跳到内容

跳到目录

左图:1945​年,喺​荷兰​艾恩德霍芬市,一​个​弟兄​因为​传道​被​捕;右图:喺​你​所​住​嘅​地区,传道​嘅​权利​有​冇​受​法律​保障​呢?

 第​四​篇

王国嘅胜利——通过法律途径确立好消息嘅工作

王国嘅胜利——通过法律途径确立好消息嘅工作

 你​正​喺​度​逐家逐户​传道,突然​间​听到​有​警车​声,声音​越​嚟​越​大。你​啱啱​开​口​同​住户​讲话,你​嘅​同伴​就​睇见​一​架​警车​停低​咗,有​个​警察​落​车​行​过嚟​问:“逐家逐户​同​人​讲​圣经​嘅,就系​你哋​两​个​啊?我哋​接​到​好多​投诉​喎!”你​好​有​礼貌​噉​回答​佢,仲​表明​自己​系​耶和华见证人。接​落嚟​会​有​咩​事发​生​呢?

结果​会​点样,往往​同​过去​发生​嘅​事​有​好​大​关​系。一直​以来,你​住​嘅​地方,当地​嘅​政府​点样​对待​耶和华见证人​呢?你哋​有​冇​宗教​自由​呢?有​嘅​话,好​可能​系​因为​过去​几十​年​来,你​嘅​属灵​弟兄​姊妹​努力“为​好消息​辩护,通过​法律​途径​确​立​好消息​嘅​工作”。(腓立比书​1:7)无论​你​生活​喺​边度,沉思​耶和华见证人​喺​法律​上​一​次​又​一​次​获得​嘅​胜​诉,你​嘅​信心​都​会​大​受​强化。呢​一​篇​会​睇​吓​其中​一啲​获得​胜​诉​嘅​案​件。连​场​胜​诉​充分​证明​上帝​嘅​王国​系​真实​嘅,因为​单凭​我哋​自己​嘅​能力,根本​冇​可能​做​得到。

这部分的内容包括……

第13章

王国传道员提出诉讼

现代有啲高等法院嘅法官同古代律法导师迦玛列有同样嘅睇法。

第14章

一心拥护上帝嘅政府

耶和华见证人因为喺政治方面保持中立受到迫害,但系迫害佢哋嘅“河水”,以意想唔到嘅方式被吞咗。

第15章

争取崇拜自由

上帝嘅子民争取法律上嘅权利,为咗服从上帝王国嘅律法。