跳到内容

跳到目录

 第​12​章

你可以点样成为上帝嘅朋友?

你可以点样成为上帝嘅朋友?

1,2. 边啲​人​系​耶和华​嘅​朋友?

你​想​同​点样​嘅​人​做​朋友​呢?可能​系​一啲​你​钟意​嘅,或者​同​你​志同道合​嘅​人;又​或者​系​一啲​性格​好好,而且​品格​好​值得​你​欣赏​嘅​人。

2 耶和华​会​拣​某​啲​人​做​佢​嘅​朋友,例如亚伯拉罕。(以赛亚书​41:8;雅各书​2:23)耶和华​都​好​钟意​大卫,经文​话​大卫​系“一​个​合[上帝]心意​嘅​人”。(使徒行传​13:22)至于​先知​但以理,耶和华​就​话​佢​系​一​个“极​可​贵”嘅​人。(但以理书​9:23

3. 点解​亚伯拉罕、大卫​同​但以理​可以​成为​耶和华​嘅​朋友​呢?

3 点解​亚伯拉罕、大卫​同​但以理​可以​成为​耶和华​嘅​朋友​呢?耶和华​曾经​同​亚伯拉罕​讲:“你​听从​咗​我​嘅​话”。(创世记​22:18)耶和华​唔​单​止​个别​噉​同​谦卑​服从​佢​嘅​人​做​朋友,仲​会​同​成​个​民族​做​朋友。耶和华​对​以色列人​讲:“你哋​要​听从​我​嘅​话。我​必​做​你哋​嘅​上帝,你哋​亦​必​做​我​嘅​子民”。(耶利米书​7:23)如果​你​想​成为​耶和华​嘅​朋友,你​就​要​服从​耶和华。

耶和华​保护​佢​嘅​朋友

4,5. 耶和华​点样​保护​佢​嘅​朋友?

4 圣经​话,耶和华​会“显​大能​帮助​嗰啲​全心​归向​佢​嘅 人”。(历代志下​16:9)喺​诗篇​32:8,耶和华​向​佢​嘅​朋友​承诺:“我​要​使​你​洞悉​事​理,指​教​你​应该​走​嘅​路;我​嘅​眼​要​看顾​你,为咗​使​你​得到​劝告。”

5 有​个​能力​高强​嘅​仇敌​想​阻止​人类​同​上帝​做​朋友。不过,耶和华​会​保护​我哋。(请​读​诗篇​55:22作为​耶和华​嘅​朋友,我哋​要​全心​事奉​佢。即使​面对​困境,我哋​都​要​忠于​上帝。我哋​要​同​诗篇​执笔者​有​同样​嘅​信心,佢​话​耶和华“喺​我​右边,我​就​必​不​动摇”。(诗篇​16:8;63:8)撒但​会​试图​点样​阻止​我哋​成为​上帝​嘅​朋友?

撒但​嘅​指控

6. 撒但​点样​指控​人类?

6 我哋​喺第​11​章学​到,撒但​指责​耶和华​讲大话,又​暗示​上帝​对​亚当​夏娃​唔​公平,唔​俾​佢哋​自​行​决定​是非​标准。约伯记​透露,撒但​仲​指控​嗰啲​想​同​上帝​做​朋友​嘅​人,话​佢哋​事奉​上帝​并​唔​系​出于​爱心,而系​为咗​得到​好处。撒但​甚至​话​佢​能够​使​所有​人​离弃​上帝。等​我哋​一齐​嚟​睇​吓,喺​约伯​身上​可以​学​到​乜嘢,以及​耶和华​点样​保护​佢。

7,8. (甲)喺​耶和华​眼​中​约伯​系​个​点样​嘅​人?(乙)撒但​点样​指控​约伯?

