跳到内容

跳到目录

你有冇帮助儿女符合资格受浸?

你有冇帮助儿女符合资格受浸?

“你​点解​迟​延​呢?起嚟​受浸​啦!”——使徒行传​22:16

唱诗​51,135​

1.喺​儿女​受浸​之前,基督徒​父母​需要​确​认​乜嘢?

布洛茜姆·勃兰特​描述​佢​决定​受浸​嗰​段​时间​嘅​情况​话:“几​个​月​以来,我​一直​同​父母​讲,我​想​受浸。之后,佢哋​经常​同​我​倾​吓​呢个​问题,想​确定​我​系咪​真系​明白​受浸​系​个​严肃​嘅​决定。我​终于​喺​1934​年​12​月​31​日​受浸。呢​日​系​我​人生​中​意义​重大​嘅​一​日。”今日,身​为​父母​嘅​基督徒​同样​都​好​关心​点样​帮助​儿女​做​明智​嘅​决定。如果​儿女​迟​迟​唔​受浸,佢哋​同​耶和华​嘅​关系​就​会​受​到​损害。(雅各书​4:17)当然,喺​儿女​受浸​之前,父母​需要​确​认​儿女​已经​做​好​准备,可以​负​起​基督徒​嘅​责任。

2.(甲)一啲​分区​监督​留意​到​乜嘢​问题?(乙)呢​篇​课文​会​讨论​乜嘢?

2 有啲​分区​监督​留意​到,一啲​喺​真理​中​长大​嘅​年轻人​到​咗​十​几​二​十​岁​仲​未​受浸。呢啲​年轻人​大多数​都​已经​参加​聚会​同​传道​工作,甚至​已经​将​自己​睇​成​系​耶和华见证人。不过,佢哋​因为​某​啲​原因​唔​想​献身​受浸。 咩​原因​呢?因为​有啲​基督徒​父母​建议​佢哋​嘅​儿女​迟​啲​先​受浸。喺​呢​篇​课文,我哋​会​讨论​有​边​四​种​谂法​会​妨碍​基督徒​父母​帮助​儿女​继续​进步,符合​资格​受浸。

咁​细​受​得​浸​未​㗎?

3.布洛茜姆​嘅​父母​担心​乜嘢?

3 布洛茜姆​嘅​父母​担心​自己​嘅​女​年纪​仲​细,未​真正​明白​受浸​嘅​意义​同埋​受浸​系​几​咁​严肃​嘅​事。呢​种​谂法​系​可以​理解​嘅。噉​父母​点​知道​儿女​系咪​已经​做​好​准备,将​自己​嘅​一生​献​俾​耶和华?

4.耶稣​喺​马太福音​28:19,20​嘅​吩咐​可以​点样​帮助​父母​教导​儿女?

4 请​读​马太福音​28:19,20正如​上​一​篇​课文​所​讲,圣经​冇​规定​一​个​人​要​到​咗​某​个​年龄​先​可以​受浸。不过,父母​都​应该​认真​谂​吓​帮助​人​成为​基督​门徒​嘅​意义。马太福音​28:19​提​到​要​使​人​做​门徒,呢​句​话​喺​希腊语​意味​住,要​将​帮助​人​成为​门徒​作为​施行​教导​嘅​目标。一​个​人​要​成为​耶稣​嘅​门徒,就​应该​学习​同​明白​耶稣​嘅​教导,并且​决心​遵守。所以,基督徒​父母​都​应该​定​立​目标,从​儿女​婴儿​时期​开始​就​教导​佢哋,帮助​佢哋​将来​献身​受浸​成为​基督​嘅​门徒。当然,一​个​婴儿​未​符合​受浸​嘅​资格。不过​圣经​表明,就算​系​小朋友,都​能够​理解​同​热爱​圣经​真理。

5,6.(甲)关于​受浸,我哋​通过​同​提摩太​有关​嘅​记载​学​到​乜嘢?(乙)有​辨​识​力​嘅​父母​可以​点样​有效​噉​帮助​自己​嘅​儿女?

