,意味​住​我哋​要​继续​增加​知识​同埋​培养​洞悉​力。我哋​经常​受​到​鼓励,要​每​日​研读​圣经。(诗篇​1:1-3)你​有​冇​将​呢个​视​为​自己​嘅​目标?研读​圣经​可以​帮助​你​更​深入​理解​上帝​嘅​话语,使​你​更加​明白​耶和华​嘅​律法​同​原则。

15 对​基督徒​嚟​讲,最​重要​嘅​律法​就系​爱。耶稣​教导​门徒​话:“你哋​如果​彼此相爱,所有​人​就​会​因此​知道​你哋​系​我​嘅​门徒​嘞。”(约翰福音​13:35)耶稣​同​母​异​父​嘅​弟弟​雅各​将​爱​称​为 “至​尊​嘅​律法”。(雅各书​2:8)保罗​话:“爱心​完​全体​现​咗​律法。”(罗马书​13:10)圣经​经常​强调​爱​呢​种​特质​并​唔​出​奇,因为“上帝​就系​爱”。(约翰一书​4:8)上帝​唔​单​止​喺​心​入面​爱​人类,仲​会​采取​实际​嘅​行动。约翰​写​道:“上帝​差​佢​独生​嘅​儿子​到​世人​当中,使​我哋​可以​通过​佢​得​生命。凭​住​呢​一​点,上帝​嘅​爱​就​喺​我哋​身上​显明​出嚟。”(约翰一书​4:9)我哋​对​耶和华、耶稣​基督、弟兄​姊妹​同​其他​人​表现​爱心,就​证明​我哋​系​成熟​嘅​基督徒。(马太福音​22:37-39

我哋​按照​上帝​嘅​原则​嚟​推理,良心​所​作​嘅​指引​就​会​变​得​更加​可靠(请​睇​第​16​段)

16.点解​我哋​灵性​越​成熟,原则​对​我哋​嚟​讲​就​越​重要?

16 我哋​灵性​越​成熟,原则​对​我哋 嚟​讲​就​越​重要。因为​律法​往往​只​适用​于​某​啲​特定​嘅​情况,而​原则​就​可以​喺​唔同​嘅​情况​下​应用。例如,一​个​小朋友​唔​明白​不良​交往​嘅​危险,所以​有​辨识​力​嘅​父母​就​会​设立​一啲​规定​嚟​保护​佢。(哥林多前书​15:33)不过​小朋友​长大、变​得​更加​成熟​之后,就​可以​运用​自己​嘅​思考力,根据​圣经​嘅​原则​推理。噉样,佢​慢慢​就​识得​明智​噉​选择​朋友。(请​读​哥林多前书​13:11;14:20我哋​按照​上帝​嘅​原则​嚟​推理,良心​所​作​嘅​指引​就​会​变​得​更加​可靠,我哋​喺​唔同​嘅​情况​下​亦​都​更​清楚​上帝​希望​我哋​点样​做。

17.点解​话,我哋​已经​拥有​作​明智​决定​所​需​嘅​工具?

17 我哋​有​能力​使​自己​嘅​决定​蒙​耶和华​悦纳,因为​我哋​已经​拥有​作​明智​决定​所​需​嘅​工具。上帝​嘅​律法​同​原则​使​我哋​可以“完全​胜任,装备​齐全,做​各​样​善工”。(提摩太后书​3:16,17)所以,为咗“明白​耶和华​嘅​旨意​系​乜嘢”,我哋​应该​查考​圣经​嘅​原则。(以弗所书​5:17)要​善用​上帝​组织​提供​嘅​辅助​工具,例如《守望台​出版物​索引》、《耶和华见证人​出版物​检索​手册》、《守望台​书​库》、守望台​线​上​书​库同埋JW Library​应用​程式。呢啲​工具​可以​帮助​我哋​从​个​人​研读​同​家庭​研读​充分​得益。

良心​受​圣经​熏陶​会​带​嚟​福分

18.我哋​按照​耶和华​嘅​律法​同​原则​去​做​会​得到​乜嘢​福分?

18 我哋​按照​耶和华​嘅​律法​同​原则​去​做,就​可以​得到​好多​福分。诗篇​119:97-100​话:“我​真系​好​爱​你​嘅​律法!日​夜​不​停​噉​沉思。你​嘅​诫命​使​我​比​仇敌​有​智慧,因为​我​永​世​谨记​你​嘅​诫命。我​比​我​嘅​老师​更​能​洞悉​事​理,因​我​思索​你​提醒​世人​嘅​圣​谕。我​比​年长​嘅​人​更​有​悟性,因为​我​遵守​你​嘅​命令。”我哋​如果​花​时间“思索”上帝​嘅​律法​同​原则,就​会​更加​识得​善用​智慧、洞悉​力​同​理解力。我哋​努力​运用​上帝​嘅​律法​同​原则​熏陶​自己​嘅​良心,就​能够​达成“基督​长​成​嘅​身​量”。(以弗所书​4:13