7 约伯​系​边个?佢​系​个​好人,生活​喺​大约​3600​年​前。耶和华​话,当时​地上​冇​人​好似​约伯​噉样​无​可​指责。约伯​深深​尊重​耶和华,憎恨​恶事。(约伯记​1:8)约伯​的确​系​耶和华​嘅​真​朋友。

 8 撒但​声称​约伯​为咗​个​人​利益​先至​事奉​上帝。撒但​同​耶和华​讲:“你​唔​系​四面​围​上​篱笆​保护​佢​同​佢​屋企,又​保护​佢​所有​嘅​一切​咩?佢​手​所​做​嘅​都​蒙​你​赐​福,佢​嘅​牲畜​亦​都​喺​地上​增多。而家,如果​你​伸​手​打击​佢​嘅​一切,佢​肯定​会​当​面​咒骂​你!”(约伯记​1:10,11

9. 耶和华​容许​撒但​点​做?

9 撒但​指控​约伯,话​佢​系​为咗​得到​好处​先至​事奉​耶和华。撒但​仲​声称​自己​能够​使​约伯​离弃​耶和华。虽然​耶和华​唔​同意​撒但​嘅​讲法,不过​佢​容许​撒但​考验​约伯,等​佢​可以​睇​出​约伯​做​上帝​朋友​嘅​动机​系咪​因为​爱​上帝。

撒但​打击​约伯

10. 撒但​点样​打击​约伯?约伯​有​乜嘢​反应?

10 撒但​打击​约伯,首先​使​佢​嘅​所有​牲畜​唔​系​被​烧​死​就系​俾​人​抢​走。除此之外,佢​仲​将​约伯​几乎​所有​嘅​仆人​杀​死。约伯​家​财​尽​失。跟住,撒但​使​约伯​嘅​十​个​仔女​全部​都​喺​一​场​风暴​中​死​去。虽然​发生​咗​呢​一切,约伯​仲系​忠于​耶和华。“喺​呢​一切​事​上,约伯​并​冇​犯罪,亦​冇​归​咎​于​上帝。”(约伯记​1:12-19,22

约伯​忠于​耶和华​而​得到​奖赏

11. (甲)撒但​点样​继续​打击​约伯?(乙)约伯​依然​点样?

11 撒但​并​冇​就​此​罢休,佢​同​上帝​讲:“如果​你​伸​手​伤害​佢​嘅​骨​同​肉,佢​一定​会​当​面​咒骂​你!”撒但​继续​打击​约伯,使​佢​患​上​恶​疾,痛​不​欲​生。(约伯记​2:5,7)但系,约伯​依然​忠于​耶和华,佢​话:“我​到​死​都​唔​会​舍弃​忠义!”(约伯记​27:5

12. 约伯​嘅​行动​点样​证明​撒但​讲大话?

 12 约伯​唔​知道​撒但​指控​佢,亦​都​唔​明白​点解​自己​要​受​咁​多​苦,仲​以为​系​耶和华​降​祸​打击​佢。(约伯记​6:4;16:11-14)即使​系​噉,约伯​继续​忠于​耶和华。事实​证明,约伯​唔​系​为咗​利益​先至​同​上帝​做​朋友,而系​因为​爱​佢。好​明显,撒但​嘅​指控​全部​都​系​谎言!

13. 约伯​对​耶和华​忠贞不渝,结果​点样?

13 即使​约伯​唔​知道​天上​发生​嘅​事,佢​依然​忠于​上帝,有力​噉​反驳​咗​撒但​呢个​恶者​嘅​质疑。由于​约伯​对​耶和华​忠贞​到底,上帝​大大​奖赏​佢。(约伯记​42:12-17

撒但​点样​指控​你

14,15. 撒但​点样​指控​全​人类?