5 提摩太​喺​年轻​嘅​时候​就​已经​确信​自己​学​到​嘅​系​真理。使徒​保罗​话​提摩太​从​婴儿​时期​就​开始​学习​圣经​真理。虽然​提摩太​嘅​爸爸​唔​系​一​个​事奉​上帝​嘅​人,不过​犹太裔​嘅​妈妈​同​外婆​就​帮助​提摩太​培养​对​上帝​话语​嘅​爱。结果,提摩太​对​真理​有​坚定​嘅​信心。(提摩太后书​1:5;3:14,15)佢​二​十​岁​左右​就​已经​受​到​委派,可以​同​保罗​一齐​参与​海​外​传道​工作。(使徒行传​16:1-3

6 当然,每​个​小朋友​都​唔​一样,唔​可能​喺​同样​嘅​年纪​达到​同样​嘅​成熟​程度。有啲​细细​个​就​已经​心​智​成熟,有​受浸​嘅​愿望;有啲​就​可能​要​等​年纪​再​大​啲​先​考虑​受浸。所以,有​辨​识​力​嘅​父母​唔​会​逼​儿女​受浸,反而​会​一​步​一​步​帮助​儿女​喺​属灵​上​进步。儿女​跟从​箴言​27:11(请​读)嘅​原则​去​做,就​会​使​父母​嘅​心​欢喜。父母​要​谨记,佢哋​嘅​目标​系​要​帮助​儿女​成为​基督​嘅​门徒。如果​父母​有​呢个​目标,好​自然​就​会​谂:“我​嘅​仔女​系咪​已经​有​足够​嘅​知识​可以​献身​受浸?”

有​冇​足够​嘅​知识?

7.一​个​人​系咪​需要​熟​识​圣经​嘅​每​个​细节​先​可以​受浸?请​解释。

7 喺​家庭​中,父母​作为​儿女​嘅​导师,都​希望​儿女​清楚​明白​真理,从 而​为​献身​打​好​基础。呢个​并​唔​系​话,一​个​人​决定​献身​受浸​之前,一定​要​熟悉​圣经​嘅​每​个​细节。事实​上,所有​门徒​喺​受浸​之后​都​应该​继续​学习​圣经​真理。(请​读​歌罗西书​1:9,10噉​到底​一​个​人​要​有​几多​圣经​知识​先​可以​受浸?

8,9.我哋​从​保罗​同​狱卒​嘅​记载​学​到​乜嘢?

8 父母​可以​从​公元​1​世纪​嘅​一​个​家庭​经历​嘅​事​受​到​启发。(使徒行传​16:25-33)大约​公元​50​年,保罗​喺​第​二​次​海​外​传道​旅程​期间​探访​咗​腓​立​比。喺​嗰度,保罗​同​西拉​因为​俾​人​诬告​而​被​捕​入​狱。当​晚,一​场​强烈​嘅​地震​使​监狱​嘅​门​都​打开​晒。狱卒​以为​囚​犯​全部​逃​走​咗,于是​想​自杀。保罗​制止​咗​狱卒​之后,同​西拉​一齐​向​狱卒​一​家​作​咗​美好​嘅​见证。狱卒​一​家​接受​咗​同​耶稣​有关​嘅​真理​之后,即刻​采取​乜嘢​行动?佢哋​冇​拖延,马上​受浸。我哋​从​呢个​记载​学​到​乜嘢?

9 呢个​狱卒​可能​系​一​个​退役​嘅​罗马​士兵,佢​并​唔​熟悉​圣经。所以,如果​佢​想​成为​基督徒,就​需要​学习​基本​嘅​圣经​真理,明白​成为​上帝​嘅​子民​意味​住​乜嘢,仲​要​下​定​决心​遵从​耶稣​嘅​教导。佢​喺​短​时间​内​学​到​嘅​只系​一啲​基本​嘅​圣经​知识,但​呢啲​知识​足​以​打动​佢​嘅​心,推​使​佢​马上​受浸。毫无​疑问,佢​受浸​之后​会​继续​吸收​圣经​知识。同样,如果​儿女​已经​有​基本​嘅​圣经​知识,明白​献身​嘅​意义,又​想​受浸,噉​父母​应该​点​做​呢?父母​可以​建议​儿女​同​会众​嘅​长老​倾​吓,睇​吓​自己​系咪​符合​受浸​嘅​资格。 *同​其他​基督徒​一样,儿女​受浸​之后​都​要​继续​学习​圣经​知识,加深​对​上帝​旨意​嘅​理解,直到​永远。(罗马书​11:33,34

有​冇​得到​最好​嘅​教育?

