跳到内容

跳到目录

 第​5​章

赎价——上帝俾人最宝贵嘅礼物

赎价——上帝俾人最宝贵嘅礼物

1,2. (甲)喺​你​最​需要​帮手​嘅​时候,有​朋友​出​手​相​助,你​会​有​咩​感觉​呢?(乙)耶和华​为​我哋​做​咗​乜嘢​伟大​嘅​事?

你​有​冇​试​过​喺​最​需要​人​帮手​嘅​时候,有​朋友​帮​到​你​呢?如果​有,你​一定​好​开心,亦​都​好​感激​佢。

2 耶和华​为​你​做​咗​一​件​好​伟大​嘅​事,系​其他​人​做​唔​到​嘅。呢​一​章​我哋​会​学​到,耶和华​派​佢​儿子​耶稣​基督​嚟​到​地上​作为​赎价,使​我哋​可以​永远​活​落​去。(请​读​马太福音​20:28耶和华​噉样​做,表明​佢​真系​好​爱​我哋。

赎价​系​乜嘢?

3. 点解​人​会​死​呢?

3 赎价​系​耶和华​用​嚟​拯救​人类​摆脱​罪​同​死​嘅​方法。(以弗所书​1:7)为咗​明白​人​点解​需要​赎价,我哋​就​要​了解​喺​几千​年​前​伊甸园​所​发生​嘅​事。我哋​嘅​始祖​亚当​夏娃​犯​咗​罪,结果​佢哋​失去​生命。由于​亚当​夏娃​将​罪​遗传​咗​俾​我哋,所以​人人​都​会​死。——请​睇附注​9

4. 耶和华​赐​俾​亚当​乜嘢?

4 耶和华​创造​第​一​个​人​亚当​嘅​时候,赐​俾​佢​完美​嘅 生命。身心​完美​嘅​亚当​唔​会​有​病,亦​都​唔​会​衰老​死亡。完美​嘅​生命​真系​好​宝贵!由于​耶和华​创造​咗​亚当,可以​话​耶和华​就系​佢​爸爸。(路加福音​3:38)耶和华​经常​同​亚当​沟通,并且​向​亚当​清楚​解释​对​佢​有​乜嘢​期望,亦​都​将​一​份​称心如意​嘅​工作​交俾​佢。(创世记​1:28-30;2:16,17

5. 圣经​话​亚当​系​照“上帝​嘅​形像”创造​嘅,系​咩​意思​呢?

5 亚当​系​照“上帝​嘅​形像”创造​出嚟​嘅。(创世记​1:27)所以,亚当​具有​上帝​嘅​特质,例如​爱心、智慧、公正​同​力量。耶和华​赐​自由​意志​俾​亚当。亚当​唔​系​一​个​受​人​控制​嘅​机械人,佢​可以​选择​做​啱​或者​做​错​嘅​事。如果​亚当​选择​服从​上帝,就​可以​永远​喺​乐园​里面​生活​落去。

6. 亚当​反叛​上帝​之后​失去​咗​乜嘢?我哋​点样​受​到​影响​呢?

6 亚当​反叛​上帝​之后​被​判​处​死刑,代价​的确​极大。亚当​破坏​咗​自己​同​耶和华​嘅​关系,仲​失去​咗​完美​嘅​生命​同​美丽​嘅​家园。(创世记​3:17-19)亚当​同​夏娃​选择​反叛​上帝,所以​佢哋​唔​可以​永远​活​落去。由于​亚当​所​做​嘅​事,结果“罪……进入​世间,死​又​通过​罪​而​嚟,于是​死​就​传​俾​所有​人,因为​所有​人​都​犯​咗​罪”。(罗马书​5:12)亚当​犯罪,将​自己​同​所有​后代​都“卖​咗”俾​罪​同​死​做​奴隶。(罗马书​7:14)噉​我哋​仲​有​冇​希望​呢?系​有​嘅,因为​耶和华​为​我哋​提供​咗​赎价。

7,8. 赎价​系​咩​意思?

 7 赎价​系​咩​意思?基本​上​可以​指​两​种​唔同​嘅​代价:第​一,为咗​赎​翻​某​个​人,使​佢​获得​释放​而​付出​嘅​代价。第​二,为​赔偿​损失​而​要​付出​嘅​代价,呢个​代价​要​同​被​损​坏​嘅​事物​具有​同​等​价值。

8 亚当​犯罪​导致​所有​人​都​会​死,冇​人​能够​付出​代价​弥补​呢个​咁​大​嘅​损失。但系​耶和华​作出​安排,使​我哋​可以​摆脱​罪​同​死​嘅​奴役。等​我哋​睇​吓​赎价​点样​发挥​作用,同埋​我哋​可以​点样​从中​得益。

耶和华​点样​提供​赎价

9. 我哋​需要​点样​嘅​赎价?

