跳到内容

跳到目录

 第​17​章

祷告——上帝俾人嘅宝贵恩赐

祷告——上帝俾人嘅宝贵恩赐

“造​天地​嘅​主”好想​我哋​向​佢​祷告。(诗篇​115:15

1,2. 可以​向​上帝​祷告​点解​系​好​大​嘅​荣幸?关于​祷告,点解​我哋​需要​知道​圣经​点​讲?

地球​同​宇宙​相比​其实​好​渺​小。喺​耶和华​眼​中,地上​所有​人​加​起嚟​都​不过​好似​桶​中​嘅​一​滴​水。(诗篇​115:15;以赛亚书​40:15)虽然​我哋​同​整​个​宇宙​比​起嚟​咁​渺​小,不过,诗篇​145:18,19​话:“凡​呼求​耶和华,凡​真诚​呼求​佢​嘅,上帝​都​亲近​佢哋。上帝​会​成​全​敬畏​佢​嘅​人​嘅​心​愿;佢​听见​佢哋​求​救,就​拯救​佢哋。”全能​嘅​创造主​耶和华​好想​亲近​我哋,听​我哋​祷告。呢个​系​几​咁​大​嘅​荣幸!的确,祷告​系​耶和华​赐​俾​每​个​人​嘅​特别​恩赐。

2 如果​我哋​想​祷告​蒙​耶和华​垂听,就​必须​按照​佢​所​悦纳​嘅​方式​祷告。我哋​可以​点样​做?关于​祷告,请​睇​吓​圣经​点​讲。

点解​要​向​耶和华​祷告?

3. 点解​你​应该​向​耶和华​祷告?

3 耶和华​希望​你​向​佢​祷告。我哋​点​知​呢?请​读​腓立比书​4:6,7宇宙​嘅​至高​统治者​邀请​你​向​佢​祷告,表明​佢​好​关心​你,好想​听到​你​讲​出​内心​嘅​感受​同​面对​嘅​困难。

4. 点解​经常​向​耶和华​祷告​能够​加深​你​同​佢​嘅​友谊?

 4 你​可以​通过​祷告​同​耶和华​培养​亲密​嘅​关系。就​好似​朋友​之​间​如果​经常​交流,了解​彼此​嘅​谂法、忧虑​同​感受,友谊​就​会​越来越​深​厚。同样,耶和华​通过​圣经​话​俾​你​知​佢​嘅​谂法​同​感受,仲​有​佢​将​要​实现​嘅​事。而​你​可以​经常​祷告,向​耶和华​讲​出​心​底​话,噉​你​同​耶和华​嘅​友谊​就​会​越来越​深​厚。(雅各书​4:8

我哋​要点​做,上帝​先​会​听​我哋​祷告?

5. 点解​话​唔​系​所有​祷告​耶和华​都​会​听?

5 系咪​所有​祷告​耶和华​都​会​听​呢?唔​系。喺​先知​以赛亚​嘅​时代,耶和华​话​俾​以色列人​知:“即使​你哋​多​多​祷告,我​都​唔​会​听。你哋​杀人​害​命,双手​沾​满​鲜​血”。(以赛亚书​1:15)所以,如果​我哋​做​咗​耶和华​视​为​唔啱​嘅​事,佢​就​唔​会​听​我哋​嘅​祷告。

6. 点解​有​信心​好​重要?你​可以​点样​表明​自己​嘅​信心?

 6 如果​我哋​想​耶和华​听​我哋​嘅​祷告,就​一定​要​对​佢​有​信心。(马可福音​11:24)使徒​保罗​亦​都​话:“人​冇​信心,就​唔​能够​赢得​上帝​嘅​喜悦,因为​到​上帝​面前​嚟​嘅​人​必须​信​佢​存在,又​信​佢​必定​奖赏​恳切​寻求​佢​嘅​人。”(希伯来书​11:6)不过,只系​话​自己​有​信心​系​唔够​嘅,我哋​需要​通过​日常​嘅​言行​嚟​表明​自己​嘅​信心。(请​读​雅各书​2:26

7. (甲)我哋​向​耶和华​祷告​嘅​时候,点解​应该​表现​谦卑​同​尊重​嘅​态度?(乙)我哋​点样​表明​自己​嘅​祷告​系​真诚​嘅​呢?