10,11.(甲)有啲​父母​有​乜嘢​谂法?(乙)乜嘢​先至​系​儿女​最好​嘅​保护?

10 为咗​使​儿女​有​机会​接受​高​等​教育,可以​揾​一​份​有​前​途​嘅​工作,有啲​父母​会​建议​儿女​最好​迟​啲​先​受浸。噉样​做​可能​系​为​儿女​着想,不过​可唔可以​帮助​儿女​得到​真正​嘅​成功?更​重要​嘅​系,噉样​做​系咪​同​圣经​原则​一致?耶和华​嘅​话语​鼓励​我哋​点样​做?(请​读​传道书​12:1

11 要​谨记,世界​同​世界​嘅​一切​都​系​同​耶和华​嘅​思想​对立​嘅。(雅各书​4:7,8;约翰一书​2:15-17;5:19)同​耶和华​有​亲密​嘅​关系​就系​儿女​最好​嘅​保护,使​佢哋​可以​免​受​撒但、呢个​世界​同​世俗​思想​嘅​影响。如果​父母​最​重视​嘅​系​世俗​嘅​追求,就​可能​会​令​到​儿女​分​唔​清​乜嘢​先至​系​真正​重要​嘅。噉样,最终​只​会​危害​佢哋​同​耶和华​嘅​关 系。仁爱​嘅​基督徒​父母,你哋​系咪​真系​希望​由​呢个​世界​嚟​教导​自己​嘅​儿女​乜嘢​系​成功​嘅​人生?只​有​将​耶和华​放​喺​生活​嘅​首位,我哋​先​会​得到​真正​嘅​喜乐​同​成功。(请​读​诗篇​1:2,3

如果​犯​咗​严重​嘅​罪​点​算​呢?

12.点解​有啲​父母​唔​鼓励​儿女​受浸?

12 一​个​基督徒​母亲​解释​佢​点解​唔​鼓励​自己​嘅​女​受浸,话:“讲​起嚟​真系​好​惭愧,主要​系​因为​有​开除​嘅​安排。”有啲​父母​同​呢个​姊妹​有​类似​嘅​谂法,佢哋​觉得,等​儿女​年纪​再​大​啲​先至​受浸​会​比较​好,噉​儿女​就​唔​会​因为​心​智​未​成熟​而​做​错事。(创世记​8:21;箴言​22:15)佢哋​可能​以为,只要​自己​嘅​儿女​一​日​未​受浸,就​唔​会​被​开除。点解​话​呢个​系​自​欺欺​人​嘅​谂法?(雅各书​1:22

13.一​个​人​迟​迟​唔​受浸,系咪​就​唔​需要​向​耶和华​交账​呢?请​解释。

13 当然,基督徒​父母​唔​想​儿女​喺​心​智​成熟​之前​献身​受浸,呢个​谂法​系​可以​理解​嘅。不过,如果​以为​儿女​未​受浸​就​唔​需要​向​耶和华​交账​就​大错特错​嘞。点解​噉​讲?儿女​唔​系​受​咗​浸​先至​要​向​耶和华​交账。如果​儿女​已经​明白​耶和华​嘅​是非​标准,噉​佢​就​要​为​自己​嘅​行为​负责。(请​读​雅各书​4:17所以,明智​嘅​父母​唔​会​阻止​儿女​受浸,反而​会​尽力​做​个​好​榜样。父母​应该​从​儿女​婴儿​时期​开始​就​教导​佢哋​爱​耶和华​嘅​崇高​道德​标准。(路加福音​6:40)呢​种​爱​会​推动​儿女​紧守​耶和华​嘅​正义​标准,避免​犯​严重​嘅​罪。呢个​对​儿女​嚟​讲​系​最好​嘅​保护。(以赛亚书​35:8

其他​人​能够​提供​帮助

14.长老​可以​点样​配合​父母,帮助​佢哋​嘅​儿女​定​立​受浸​嘅​目标?

