跳到内容

跳到目录

表现好客精神使人快乐!

表现好客精神使人快乐!

“你哋​要​好客,彼此​款待,唔​好​发​牢骚。”——彼得前书​4:9

唱诗​100,87​

1.公元​1​世纪​嘅​基督徒​面对​乜嘢​情况?

公元​62​至​64​年​期间,使徒​彼得​写​信​俾“分散​喺​本​都、加​拉​太、卡帕​多​西​亚、亚​细​亚​同​庇​推​尼​各​地​寄​居”嘅​弟兄​姊妹。(彼得前书​1:1)呢啲​生活​喺​小​亚​细​亚​嘅​弟兄​姊妹​有​唔同​嘅​文化​背景。当时,佢哋​正​遭受​反对,俾​人​再​三​诋毁,面对“如​火​嘅​考验”。佢哋​生活​喺​一​个​非常​时期,好​需要​得到​鼓励​同​指引。彼得​话:“万物​嘅​终结​近​嘞。”冇错,不​出​十​年,耶路撒冷​就​受​到​毁灭。乜嘢​帮助​公元​1​世纪​嘅​弟兄​姊妹​渡过​呢个​艰难​时期?(彼得前书​4:4,7,12

2,3.点解​彼得​鼓励​弟兄​姊妹​要​表现​好客​精神?(请​睇​吓​课文​开头​嘅​图片)

2 彼得​鼓励​当时​嘅​弟兄​话:“你哋​要​好客,彼此​款待”。(彼得前书​4:9)译​作“好客”嘅​希腊语词​嘅​意思​系“喜爱​或者​仁慈​噉​对待​陌生​人”。不过​请​留意,彼得​鼓励​弟兄​姊妹​要​向​嗰啲​已经​认识、一齐​共事​嘅​人​表现​好客,“彼此​款待”。点解​彼得​鼓励​佢哋​噉样​做?

 3 噉样​做​会​拉​近​佢哋​之​间​嘅​关系。不妨​谂​吓​你​自己​嘅​经历。有​人​邀请​你​去​佢​屋企​作​客​嗰阵,你​系咪​觉得​好​开心,系咪​留下​咗​美好​嘅​回忆?你​款待​会众​嘅​朋友​之后,彼此​嘅​友谊​系咪​更加​深​厚?如果​我哋​想​深入​认识​弟兄​姊妹,一​个​好​方法​就系,向​佢哋​表现​好客​精神。喺​彼得​嘅​日子,随​住​情况​越来越​严峻,弟兄​姊妹​就​更​需要​有​亲密​嘅​关系。今日,生活​喺“最后​嘅​日子”嘅​基督徒​都​需要​噉样​做。(提摩太后书​3:1

4.呢​篇​课文​会​讨论​乜嘢?

4 我哋​可以​点样​把握​机会​表现​好客​精神?乜嘢​会​妨碍​我哋​表现​好客​以及​我哋​可以​点样​克服?乜嘢​可以​帮助​我哋​成为​一​个​好​嘅​客​人?

把握​机会,表现​好客

5.我哋​喺​聚会​嗰阵​可以​点样​表现​好客​精神?

5 喺​聚会:耶和华​同​佢​嘅​组织​邀请​我哋​参加​聚会。我哋​都​好想​效法​耶和华,欢迎​所有​参加​聚会​嘅​人,特别​系​新​人。(罗马书​15:7)佢哋​都​系​耶和华​嘅​客​人,所以​无论​佢哋​有​点样​嘅​衣​着​打扮,我哋​都​应该​主动​欢迎。(雅各书​2:1-4)如果​一​个​新​人​睇嚟​冇​人​照顾,你​可唔可以​邀请​佢​同​你​一齐​坐?如果​你​话​俾​佢​知​聚会​嘅​进​程​或者​帮助​佢​查​找​经文,佢​一定​会​好​感激​你。呢个​系“努力​表现​好客​精神”嘅​好​方法。(罗马书​12:13

6.我哋​应该​邀请​边啲​人?

6 款待​人:喺​圣经​时代,人​表现​好客​嘅​方法​通常​系​邀请​人​到​屋企​食饭。(创世记​18:1-8;士师记​13:15;路加福音​24:28-30)邀请​人​共享​美​食,就系​想​同​人​建立​友好​和睦​嘅​关系。我哋​应该​邀请​边啲​人?主要​系​会众​嘅​弟兄​姊妹。呢个​世界​嘅​情况​会​变​得​越来越​差,所以​我哋​需要​同​弟兄​姊妹​有​和睦​嘅​关系,互相​扶持,以​忠贞​相​待。2011​年,中央长老团​将​美国​伯特利​家庭《守望台》研究班​嘅​时间​由​下​午​6:45​改​到​下​午​6:15。点解​要​调整?宣布​话,如果​聚会​早​啲​结束,伯特利​成员​就​更​容易​互相​表现​好客​精神。后来,其他​分部​办事处​都​照住​噉​做。呢个​安排​使​伯特利​成员​之​间​嘅​关系​更加​亲密。

7,8.我哋​可以​点样​向​到​访​会众​嘅​人​表现​好客​精神?