7 我哋​向​耶和华​祷告​嘅​时候,需要​表现​谦卑​同​尊重​嘅​态度。点解​呢?试​谂​吓,我哋​同​总统​或者​国家​领导​人​讲话​都​会​表现​尊重​嘅​态度。何况​系​全能​嘅​上帝,我哋​唔​系​更加​应该​以​谦卑​同​尊重​嘅​态度​同​佢​讲话​咩?(创世记​17:1;诗篇​138:6)如果​我哋​真诚​向​耶和华​祷告,所​讲​嘅​话​就​应该​系​发​自​内心​嘅,而​唔​系​反反复复​讲​同样​嘅​话。(马太福音​6:7,8

8. 我哋​祷告​之后,仲​需要​点样​做​呢?

8 我哋​应该​为​自己​所​祈求​嘅​事​采取​相​应​嘅​行动。例如,我哋​为​生活​所​需​向​耶和华​祷告​之后,唔​应该​乜嘢​都​唔​做,只系​等​耶和华​嘅​帮助。相反,我哋​要​勤力​尽​责,揾​到​乜嘢​工作,就​做​乜嘢​工作。(马太福音​6:11;帖撒罗尼迦后书​3:10)如果​我哋​向​耶和华​祷告,求​佢​帮助​我哋​克服​某​个​弱点,噉​自己​就​要​远​离​任何​诱惑​人 嘅​环境。(歌罗西书​3:5)而家,等​我哋​分析​几​个​同​祷告​有关​嘅​问题。

同​祷告​有关​嘅​问题

9. 我哋​应该​向​边个​祷告?关于​祷告,我哋​从​约翰福音​14:6​学​到​乜嘢?

9 应该​向​边个​祷告?耶稣​教导​门徒​向“我哋​喺​天上​嘅​父亲”祷告。(马太福音​6:9)佢​亦​都​话:“我​就系​道路、真理、生命。如果​唔​系​通过​我,边个​都​唔​可以​到​父亲​嗰度”。(约翰福音​14:6)所以​我哋​应该​只系​向​耶和华​祷告,而且​要​通过​耶稣​噉​做。点解​要​通过​耶稣​祷告​呢?因为​噉样​表明​我哋​承认​佢​嘅​地位。我哋​之前​学​过,耶和华​派​耶稣​嚟​到​地上​拯救​人类​摆脱​罪​同​死亡。(约翰福音​3:16;罗马书​5:12)佢​仲​委任​耶稣​做​大祭司​同​审判官。(约翰福音​5:22;希伯来书​6:20

你​可以​随时​向​上帝​祷告

10. 我哋​需​唔​需要​用​某​个​特定​嘅​姿势​祷告?请​解释。

10 需​唔​需要​用​特定​嘅​姿势​祷告?耶和华​并​冇​要求​我哋​祷告​嘅​时候​要​跪​低、坐​住​或者​企​喺​度。圣经​嘅​记载​显示,我哋​可以​用​任何​庄重​嘅​姿势​同​佢​讲话。(历代志上​17:16;尼希米记​8:6;但以理书​6:10;马可福音​11:25)耶和华​最​重视​嘅​系​人​怀​住​正确​嘅​态度​向​佢​祷告,而​唔​系​祷告​嘅​姿势。任何​时候​任何​地点​我哋​都​可以​祷告。我哋​祷告​可以​讲​出​声,亦​都​可以​喺​心​里​面​默默​祷告。我哋​可以​深信,无论​有​冇​人​听到​我哋​嘅​祷告,耶和华​都​能够​听到。(尼希米记​2:1-6

11. 我哋​可以​为​边啲​事​向​耶和华​祈求​呢?

