跳到内容

跳到目录

 第​4​章

耶稣基督系边个?

耶稣基督系边个?

1,2. (甲)净系​知道​某​个​名​人​嘅​名,算​唔​算​真正​认识​佢?请​解释。(乙)好多​人​对​耶稣​有​乜嘢​睇法?

世界​上​有​好多​著名​嘅​人物。你​可能​知道​某​个​名​人​嘅​名,不过​净系​知道​佢​嘅​名​唔​代表​真正​认识​佢,或者​了解​佢​嘅​为​人​同​佢​生活​嘅​每​方面。

2 大约​两千​年​前,耶稣​基督​喺​地上​生活​过。你​可能​都​听​过​呢个​人物,不过,大部分​人​都​唔​知​佢​系​个​点样​嘅​人。有​人​话​佢​系​个​好人,有​人​话​佢​系​个​先知,仲​有​人​相信​佢​就系​上帝。你​又​有​乜嘢​睇法​呢?——请​睇附注​12

3. 点解​确切​认识​上帝​同​耶稣​好​重要?

3 确切​认识​耶稣​对​你​好​重要。点解​呢?圣经​话:“佢哋​不断​吸收​知识,认识​你​呢位​独一​嘅​真神,而且​认识​你​所​差​嚟​嘅​耶稣​基督,就​可以​有​永生。”(约翰福音​17:3)冇错,如果​你​确切​认识​耶和华​同​耶稣,就​能够​永远​生活​喺​地上​嘅​乐园。(约翰福音​14:6)而且​认识​耶稣​可以​使​你​知道​应该​点样​处​世​为​人,因为​佢​系​最​佳​嘅​典范。(约翰福音​13:34,35)本​书第​1​章讲​过​同​上帝​有关​嘅​真理,而家​我哋​可以​认识​多​啲​同​耶稣​有关​嘅​事。

 我哋​已经​揾​到​弥赛亚​嘞!

4. “弥赛亚”同“基督”呢​两​个​衔头​意味​住​乜嘢?

4 喺​耶稣​出生​之前​好多​年,耶和华​已经​通过​圣经​话​佢​会​派​弥赛亚,即​系​基督​嚟​到​地上。译​自​希伯来语​嘅“弥赛亚”同​译​自​希腊语​嘅“基督”,呢​两​个​词​都​系衔​头,意味​住​呢位​被​上帝​拣选​嘅​弥赛亚​会​完成​一​个​重要​嘅​任务。弥赛亚​会​实现​上帝​嘅​一切​应许。事实​上​喺​耶稣​出生​之前,好多​人​都​想​知道边个​会​系​弥赛亚。

5. 点解​门徒​确信​耶稣​就系​弥赛亚?

5 耶稣​嘅​门徒​确信,耶稣​就系​预言​所​讲​嘅​弥赛亚。(约翰福音​1:41)例如,西门​·​彼得​好​肯定​噉​同​耶稣​讲:“你​系​基督”。(马太福音​16:16)点解​我哋​可以​同样​确信​耶稣​就系​弥赛亚?

6. 耶和华​点样​帮助​诚心正意​嘅​人​认​出​弥赛亚?

6 耶稣​出生​之前​好多​年,上帝​嘅​先知​已经​写​低​好多​细节​帮助​人​认​出​弥赛亚。试​谂​吓,假设​你​要​去​一​个​繁忙​嘅​车站​接​人,你​从​未​见​过​佢,不过,有​人​将​佢​嘅​特征​话​俾​你​知,你​就​能够​凭​呢啲​特征​认​出​佢。同样,耶和华​通过​先知​预言​弥赛亚​会​做​乜嘢​事,同埋​有​乜嘢​事​会​发生​喺​佢​身上。呢啲​预言​嘅​应验,可以​帮助​诚心正意​嘅​人​睇​出​耶稣​就系​弥赛亚。

7. 边​两​个​预言​证明​耶稣​系​弥赛亚?