14 你​从​约伯​遭遇​嘅​事​可以​学​到​重要​嘅​教训。今日,撒但​都​指控​我哋,话​我哋​只系​为咗​利益​先至​事奉​耶和华。喺​约伯记​2:4,撒但​声称:“……宁愿​舍弃​一切​嚟​换​取自​己​嘅​性命”。好​明显,撒但​唔​单​止​指控​约伯,仲​指控​所有​人,话​佢哋​都​系​自私​嘅。喺​约伯​死​咗​几百​年​之后,圣经​显示​撒但​仍然​羞辱​耶和华​同​指控​上帝​嘅​仆人。我哋​可以​喺​箴言​27:11​睇​出​呢个​事实,经文​话:“我​儿,你​要​有​智慧,使​我​嘅​心​欢喜,等​我​可以​回答​嗰个​讥刺[或者​羞辱]我​嘅​人。”

15 你​可以​选择​服从​耶和华,做​佢​忠贞​嘅​朋友,证明​撒但​讲大话。为咗​同​耶和华​做​朋友,即使​需要​喺​生活 上​作出​重大​改变​都​系​值得​嘅,选择​做​耶和华​嘅​朋友​系​你​最好​嘅​决定!作​呢个​决定​好​重要,因为​撒但​嘅​指控​都​牵涉​到​你,佢​声称​你​一旦​遇​到​难题​就​会​放弃​事奉​上帝。撒但​会​试图​令​你​背弃​上帝。佢​会​用​乜嘢​手段​呢?

16. (甲)撒但​用​乜嘢​手段​使​人​唔​服从​耶和华?(乙)魔鬼​可能​会​用​乜嘢​手段​使​你​唔​服从​耶和华?

16 撒但​会​用​唔同​嘅​手段​嚟​阻止​人​成为​上帝​嘅​朋友。圣经​话​撒但​会​好似“咆哮​嘅​狮子,……设法​吞噬​人”。(彼得前书​5:8)如果​你​嘅​亲友​或者​其他​人​阻止​你​学习​圣经,唔​想​你​做​耶和华​认为​啱​嘅​事,你​都​唔使​觉得​意外。遇​到​噉样​嘅​情况,可能​会​令​你​感觉​直接​受​到​撒但​攻击。 *约翰福音​15:19,20)另​一​方面,撒但​亦​经常​假扮“光明​嘅​天使”,佢​可能​会​用​诡诈​嘅​手段​迷惑​你,引诱​你​唔​服从​耶和华。(哥林多后书​11:14)撒但​仲​用​另​一​种​手段,就系​令​我哋​灰心​气馁,以为​自己​永远​都​唔​能够​符合​上帝​嘅​要求。(箴言​24:10

服从​耶和华​嘅​诫命

17. 我哋​服从​耶和华​嘅​原因​系​乜嘢?

17 我哋​服从​耶和华,就​可以​证明​撒但​系​讲大话​嘅。乜嘢​有​助​于​我哋​服从​耶和华?圣经​话:“你​要​全心、全 意、全力​爱​耶和华​你​嘅​上帝。”(申命记​6:5)我哋​服从​耶和华​系​因为​我哋​爱​佢。我哋​越​爱​耶和华,就​会​越​乐意​听从​佢​嘅​一切​吩咐。使徒​约翰​话:“我哋​遵守​上帝​嘅​诫命,就系​爱​佢​嘞,况​且​佢​嘅​诫命​并​唔​系​沉重​嘅​负担”。(约翰一书​5:3

18,19. (甲)边啲​事​系​耶和华​认为​唔啱​嘅​呢?(乙)我哋​点​知道​耶和华​唔​会​要求​我哋​做​一啲​我哋​做​唔​到​嘅​事?

18 边啲​事​系​耶和华​认为​唔啱​嘅​呢?请​睇​附栏“ 要​憎恨​耶和华​所​憎恨​嘅​事”。可能​一​开始​你​觉得​呢啲​行为​睇嚟​无​伤​大​雅,不过,当​你​沉思​经文,就​会​睇​出​服从​耶和华​嘅​诫命​系​明智​嘅。你​可能​会​发觉​喺​生活​上​需要​作出​改变。要​作出​改变​或者​唔​容易,不过​你​噉​做,就​可以 成为​耶和华​嘅​真​朋友,得​享​真正​嘅​平安​同​快乐。(以赛亚书​48:17,18)你​系​可以​做​得到​嘅,点解​噉​讲​呢?