7 当​分区​监督、分部​代表​或者​其他​会众​嘅​讲者​到​访​我哋​会众​嘅​时候,就系​我哋​表现​好客​精神​嘅​好​机会。(请​读​约翰三书​5-8你​可唔可以​请​佢哋​食​啲​甜​点​或者​食​餐饭​呢?

8 美国​嘅​一​个​姊妹​回忆​话:“咁​多​年​来,我​同​先生​有​机会​喺​屋企​款待​好多​讲者​同​佢哋​嘅​妻子。每​次​交往​都​好​开心,不过​最​重要​嘅​系,喺​属灵​上​我哋​得到​好​大​嘅​鼓励。我哋​从来​都​冇​后悔​噉样​做。”

9,10.(甲)我哋​可以​向​边啲​人​提供​住宿?(乙)就算​自己​间​屋​唔​大,系咪​都​可以​向​人​提供​住宿​呢?请​举例。

9 提供​住宿:喺​古代,家主​经常​会​为​可靠​嘅​访客​提供​住宿。(约伯记​31: 32;腓利门书​22)喺​我哋​嘅​日子​都​需要​噉​做。分区​监督​探访​会众​嘅​时候,往往​需要​住宿​嘅​地方。参加​培训​班​嘅​学​员​同​参与​建筑​工程​嘅​志愿者​亦​都​一样。嗰啲​因为​自然​灾害​而​无​家​可​归​嘅​人​又​点​呢?喺​住所​建​好​之前,佢哋​需要​有​个​地方​安​顿​落嚟。我哋​唔​应该​觉得,只​有​嗰啲​屋企​好​大​嘅​人​先​可以​提供​帮助,话唔定​之前​佢哋​已经​帮​过​好多​人。就算​自己​间​屋​唔​大,你​都​可以​向​人​提供​住宿。

10 一​个​韩国​弟兄​曾经​为​训练班​嘅​学​员​提供​住宿,佢​回忆​话:“当时​我​啱啱​结婚,同​太太​住​喺​一​间​细​屋,所以​一​开始​都​有啲​犹疑。不过,我哋​有​机会​同​训练班​嘅​学​员​一齐​住,真系​好​开心。学​员​当中​有啲​夫妇​因为​事奉​耶和华​同​追求​属灵​目标,享有​好​大​嘅​喜乐。我哋​呢​对​新​婚​夫妇,见到​佢哋​嘅​榜样​都​受​到​鼓励。”

11.点解​需要​向​嗰啲​新​嚟​会众​嘅​人​表现​好客?

11 帮助​新​嚟​会众​嘅​人:可能​有啲​弟兄​姊妹​会​从​其他​地方​搬​到​你​嘅​地区。佢哋​过嚟​可能​系​因为​想​扩大​服务,或者​佢哋​系​先驱,受​委派​嚟​协助​你​嘅​会众。佢哋​啱啱​嚟​到,人生路​不​熟,为咗​适应​新​嘅​地区、会众、语言​或者​文化,需要​作出​调整。邀请​佢哋​一齐​交往,可以​帮助​佢哋​结​交​新​朋友​同埋​适应​新​环境。

12.乜嘢​经验​表明,好客​唔​需要​好​隆​重?

12 表现​好客​唔​需要​好​隆​重。(请​读​路加福音​10:41,42一​个​弟兄​回忆​佢​同​太太​一​开始​做​特派​传道员​嘅​日子,话:“嗰阵时​我哋​好​年轻,冇​经验,又​经常​想念​家人。有​一​晚,太太​因为​思​乡​而​特别​灰心。我​尽力​安慰​佢,但系​冇​用。大约​晚黑​七​点​半,有​人​敲​门。开门​之后,我哋​见到​一​个​圣经​学生​企​喺​门口,手​上​拎​住​三​个​橙。原来,佢​过嚟​系​想​欢迎​新​嚟​嘅​特派​传道员。我哋​邀请​佢​入​屋,斟​咗​杯​水​俾​佢,后来​又​冲​埋​茶​同​热​朱古力。我哋​唔​识​斯瓦​希​里语,而​佢​又​唔​识​英语。不过,呢​次​开心​嘅​经历​就​成为​我哋​同​当地​弟兄​姊妹​建立​友谊​嘅​开始。”

跨​越​障碍,表现​好客

13.表现​好客​精神​可以​带​嚟​乜嘢​益处?