7 我哋​嚟​睇​吓​其中​两​个​预言。头​一​个​系​弥迦​先知​喺 耶稣​出生​之前​700​年​讲​出,预言​话​弥赛亚​会​喺​小​城​伯利恒​诞生。(弥迦书​5:2)耶稣​就系​喺​呢个​地方​出世!(马太福音​2:1,3-9)喺​另​一​个​预言,但以理​就​预告​弥赛亚​将​会​喺​公元​29​年​出现。(但以理书​9:25)好多​预言​都​清楚​证明​耶稣​就系​应许​嘅​弥赛亚,呢度​提​到​嘅​只系​其中​两​个。——请​睇附注​13

耶稣​受浸​成为​弥赛亚,又​称​基督

8,9. 耶稣​受浸​嗰时​有​咩​事​发生,证明​佢​就系​弥赛亚?

8 耶和华​清楚​表明​耶稣​就系​弥赛亚。上帝​讲​过​会​俾​施浸者​约翰 *一​个​凭证,使​佢​知道​边个​系​弥赛亚。公元​29​年,约翰​喺​约旦河​为​耶稣​施​浸​嗰时,佢​睇到​呢个​凭证。圣经​记载​当时​发生​嘅​事:“耶稣​受​咗​浸,随​即​从​水​中​上​嚟。睇​吓!天​开​咗,约翰​睇见​上帝​嘅​灵​好似​鸽子​降​喺​耶稣​身上。忽然​有​声音​从​天上​发出​话:‘呢个​系​我​嘅​儿子,系​我​所​爱​嘅,系​我​所​悦纳​嘅。’”(马太福音​3:16,17)约翰​凭​住​自己​睇到​听到​嘅,可以​肯定​耶稣​就系​弥赛亚。(约翰福音​1:32-34)当​耶和华​将​圣灵​倾注​喺​耶稣​身上​嗰​一刻,耶稣​就​成为​弥赛 亚​嘞。佢​就系​上帝​所​拣选​嘅​领袖​同​君王。(以赛亚书​55:4

9 圣经​嘅​预言​同​耶稣​受浸​嗰时​约翰​所​见​所​听​嘅,都​证明​咗​耶稣​就系​弥赛亚。噉​耶稣​嚟自​边度?佢​为​人​系​点​嘅​呢?等​我哋​嚟​睇​吓​圣经​点​讲。

 耶稣​嚟自​边度?

10. 耶稣​嚟​地上​之前​住​喺​边度?圣经​点​讲?

10 圣经​话耶稣​嚟​到​地上​之前,已经​喺​天上​生活咗​一​段​好​长​嘅​时间。弥迦​先知​话​弥赛亚“源自​远​古”。(弥迦书​5:2)耶稣​好多​次​都​提​到​自己​降世​为​人​之前​系​住​喺​天上​嘅。(请​读​约翰福音​3:13;6:38,62;17:4,5耶稣​嚟​到​地上​之前,就​已经​同​耶和华​有​亲密​嘅​关系。

11. 点解​喺​耶和华​心目​中​耶稣​非常​宝贵?

11 喺​耶和华​心目​中,耶稣​系​非常​宝贵​嘅。点解​噉​讲​呢?上帝​创造​宇宙​万物​之前​先​创造​耶稣,所以​耶稣​被​称​为​受​造​万物​当中​嘅“头生子”。 *歌罗西书​1:15)另外,只​有​耶稣​系​耶和华​亲自​创造​嘅,所以​佢​被​称​为“独生子”。(约翰福音​3:16)耶稣​亦​都​系​唯一​受​耶和华​任用​去​创造​其他​宇宙​万物​嘅。(歌罗西书​1:16)而且,只​有​耶稣​被​称​为“话语”,因为​耶和华​通过​佢​向​天使​同​人类​传达​信息​同​指示。(约翰福音​1:14

12. 点解​话​耶稣​唔​系​上帝?

12 有啲​人​相信​耶稣​就系​上帝,但​呢个​讲法​并​冇​圣经​根据。圣经​话​耶稣​系​被​造​嘅,即​系​话​耶稣​嘅​生命​有​开始。不过,创造主​耶和华​嘅​生命​并​冇​开始。(诗篇​90:2)耶稣​作为​上帝​嘅​儿子,从来​都​冇​谂​过​要​同​上 帝​有​同等​嘅​地位。圣经​清楚​指​出​父亲​比​儿子​大。(请​读​约翰福音​14:28;哥林多前书​11:3)只​有​耶和华​系“全能​嘅​上帝”。(创世记​17:1)佢​系​全​宇宙​最​伟大​最​有​力量​嘅。——请​睇附注​14

13. 点解​圣经​称​耶稣​为“上帝​嘅​形像”?