9 我哋​冇​一​个​人​能够​付出​赎价,赎​翻​亚当​所​失去​嘅​完美​生命。点解?因为​所有​人​都​唔​完美。(诗篇​49:7,8)赎价​嘅​价值​系​需要​同​亚当​所​失去​嘅​生命​同等​嘅。要​付出​赎价​就​需要​另​一​个​完美​嘅​生命,噉​先至​系“对​应​嘅​赎价”。(提摩太前书​2:6

10. 耶和华​点样​提供​赎价?

10 耶和华​点样​提供​赎价?耶和华​派​佢​最​宝贵​嘅​儿子​嚟​到​地上。呢个​儿子​就系​耶稣,佢​系​耶和华​最​先​创造​嘅。(约翰一书​4:9,10)耶稣​甘愿​离开​天父​同​天上​嘅​家园。(腓立比书​2:7)耶和华​将​耶稣​嘅​生命​从​天上​转移​到​地上。所以,耶稣​冇​受​到​遗传​嘅​罪​影响,系​个​完美​嘅​人。(路加福音​1:35

耶和华​为​我哋​献​出​佢​宝贵​嘅​儿子​作为​赎价

11. 一​个​人​作为​赎价​点解​可以​拯救​全​人类?

 11 第​一​个​人​亚当​反叛​耶和华,令​全​人类​都​失去​完美​嘅​生命。有​冇​人​可以​为​亚当​嘅​所有​后代​除去​死亡​呢?有。(请​读​罗马书​5:19耶稣​献​出​自己​完美​嘅​生命​作为​赎价,因为​佢​从来​都​冇​犯​过​罪。(哥林多前书​15:45)佢​完美​嘅​生命​可以​为​亚当​所有​后代​除去​死亡。(哥林多前书​15:21,22

12. 点解​耶稣​要​经历​咁​多​痛苦?

12 圣经​记载​耶稣​死​之前​经历​咗​好多​痛苦。佢​俾​人​残酷​噉​鞭打​同​钉​喺​苦刑柱​上,饱​受​折磨​而​死。(约翰福音​19:1,16-18,30;请​睇附注​15)点解​耶稣​要​受​咁​多​苦?因为​撒但​声称​冇​人​喺​严峻​嘅​考验​之下​仍然​会​忠于​上帝。耶稣​证明​咗​一​个​完美​嘅​人​即使​遭受​最​严峻​嘅​考验,仍然​可以​忠于​上帝。试​谂​吓​耶和华​会​几​咁​以​耶稣​为​荣!(箴言​27:11

13. 赎价​系​点样​付出​嘅​呢?

13 赎价​系​点样​付出​嘅​呢?公元​33​年​犹太历​尼散月​十四​日,耶和华​容许​耶稣​被​敌人​处死。(希伯来书​10:10)三​日​后,耶和华​将​耶稣​复活​成为​一​个​灵体。之后,耶稣​返​到​天上,嚟​到​天父​面前,将​自己​完美​生命​嘅​价值​呈​献​俾​耶和华。(希伯来书​9:24)因为​赎价,我哋​就​有​机会​摆脱​罪​同​死​嘅​奴役。(请​读​罗马书​3:23,24

 你​可以​点样​从​赎价​得益

14,15. 要​使​罪​得​蒙​宽恕,我哋​要​采取​乜嘢​行动?

14 赎价​系​上帝​赐​俾​人​最​宝贵​嘅​礼物,我哋​已经​从​呢​份​礼物​得益。一齐​嚟​睇​吓​赎价​点样​喺​而家​同​未来​造益​我哋。

15 我哋​嘅​罪​得到​宽恕。人人​都​难免​会​犯错,譬如​有时​会​讲​错​嘢​同​做​错事。噉​点​先​可以​得​蒙​宽恕​呢?要​为​自己​所​做​嘅​错事​衷心​悔改,谦卑噉​求​耶和华​宽恕,我哋​就​可以​确信​自己​嘅​罪​会​得到​宽恕。(歌罗西书​1:13,14;约翰一书​1:8,9

16. 我哋​点​先​可以​有​清白​嘅​良心?

