跳到内容

跳到目录

读者来函

读者来函

点解​唔​可以​将​耶和华见证人​嘅​出版物​登载​喺​个​人​网站​或者​社交​网站​上?

我哋​嘅​圣经​出版物​都​系​免费​向​人​提供​嘅。因为​噉,有啲​人​就​认为​将​组织​嘅​出版物​转载​到​其他​网站​或者​社交​网站​上​系​冇​问题​嘅。噉样​做,其实​违反​咗​我哋​网站​嘅使用​条款 *,并​造成​严重​嘅​问题。条款​清楚​指​出,任何​人​都​唔​可以​将​网站​有​版权​嘅​图片、电子​出版物、音乐、照片、文字、影片​喺​互联网(任何​网站、文件​共享​网站​或​社交​平台)上​发布。点解​要​设​定​噉样​嘅​限制?

任何​人​都​唔​可以​将​我哋​有​版权​嘅​电子​出版物​转载​到​其他​网站

我哋​网站​嘅​所有​内容​都​系​有​版权​嘅。叛道者​同​反对者​喺​佢哋​嘅​网站​试图​用​我哋​嘅​出版物​嚟​吸引​耶和华见证人​同​其他​人。呢啲​网站​系​为咗​喺​读者​心里​撒​下​怀疑​嘅​种子​而​设计​嘅。(诗篇​26:4;箴言​22:5)有啲​人​将​我哋​出版物​嘅​资料、jw.org​标志​用​嚟​做​广告,或者​使用​喺​销售​产品​同​应用​程式​上。呢啲​出版物​资料​系​有​版权​嘅,而​相关​标志​亦​都​办理​咗​商标​注册,所以​如果​有​人​滥用,我哋​就​可以​对​佢​采取​法律​行动。(箴言​27:12)但系,假如​我哋​默许​一啲​人,包括​弟兄​姊妹,将​我哋​嘅​电子​资料​转载​到​其他​网 站​或者​用​jw.org​商标​嚟​销售​产品,噉​我哋​通过​法律​途径​制止​反对者​同​商业​企业​嘅​滥用​行为​嗰阵,可能​就​得​唔​到​法庭​嘅​支持。

从​jw.org​以外​嘅​其他​网站​下载​出版物​可能​会​有​危险。耶和华​只系​委任“忠信​睿智​嘅​奴隶”负责​分发​灵粮。(马太福音​24:45)而“奴隶”只系​通过www.jw.orgtv.jw.orgwol.jw.org呢啲​官方​网站​嚟​出版​灵粮。我哋​只​有​三​个​官方​应用​程式,就系JW L​a​ngu​a​ge®JW Library®JW Library Sign L​a​ngu​a​ge®。我哋​相信,呢啲​官方​网站​同​应用​程式​冇​插​入​广告,亦​都​冇​受​撒但​世界​影响。如果​灵粮​通过​其他​渠道​发布,就​好​可能​会​被​窜改​或者​受​到​污染。(诗篇​18:26;19:8

此​外,如果​将​组织​嘅​出版物​放​喺​可以​发表​评论​嘅​网站,叛道者​同​其他​人​就​可以​利用​呢个​机会​使​人​对​耶和华​嘅​组织​产生​怀疑。有啲​弟兄​姊妹​不知不觉​卷​入​网上​嘅​辩论,噉样​做​会​使​耶和华​嘅​名​蒙羞。网上​论坛​唔​系​一​个 “温和​教诲​对抗​嘅​人”嘅​适当​地方。(提摩太后书​2:23-25;提摩太前书​6:3-5)我哋​留意​到,有啲​人​假冒​组织、中央长老团​及​其​成员​嘅​名义​喺​社交​网站​注册​帐号。但​事实​上,冇​一​个​中央长老团​成员​有​自己​嘅​个​人​网页​或者​登陆​任何​社交​网站。

向​人​介绍 jw.org​有​助​于​传讲“好消息”。马太福音​24:14)我哋​喺​传道​工作​上​使用​嘅​电子​工具​会​不断​更新。我哋​希望​所有​人​都​可以​从中​得益。所以,正如​使用​条款​所​讲,你​可以​通过​电子邮件​将​出版物​嘅​电子​档​发送​俾​其他​人,或者​同​人​分享​jw.org​网站​内容​嘅​链接。向​感​兴趣​嘅​人​介绍​我哋​嘅​官方​网站,就系​帮助​佢哋​通过“忠信​睿智​嘅​奴隶”呢个​唯一​渠道​得到​属灵​嘅​粮食。

^ 1段 喺​jw.org​首​页​嘅​最​下​方​可以​揾​到使用​条款嘅​链接。呢个​条款​嘅​规定​适用​于​网站​嘅​所有​内容。