13 喺​创造​万物​之前,耶和华​同​儿子​耶稣​紧密​合作,一齐​工作​咗​亿万​年。佢哋​之​间​嘅​感情​肯定​非常​深​厚!(约翰福音​3:35;14:31)耶稣​效法​天父,十全十美​噉​反映​出​上帝​嘅​特质,所以​圣经​称​佢​为“睇​唔​见​嘅​上帝​嘅​形像”。(歌罗西书​1:15

14. 耶和华​心​爱​嘅​儿子​点样​降世​为​人?

14 耶和华​心​爱​嘅​儿子​甘愿​离开​天上,降世​为​人。呢​件​事​点​可能​发生​呢?耶和华​施行​奇迹,将​佢​儿子​嘅​生命​从​天上​转移​到​一​个​叫​马利亚​嘅​处女​腹​中。所以,耶稣​嘅​生命​唔​系​嚟自​地上​嘅​父亲。因为​噉,马利亚​就​可以​生​出​一​个​完美​嘅​儿子,后来​起名​叫​做​耶稣。(路加福音​1:30-35

耶稣​嘅​为人

15. 你​点样​做​就​可以​更加​了解​耶和华?

15 通过​阅读​马太福音、马可福音、路加福音​同​约翰福音​呢​四​本​书,你​可以​了解​到​好多​同​耶稣​有关​嘅​事,例如​佢​嘅​生平​事迹​同​各​种​特质。呢​四​本​书​称​为​四福音。由于​耶稣​完美​噉​反映​出​天父​嘅​特质, 通过​阅读​四福音​可以​帮助​你​更加​了解​耶和华。所以​耶稣​话:“边个​睇见​我,就系​睇见​父亲”。(约翰福音​14:9

16. 耶稣​教导​人​乜嘢?佢​嘅​教导​嚟自​边度?

16 好多​人​都​称呼​耶稣​做“老师”。(约翰福音​1:38;13:13)耶稣​主要​教导​人“王国​嘅​好消息”。呢个​王国​系​乜嘢?就系​上帝​嘅​政府。王国​会​从​天上​统治​整​个​地球,为​服从​上帝​嘅​人​带​嚟​福分。(马太福音​4:23)耶稣​所​教​嘅​一切​都​嚟自​耶和华。耶稣​话:“我​所​教​嘅,唔​系​我​自己​嘅​道理,而系​出于​嗰​位​差​我​嚟​嘅”。(约翰福音​7:16)耶稣​知道,耶和华​希望​所有​人​都​可以​听见​上帝​王国​会​统治​全球​嘅​好消息。

17. 耶稣​喺​边度​教导​人?点解​佢​付出​咁​多​时间​同​精力​去​教导​人?

17 耶稣​喺​边度​教导​人​呢?无论​城市、乡村、市集、崇拜​场所​抑​或​喺​人​嘅​屋企,只要​系​有​人​嘅​地方,耶稣​都​会​去​教导​人。佢​唔​系​等​人​过嚟​揾​佢,而系​主动​去​接触​人。(马可福音​6:56;路加福音​19:5,6)耶稣​努力​传道,付出​好多​时间​同​精力​去​教导​人。点解​佢​愿意​噉​做?因为​佢​知道​上帝​希望​佢​噉样​做,而​佢​一直​都​好​乐意​遵行​天父​嘅​旨意。(约翰福音​8:28,29)另外,耶稣​传道​系​因为​佢​关心​人,对​人​有​同情心。(请​读​马太福音​9:35,36佢​睇到​宗教​领袖​冇​帮助​人​亲近​上帝,亦​都​冇​教导​人​上帝​王国​嘅​真理,就​好想​尽力​帮助​更​多​人​听到​好消息。

18. 你​最​钟意​耶稣​边啲​特质?