14 会众​嘅​长老​可以​配合​父母,积极​向​年轻人​谈论​属灵​嘅​目标。一​个​姊妹​喺​六​岁​嗰时​同​查尔斯·罗素​弟兄​有​过​一​次​难忘​嘅​交谈。姊妹​话:“佢​用​咗​15​分钟​同​我​讨论​我​嘅​属灵​目标。”结果​点​呢?呢个​姊妹​后来​成为​先驱,而且​坚守​岗位​超过​70​年!冇错,积极​嘅​言词​同​鼓励​嘅​说话​的确​能够​对​人​产生​深远​嘅​影响。(箴言​25:11)长老​亦​都​可以​根据​小朋友​嘅​年纪​同​能力,适当​俾​佢哋​一啲​任务,使​佢哋​可以​同​父母​一齐​参与​同​王国聚会所​有关​嘅​工作。

15.会众​嘅​弟兄​姊妹​可以​用​乜嘢​方法​鼓励​年轻人?

15 会众​嘅​弟兄​姊妹​可以​适当​噉​向​年轻人​表现​个​人​关注,留意​佢哋​属灵​上​嘅​进步。你​有​冇​留意​到​某​个​年轻人​喺​聚会​发表​咗​衷心​嘅​评论,或者​有​份​担任​节目?你​有​冇​听讲​佢​喺​学校​把握​机会​向​人​作​见证,或者​成功​抵抗​诱惑?呢个​时候,要​真心​称赞​佢。不妨 喺​聚会​前后​同​会众​嘅​年轻人​倾​吓​计,真诚​噉​关心​佢哋。噉样,佢哋​就​可以​感受​到​自己​系“大​群​会众”嘅​一分子。(诗篇​35:18

帮助​儿女​符合​资格​受浸

16,17.(甲)受浸​点样​影响​我哋​嘅​未来?(乙)所有​基督徒​父母​都​希望​体验​乜嘢​喜乐?(请​睇​吓​课文​开头​嘅​图片)

16 按照“耶和华​嘅​意思”将​儿女​抚​养​成人,系​基督徒​父母​莫大​嘅​殊荣。(以弗所书​6:4;诗篇​127:3)古代​以色列人​嘅​儿女,一​出世​就​属于​一​个​献​咗​身​俾​耶和华​嘅​国族。不过,今日​嘅​基督徒​儿女​唔​一样。换​句​话​嚟​讲,即​系​儿女​唔​会​自然​继承​到​父母​对​耶和华​同​真理​嘅​爱。儿女​一​出世,父母​就​应该​以​帮助​佢哋​成为​基督徒​为​目标,鼓励​佢哋​献身​受浸,事奉​耶和华。呢个​系​生​死​攸关​嘅​事。一​个​人​献身、受浸​同埋​忠心​事奉​上帝,就​有​机会​喺​将​临​嘅​大患难​得救。(马太福音​24:13

父母​应该​立​下​目标,帮助​儿女​成为​基督​嘅​门徒(请​睇​第​16,17​段)

17 布洛茜姆·勃兰特​决定​受浸​嗰时,佢​嘅​父母​好想​确​认​佢​系咪​已经​做​好​准备,踏​出​人生​中​最​重要​嘅​一​步。当​佢哋​相信​自己​嘅​女​已经​做​好​准备,就​全力​支持​佢。喺​布洛茜姆​受浸​前​一​晚,佢​爸爸​做​咗​一​件​感​人​嘅​事。布洛茜姆​回忆​话:“爸爸​叫​我哋​一齐​跪​低,然后​做​咗​个​祷告。佢​同​耶和华​讲,知道​自己​嘅​宝贝​女​决心​将​一生​献​俾​耶和华,自己​真系​好​开心。”事​隔​六十​几​年​之后,布洛茜姆​对​嗰​晚​发生​嘅​事​仍然​记忆​犹​新。佢​话:“我​永远​都​唔​会​忘记​嗰个​晚上!”愿​所有​父母​都​可以​见到​自己​嘅​儿女​献身​受浸​事奉​耶和华,体验​到​呢​种​喜乐​同​满足。

^ 9段 父母​可以​同​儿女​一齐​讨论《年轻人​所​提​出​的​问题——有​实效​的​答案》第​2​册​304-310​页,亦​都​可以​参考《王国​传道​月报》2011​年​4​月刊​2​页​嘅“问题​栏”。