 11 可以​为​边啲​事​祈求?任何​符合​耶和华​旨意​嘅​事,我哋​都​可以​向​佢​祈求。圣经​话:“我哋​按照​上帝​嘅​旨意,无论​求​乜嘢,佢​都​听​我哋”。(约翰一书​5:14)噉​可​唔​可以​为​个​人​嘅​事​祈求​呢?当然​可以。向​耶和华​祷告​就​好似​同​好​朋友​倾计​一样,我哋​可以​向​佢​倾心吐意,畅​所​欲​言。(诗篇​62:8)我哋​可以​求​上帝​赐​圣灵,因为​圣灵​力量​强大,能够​帮助​我哋​做​正确​嘅​事。(路加福音​11:13)我哋​仲​可以​求​耶和华​赐​智慧​俾​我哋​做​明智​嘅​决定,同埋​赐​力量​俾​我哋​应付​难题。(雅各书​1:5)另外,我哋​应该​祈求​耶和华​宽恕​我哋​嘅​罪。(以弗所书​1:3,7)我哋​都​可以​为​其他​人​祷告,包括​自己​嘅​家人​同​会众​嘅​弟兄​姊妹。(使徒行传​12:5;歌罗西书​4:12

12. 我哋​祷告​中​最​关心​嘅​应该​系​乜嘢?

12 我哋​祷告​中​最​关心​嘅​应该​系​乜嘢?应该​系​耶和华​同​佢​嘅​旨意。我哋​应该​衷心​感激​耶和华​为​人类​所​做​嘅​一切。(历代志上​29:10-13)耶稣​喺​地上​嘅​时候​就系​噉样​教导​门徒​祷告。(请​读​马太福音​6:9-13佢​教导​门徒​应该​先​祈求​上帝​嘅​名​彰显​为​圣,意思​系​被​视​为​神圣,或者​成为​圣洁。耶稣​嘅​模范​祷告​表明,我哋​仲​应该​求​上帝​嘅​王国​来临,同埋​耶和华​嘅​旨意​喺​地上​实现。我哋​应该​先​为​呢啲​重要​嘅​事​祈求,然后​先至​系​个​人​需要。我哋​喺​祷告​中​将​耶和华​同​佢​嘅​旨意​放​喺​第​一​位,就​表明​我哋​唔​系​只​关心​自己。

13. 我哋​祷告​应该​几​长?

 13 祷告​应该​几​长?圣经​冇​明确​规定。祷告​可​长​可​短,视乎​情况​而​定。例如,我哋​食饭​之前​可能​会​作​一​个​简短​嘅​祷告,但​当​我哋​向​耶和华​表达​感激​之​情​或者​向​佢​倾心吐意​嘅​时候,就​可能​会​作​比较​长​嘅​祷告。(撒母耳记上​1:12,15)喺​耶稣​嘅​时代,有啲​人​为咗​引​人​注意, 就​作​好​长​嘅​祷告,我哋​千祈​唔​好​学​佢哋​噉样。(路加福音​20:46,47)其实​耶和华​所​悦纳​嘅​祷告,唔​系​在​乎​长​短,而系​有​冇​出于​真诚,发​自​内心。

14. (甲)我哋​应该​几​耐​祷告​一​次?(乙)我哋​从中​睇​出​耶和华​系​个​点样​嘅​上帝?

14 应该​几​耐​祷告​一​次?耶和华​好想​我哋​经常​同​佢​沟通。圣经​话​我哋​应该“不断​祷告”,而且“祷告​要​坚持不懈”。(马太福音​26:41;罗马书​12:12;帖撒罗尼迦前书​5:17)耶和华​随时​都​准备​好​听​我哋​祷告。我哋​每​日​都​可以​向​耶和华​祷告,感谢​佢​嘅​爱​同​慷慨,仲​可以​向​佢​寻求​指引,以及​求​佢​赐​力量​同​安慰。如果​我哋​睇 出​可以​向​耶和华​祷告​系​好​大​嘅​荣幸,就​应该​经常​善用​呢个​恩赐。

15. 祷告​结束​嘅​时候,点解​要​讲“阿们”?