 18 耶稣​关爱​世人。佢​性​情​温和,平易近人,甚至​连​小朋友​都​钟意​同​佢​一齐。(马可福音​10:13-16)耶稣​行事​为​人​总​系​公平​公正​嘅,佢​憎恨​腐败​同​唔​公平​嘅​事。(马太福音​21:12,13)喺​耶稣​生活​嘅​时代,女性​冇​咩​社会​地位,唔​受​尊重。而​耶稣​就​一直​尊重​妇女,顾​及​佢哋​嘅​尊严。(约翰福音​4:9,27)另外,耶稣​系​一​个​真正​谦卑​嘅​人。有​一​次​佢​亲自​为​门徒​洗​脚,而​呢啲​事​通常​系​仆人​做​嘅。(约翰福音​13:2-5,12-17

边度​有​人,耶稣​就​去​边度​传道

19. 我哋​点​知道​耶稣​了解​人​真正​嘅​需要,而且​好想​帮​人​呢?请​举例。

19 耶稣​了解​人​真正​嘅​需要,而且​好想​帮​人。所以​佢​运用​上帝​嘅​能力,施行​奇迹​医治​人。(马太福音​14:14)有​一​次,一​个​患​咗​麻风病​嘅​男人​嚟​恳求​耶稣,话:“只要​你​愿意,就​可以​使​我​洁净”。耶稣​对​佢​嘅​痛苦​感同身受,好想​帮​佢。于是,耶稣​伸​手​摸​佢,同​佢​讲:“我​好​愿意!你​洁净​啦”。然后,佢​就​康复​嘞!(马可福音​1:40-42)请​想象​吓,呢个​男人​当时​几​咁​感动!

一直​忠于​天父

20,21. 点解​话​耶稣​喺​服从​上帝​方面​系​最好​嘅​榜样?

20 喺​服从​上帝​方面,耶稣​系​最好​嘅​榜样。无论​发生​乜嘢​事,或者​敌人​点​对​佢,佢​仲系​忠于​天父。例如, 耶稣​受​到​撒但​引诱​嗰阵​并​冇​犯罪。(马太福音​4:1-11)就算​家人​唔​信​佢​系​弥赛亚,又​话​佢“癫​咗”,佢​都​继续​做​上帝​嘅​工作。(马可福音​3:21)虽然​敌人​残忍​噉​对待​佢,耶稣​都​冇​谂​过​要​报复,依然​对​上帝​保持​忠贞。(彼得前书​2:21-23

21 即使​耶稣​受​尽​折磨,痛苦​噉​死​去,佢​都​仲系​忠于​耶和华。(请​读​腓立比书​2:8请​想象​吓,当日​佢​要​忍受​几​咁​大​嘅​痛苦。佢​唔单止​俾​人​逮捕,俾​人​诬告​话​佢​亵渎​上帝,仲​俾​腐败​嘅​审判官​判处​死刑,又​遭受​暴民​嘅​嘲笑​同​士兵​嘅​折磨,最后​被​钉​喺​一​条​柱​度。 佢​临​死​之前​大声​噉​话:“完成​喇!”(约翰福音​19:30)耶稣​死​去​三​日​之后,耶和华​将​佢​复活​成为​灵体。(彼得前书​3:18)过​咗​几​个​星期,耶稣​返​到​天上,“坐​喺​上帝​嘅​右边”,等待​上帝​任命​佢​做​君王。(希伯来书​10:12,13

22. 因为​耶稣​忠于​天父,我哋​而家​有​乜嘢​希望?

22 因为​耶稣​对​天父​保持​忠贞,我哋​而家​有​希望​喺​地上​乐园​享​永生,呢个​就系​耶和华​最初​嘅​旨意。喺​下​一​章,我哋​会​讨论​点解耶稣​嘅​牺牲​令​我哋​有​机会​永远​生活​落去

^ 8段 耶稣​嘅​时代,有​个​先知​叫​约翰。佢​帮助​人​受浸,即​系​将​人​完全​浸​入​水​里面,表明​佢哋​为​自己​嘅​罪​悔改。但系,耶稣​受浸​唔​系​代表​佢​有​罪,而系​表明​佢​愿意​献​出​自己​遵行​上帝​嘅​旨意。

^ 11段 耶和华​被​称​为​父亲,因为​佢​系​创造主。(以赛亚书​64:8)耶稣​被​称​为​上帝​嘅​儿子,因为​佢​系​耶和华​创造​嘅。天使​同​亚当​亦​都​被​称​为​上帝​嘅​儿子。(约伯记​1:6;路加福音​3:38