13 你​系咪​有​所​顾虑,所以​冇​向​人​表现​好客?如果​系​噉,你​就​可能​错​失​咗​同​朋友​共​度​快乐​时光​或者​建立​长久​友谊​嘅​机会。表现​好客​系​消除​孤独​感​嘅​一​个​好​方法。不过,点解​有啲​人​唔​系​好想​向​人​表现​好客​精神?可能​有​以​下​几​个​原因。

14.如果​冇​咩​时间​同​弟兄​姊妹​交往,我哋​可以​点样​做?

14 时间​同​精力:耶和华​嘅​子民​负​有​好多​唔同​嘅​职责,佢哋​嘅​生活​通常​都​比较​忙碌。有啲​人​觉得,自己​冇​咩​时间​同​精力​向​人​表现​好客。如果​你​有​同样​嘅​情况,就​可能​需要​检查​吓​自己​嘅​时间​安排。为咗​有时​间​可以​同​弟兄​姊妹​交往,你​能​唔​能够​作出​一啲​调整? 圣经​鼓励​基督徒​要​表现​好客​精神。(希伯来书​13:2)所以,我哋​好​应该​抽​出​时间​向​人​表现​好客。不过​噉样​做,你​就​可能​需要​减少​一啲​冇​咁​重要​嘅​活动。

15.有啲​人​想​表现​好客,不过​担心​乜嘢?

15 对​自己​嘅​睇法:你​系咪​曾经​想​向​人​表现​好客,但系​又​觉得​自己​冇​呢个​能力?有啲​人​比较​内​向,担心​唔​知​同​客​人​讲​啲​咩​好,又​或者​担心​客​人​会​觉得​闷。另​一啲​人​经济​有限,认为​自己​冇​能力​好似​会众​其他​人​噉样​款待​客​人。其实,只要​间​屋​干净​企​理,俾​到​客​人​宾​至​如​归​嘅​感觉​就​足够​嘞。

16,17.点样​做​可以​减轻​招待​客​人​所​产生​嘅​顾虑?

16 一​谂​到​要​招​呼客​人,可能​令​你​感到​紧张,但​其实​唔​系​只​有​你​先​有​噉​嘅​感觉。一​个​英国​嘅​长老​承认:“为​招​呼客​人​做​准备​会​令​人​焦虑。不过,为​事奉​耶和华​而​做​嘅​任何​事​所​带​嚟​嘅​益处​同​满足​感​会​远远​胜​过​所有​忧虑。只系​同​客​人​坐​低,一齐​饮​吓​咖啡​倾​吓​计,我​就​已经​好​享受​嘞。”对​客​人​表现​个​人​关注​一直​都​系​个​好​方法。(腓立比书​2:4)好多​人​都​钟意​同​人​分享​自己​嘅​经历。同​弟兄​姊妹​一齐​交往​嘅​时候,就系​听​佢哋​讲述​自己​经历​嘅​最好​机会。另​一​个​长老​话:“邀请​会众​嘅​朋友​嚟​屋企​交往,可以​帮助​我​更加​了解​佢哋,使​我​有​机会​知道​佢哋​嘅​事,特别​系​佢哋​点样​认识​真理。”你​仁爱​噉​关注​客​人,肯定​可以​营​造​出​开心​愉快​嘅​气氛。

17 一​个​先驱​姊妹​经常​提供​自己​嘅​屋企​俾​各​种​训练班​嘅​学​员​住,佢​承认:“一​开始​我​有啲​担心,因为​我​屋企​好​简陋,啲​家​私​都​系​二手​嘅。一​个​导师​嘅​太太​所​讲​嘅​话​令​我​好​安心。佢​话​同​先生​一齐​做​探访​工作​嗰时,最​开心​就系​住​喺​嗰啲​属灵​嘅​弟兄​姊妹​屋企​嘅​时光。呢啲​弟兄​姊妹​唔​一定​拥有​好多​物质​嘅​嘢,但系​同​我哋​有​共​同​嘅​目标——全心​事奉​耶和华,保持​过​简朴​嘅​生活。呢个​使​我​记​起,妈妈​喺​我​细个​嗰时​讲​过​嘅​话:‘只​食​一​碟素菜​而​彼此相爱’。”(箴言​15:17)你​唔​需要​担心,爱心​可以​激发​你​嘅​好客​精神。

18,19.表现​好客​点样​帮助​我哋​消除​对​其他​人​嘅​负​面​睇法?