15 点解​祷告​结束​嘅​时候​要​讲“阿​们”?“阿们”嘅​意思​系“确实​如此”或者“诚心​希望​如此”。祷告​结束​时​讲“阿们”,表示​我哋​系​衷心​嘅。(诗篇​41:13)圣经​嘅​例子​显示,听​完​某​个​人​代表​集体​向​上帝​祷告​之后,无论​我哋​喺​心里​面​抑​或​开​口​讲“阿们”,都​表示​同意​佢​嘅​话。(历代志上​16:36;哥林多前书​14:16

上帝​点样​回应​我哋​嘅​祷告

16. 耶和华​系咪​真系​会​回应​我哋​嘅​祷告?请​解释。

16 耶和华​系咪​真系​会​回应​我哋​嘅​祷告?佢​一定​会。圣经​将​上帝​称​为“听​祷告​嘅​主”。(诗篇​65:2)我哋​可以​深信,世上​千百万​人​嘅​衷心​祷告,耶和华​都​会​听,并且​用​各​种​方式​一一​回应。

17. 耶和华​点样​通过​天使​同​地上​嘅​仆人​回应​我哋​嘅​祷告?

17 耶和华​会​通过​天使​同​佢​地上​嘅​仆人​回应​我哋​嘅​祷告。(希伯来书​1:13,14)唔少​人​都​有​噉​嘅​经历:佢哋​想​学习​圣经,所以​就​祈求​上帝​帮助,之后​冇几耐,耶和华见证人​就​嚟​探访​佢哋。圣经​亦​表明​天使​都​有​参与​使“好消息”传遍​大地​嘅​工作。(请​读​启示录​14:6另外,好多​人​都​试​过​为咗​一​个​难题​或者​个​人​需要,具体​向​耶和华​祷告,之后​就​得到​弟兄​姊妹​嘅​帮助。(箴言​12:25;雅各书​2:16

耶和华​可能​会​通过​弟兄​姊妹​回应​我哋​嘅​祷告,俾​我哋​所​需要​嘅​帮助

18. 耶和华​点样​通过​圣灵​同​圣经​回应​我哋​嘅​祷告?

 18 耶和华​仲​会​通过​圣灵​回应​我哋​嘅​祷告。我哋​祈求​佢​帮助​我哋​应付​难题​嘅​时候,佢​可能​会​通过​圣灵​指引​同​赐​力量​俾​我哋。(哥林多后书​4:7)耶和华​亦​都​可能​会​通过​圣经​回应​我哋​嘅​祷告,帮助​我哋​作​明智​嘅​决定。我哋​用​心​阅读​圣经,就​可能​会​喺​当中​揾​到​一啲​对​我哋​有​帮助​嘅​经文。另外,我哋​参加​基督徒​聚会​嘅​时候,耶和华​可能​通过​某​个​人​嘅​评论,或者​长老​分享​嘅​圣经​观点​俾​我哋​所​需要​嘅​帮助。(加拉太书​6:1

19. 点解​有时​会​觉得​耶和华​冇​回应​我哋​嘅​祷告?

19 有时,我哋​可能​会​谂:点解​耶和华​仲​未​回应​我​嘅​祷告​呢?要​记住,耶和华​清楚​知道​我哋​嘅​需要,佢​知道​应该​以​乜嘢​方式,同埋​几时​回应​系​最​适当​嘅。我哋​可能​要​为​某​件​事​不断​祷告,噉样​表明​我哋​嘅​祈求​系​热切​嘅,信心​系​真诚​嘅。(路加福音​11:5-10)有时,耶和华​回应​我哋​祷告​嘅​方式,系​我哋​意想唔到​嘅。例如,我哋​身​处​困境​向​上帝​祷告​求助,佢​嘅​回应​或者​唔​系​将​难题​除去,而系​赐​力量​使​我哋​可以​继续​忍耐。(请​读​腓立比书​4:13

20. 点解​我哋​要​经常​向​耶和华​祷告?

20 我哋​可以​向​耶和华​祷告,真系​莫大​嘅​荣幸!我哋​深信​佢​一定​会​听​我哋​嘅​祷告。(诗篇​145:18)我哋​经常​向​耶和华​衷心​祷告,同​佢​嘅​友谊​就​会​越来越​深​厚。