19 耶和华​绝对​唔​会​要求​我哋​做​一啲​我哋​做​唔​到​嘅​事。(申命记​30:11-14)耶和华​系​我哋​最好​嘅​朋友,佢​知道​我哋​嘅​能力​限度,对​我哋​嘅​了解​甚至​清楚​过​我哋​自己。(诗篇​103:14)使徒​保罗​话:“上帝​系​信实​嘅,一定​唔​会​俾​你哋​受​引诱​超过​你哋​能够​忍受​嘅。喺​你哋​受​引诱​嘅​时候,佢​一定​会​打开​出路,使​你哋​忍耐​得​住”。(哥林多前书​10:13)我哋​可以​确信​耶和华​一定​会​赐​俾​我哋​力量​做​啱​嘅​事。佢​会​赐​俾​你“超凡​嘅​力量”,能够​使​你​喺​困难​嘅​情况​下​都​可以​保持​忍耐。(哥林多后书​4:7)使徒​保罗​就​曾经​多​次​体会​耶和华​帮助​佢​应付​困境,佢​表达 自己​嘅​心声​话:“我​靠​住​赐​力量​俾​我​嘅​嗰​位,凡​事​都​能够​应付。”(腓立比书​4:13

爱​上帝​所​爱​嘅

20. 你​想​效法​耶和华​嘅​乜嘢​特质?点解?

20 如果​你​想​同​耶和华​做​朋友,就​唔​应该​再​做​上帝​憎恨​嘅​事。不过​噉样​仲​未够。(罗马书​12:9)上帝​嘅​朋友​会​爱​上帝​所​爱​嘅。请​读​诗篇​15:1-5睇​吓​经文​点样​描述​佢哋。爱​耶和华​嘅​人​会​努力​效法​佢​嘅​特质,表现“爱心、喜乐、和平、耐心、仁慈、良善、信心、温和、自制”。(加拉太书​5:22,23

21. 你​可以​点样​培养​上帝​钟意​嘅​特质?

21 你​可以​点样​培养​呢啲​美好​嘅​特质?经常​阅读​同​学习​圣经,可以​帮助​你​更​认识​乜嘢​系​耶和华​所​爱​嘅。(以赛亚书​30:20,21)你​越​努力​噉样​做,对​耶和华​嘅​爱​就​会​越​深,噉​你​就​会​越来越​想​服从​佢。

22. 我哋​服从​耶和华​会​有​乜嘢​好​结果​呢?

22 要​喺​生活​上​作出​改变,就​好似​将​旧​嘅​衫​除​落​嚟,然后​着​上​新​嘅。圣经​话​你​需要“除去​旧​品格”同“穿​上​新​品格”。(歌罗西书​3:9,10)噉样​做​可能​唔​容易,但系​我哋​为咗​服从​耶和华​而​作出​调整,佢​会​大大“奖赏”我哋。(诗篇​19:11)我哋​要​选择​服从​耶和华,尽​一​分​力​驳​倒​撒但​嘅​质疑。当然,我哋​事奉​耶和华,唔​应该​因为​任何​奖赏​回报,而系​因为​爱​佢。噉样,你​就​能够​成为​上帝​嘅​真​朋友!

^ 16段 呢个​并​唔​系​指​撒但​直接​控制​嗰啲​阻止​你​学习​圣经​嘅​人。不过,撒但​系“现行​制度​嘅​神”,而且“全​世界​都​受​嗰个​恶者[撒但]控制”。所以​有​人​阻止​我哋​事奉​耶和华,唔使​觉得​意外。(哥林多后书​4:4;约翰一书​5:19