18 对​其他​人​嘅​睇法:你​系咪​对​会众​某​个​人​反感?如果​你​对​一​个​人​有​负​面​嘅​睇法,但​又​唔​采取​行动​去​改善,噉​呢​种​睇法​就​会​一直​延续​落去。某​个​人​伤害​过​你​而​你​好​难​放​低,或者​你​唔​钟意​某​个​人​嘅​性格,呢啲​都​可能​会​妨碍​你​向​佢哋​表现​好客​精神。

19 圣经​话,如果​我哋​表现​好客​精神,甚至​同​敌人​嘅​关系​都​可以​改善。(请​读​箴言​25:21,22如果​一​个​人​对​你​有​成​见,邀请​佢​作​客​可以​减轻​你哋​之​间​嘅​摩擦​或者​软化​佢​嘅​态度。噉样​做,你​就​有​机会​睇到​佢​嘅​美好​特质,明白​耶和华​点解​吸引​佢​认识​真理。(约翰福音​6:44)出于​爱心​嘅​邀请,可能​会​使​你哋​嘅​关系​开始​得到​改善。你​点样​做​就​可以​表明​你​嘅​动机​的确​出于​爱心?一​个​方法​系​听从​腓立比书​2:3​嘅​劝 勉。经文​鼓励​我哋“要​谦卑,睇​其他​人​比​自己​优越”。我哋​应该​揾​出​并​学习​弟兄​姊妹​比​我哋​优越​嘅​地方,例如​佢哋​嘅​信心、坚​忍、勇气,或者​其他​基督徒​特质。我哋​多​啲​谂​吓​佢哋​嘅​美好​特质,就​会​更加​爱​佢哋,更​乐意​对​佢哋​表现​好客​精神。

做​一​个​好​嘅​客​人

主人​通常​会​为​佢哋​嘅​客​人​做​好​准备(请​睇​第​20​段)

20.我哋​接受​咗​邀请,点解​应该​守​约?

20 诗篇​执笔者​大卫​问:“耶和华​啊,边个​能够​喺​你​嘅​圣幕​中​作​客?”(诗篇​15:1)佢​问​完​呢个​问题​之后​就​指​出,做​耶和华​嘅​客​人​需要​具备​嘅​其中​一​个​属灵​特质​就系​言出必行。大卫​话:“佢​发​咗​誓,就算​吃亏,都​唔​反悔。”(诗篇​15:4)我哋​接受​咗​一​个​邀请,就​唔​应该​随便​取消。主人​可能​已经​做​好​晒​准备,如果​我哋​唔​去,佢​所​作​嘅​努力​都​会​白费。(马太福音​5:37)有啲​人​取消​一​个​邀请​系​为咗​接受​另​一​个​睇嚟​更​好​嘅​邀请。噉样​做​系咪​有​爱心​同​尊重​他​人​呢?我哋​应该​怀​住​感激​之​心​接受​主人​为​我哋​所​提供​嘅。(路加福音​10:7)如果​我哋​真系​遇​到​无​法​避免​嘅​情况,唔​能够​遵守​约​定,仁慈​体贴​嘅​做法​就系​尽快​通知​主人。

21.尊重​当地​习惯​点样​帮助​我哋​成为​好​嘅​客​人?

21 尊重​当地​嘅​习惯​亦​都​好​重要。喺​某​啲​文化,参加​一​个​交往​最好​要​先​受​到​主人​嘅​邀请,但​有啲​文化,就算​冇​受​到​邀请​都​可以;有啲​地方,主人​会​将​最好​嘅​食物​俾​客​人​食​先,而​另​一啲​地方​就​大家​同时​享​用;某​啲​地区,客​人​通常​要​带​食物​参加​交往,而​某​啲​地区,主人​觉得​客​人​最好​乜嘢​都​唔​带;有啲​文化,客​人​拒绝​第​一​第​二​次​邀请​系​礼貌​嘅​表现,而​有啲​文化,拒绝​就​等于​冇​感激​之​心。无论​点​都​好,我哋​应该​尽力​使​主人​觉得​邀请​我哋​系​一​件​开心​嘅​事。

22.“要​好客,彼此​款待”呢个​劝告​点解​咁​重要?

22 彼得​话:“万物​嘅​终结​近​嘞。”(彼得前书​4:7)我哋​将​会​面对​世上​前所未见​嘅​大患难。随​住​压力​不断​增加,我哋​需要​同​弟兄​姊妹​培养​深​厚​嘅​爱。我哋​比​以往​嘅​基督徒​更加​需要​听从​彼得​嘅​劝告。佢​话:“你哋​要​好客,彼此​款待”。好客​精神​使​我哋​开心​愉快,系​我哋​生活​必​不可​少​嘅​一​部分,直至​永恒。(彼得前书​4:9