16 我哋​可以​有​清白​嘅​良心。我哋​做​错事​就​会​受​良心​谴责​感到​内疚,甚至​会​觉得​绝望​同​一无是处。不过,我哋​唔使​灰心。如果​我哋​恳​求​耶和华,佢​一定​会​垂听​同​宽恕​我哋。(希伯来书​9:13,14)耶和华​想​我哋​坦​诚​噉​向​佢​倾诉,包括​自己​所有​嘅​难题​同​弱点。(希伯来书​4:14-16)噉样,我哋​就​可以​同​上帝​和好。

17. 耶稣​牺牲​生命​使​我哋​有​乜嘢​希望?

17 我哋​有​希望​永远​生活​落去。“罪​嘅​工价​就系​死,但系​上帝​通过​我哋​嘅​主​基督​耶稣​俾​人​嘅​恩赐,就系​永生。”(罗马书​6:23)因为​耶稣​牺牲​生命,我哋​可以​享有​完美​嘅​健康,永远​生活​落去。(启示录​21:3,4)但​我哋​需要​点样​做​先​可以​得到​呢啲​福分​呢?

 你​会​唔​会​感激​赎价​嘅​安排?

18. 我哋​点​知道​耶和华​好​爱​我哋?

18 试​谂​吓,你​收到​一​份​好​钟意​嘅​礼物​一定​会​好​感动。赎价​系​所有​礼物​当中​最​珍贵​嘅,我哋​应该​为​此​深深​感激​耶和华。约翰福音​3:16​话:“上帝​深爱​世人,甚至​赐​下​自己​嘅​独生子”。冇错,耶和华​好​爱​我哋,甚至​愿意​将​爱子​耶稣​赐​俾​我哋。耶稣​都​好​爱​我哋,因为​佢​甘愿​为​我哋​而​死。(约翰福音​15:13)赎价​呢​份​礼物​足​以​证明​耶和华​同​耶稣​的确​好​爱​我哋。(加拉太书​2:20

我哋​继续​学习​耶和华​嘅​知识,就​会​加深​对​佢​嘅​爱,成为​佢​嘅​朋友

19. 你​点样​可以​成为​耶和华​嘅​朋友?

19 既然​耶和华​咁​爱​你,你​可以​点样​成为​佢​嘅​朋友​呢?要​爱​一​个​你​唔​认识​嘅​人​并​唔​容易。约翰福音​17:3​话,我哋​系​可以​认识​耶和华​你​越​认识​佢,你​对​佢​嘅​爱​就​会​越​深,亦​都​会​渴望​取悦​佢,你​就​会​成为​佢​嘅​朋友。所以​要​继续​通过​研读​圣经​认识​耶和华。(约翰一书​5:3

20. 你​可以​点样​表明​对​赎价​有​信心?

20 对​赎价​表现​信心。圣经​话:“信从​儿子​嘅,就​有​永生”。(约翰福音​3:36)“信从”系​咩​意思​呢?意思​系​按​耶稣​所​教​嘅​去​做。(约翰福音​13:15)要​表明​对​赎价​有​信心,我哋​就​需要​用​行动​嚟​证明。雅各书​2:26​话:“信心​冇​行动​都​系​死​嘅”。

21,22. (甲)点解​我哋​每​年​都​应该​出席​耶稣​受难纪念​聚会?(乙)呢​本​书​第​6​同​第​7​章​会​探讨​乜嘢?

 21 出席​耶稣​受难纪念​聚会。喺​尼散月​十四​日​晚上,耶稣​吩咐​使徒​要​记念​佢​嘅​死亡。今日,我哋​每​年​都​会​噉​做。呢个​聚会​称​为​耶稣​受难纪念​聚会​或者“主​嘅​晚餐”。(哥林多前书​11:20;马太福音​26:26-28)耶稣​想​我哋​记住:佢​为​我哋​献​出​自己​完美​嘅​生命​作为​赎价。佢​话:“你哋​要​不断​噉样​做​嚟​记念​我”。(请​读​路加福音​22:19你​出席​耶稣​受难纪念​聚会,就​表明​你​谨记​赎价​嘅​安排,呢个​安排​充分​显示​耶和华​同​耶稣​向​我哋​表现​嘅​伟大​爱心。——请​睇附注​16

22 赎价​系​我哋​收到​嘅​礼物​当中​最​宝贵​嘅。(哥林多后书​9:14,15)呢​份​宝贵​嘅​礼物​亦​都​可以​造益​千百万​死​去​嘅​人。点解​噉​讲​呢?呢​本​书第​6​同​第​7​章会​进一步​解释。